JEREMAÏAH 6:12 - Khasi CL Bible (BSI)

¹² Ïa ki ïing jong ki yn ai noh ha kiwei, bad kumta kan long ïa ki lyngkha jong ki bad ki tnga jong ki. Ngan sa pynshitom ïa ki briew jong kane ka ri.

KA BAIBL

¹² Bad ïa ki ïing jong ki yn aiti ha kiwei, ïa ki lyngkha jong ki bad ïa ki tnga jong ki lang: naba ngan kner ïa la ka kti halor kiba shong ha kata ka ri,” ong U Trai.

JEREMAÏAH 6:12 ပူးပေါင်းရင်းမြစ်များ

1 KHRONIKL 21:16

Haba u Dabid u ïohi ïa u angel uba ïeng ha shiteng suiñ, u da bat ïa la ka waitlam ha la ka kti, uba la pynkhreh ban pynjot thiaw ïa ka Jerusalem. Nangta u Dabid bad ki nongïalam jong ki paidbah — baroh na ki, kiba la phong ki jaiñ khain — ki dem pynrit, bad la ki khlieh kiba kynduh ha madan.

ISAÏAH 10:4

Phin shah pynïap ha ka thma lane phin shah paring kum ki koidi. Pynban wat la katta ruh, ïa ka jingbitar jong U Trai yn ym pynkut; ka kti jong u kan dang ïai kner ban pynshitom.

ISAÏAH 5:25

U Trai u la bitar ïa la ki briew bad u la kner ïa la ka kti ban pynshitom ïa ki. Ki lumbah kin khynñiuh bad ïa ki met jong kito kiba la ïap yn ieh ha ki lynti kum ka synrum. Pynban wat la katta ruh ïa ka jingbitar U Trai ym shym la pynkut, hynrei ka kti jong u kan ïai kner ban pynshitom.

ISAÏAH 9:12

Ka Syria ha ka phang mihngi bad ka Philistia ha ka phang sepngi ki la ang la ka shyntur ban bam ïa ka Israel. Pynban la katta ruh ïa ka jingbitar jong U Trai ym shym pynkut; ka kti jong u ka dang kner ban pynshitom.

ISAÏAH 9:17

Bad kumta U Trai un ym shah ba uno uno u samla un lait phet, bad un ym pyn-i ka jingisynei ïano ïano na ki riewkynthei bad ki khunswet, namar baroh ki briew ki long kiba khlem blei bad bymman bad kaei kaei baroh kaba ki ong ka long kaba sniew. Pynban la katta ruh ïa ka jingbitar jong U Trai yn ym pynkut, hynrei ka kti jong u kan dang ïai kner ban pynshitom.

ISAÏAH 9:21

Ki briew jong ka Manasseh bad ki briew jong ka Ephraim ki tur ïaleh para ma ki, bad ryngkat lang ki tur ïaleh ïa ka Judah. Pynban la katta ruh, ïa ka jingbitar jong U Trai ym shym pynkut, ka kti jong u ka dang ïai kner ban pynshitom.

JEREMAÏAH 15:6

Ma phi ki briew phi la kyntait ïa nga; phi la pynphai ïa la ki ingdong sha nga. Kumta nga la kner ïa la ka kti bad pynlwet ïa phi namar nga la thait ban teh lakam ïa ka jingbitar jong nga.

JEREMAÏAH 21:5

Ngan ïaleh pyrshah ïa me da ka borbah jong nga baroh, da ka jingdom jong nga, da ka jingbitar shla jong nga, bad da ka jingingkhong khait jong nga.

JEREMAÏAH 38:22

Ha ka, nga la ïohi ba ïa baroh ki kynthei kiba dang sah ha ka ïingsyiem ha Judah ba la ïalam ïa ki shabar sha ki rangbah pynïaidkam jong u syiem ka Babilonia. Ha sngap ïa kaei kaba ki ïakren katba ki dang ïaleit: “ ‘Ki paralok bajan tam u syiem ki la ïalam bakla ïa u, ki la ïaid lait ïa u. Bad mynta ba ki kjat jong u ki la ngam ha ka ktieh, ki paralok jong u ki la iehnoh ïa u.’ ”

JEREMAÏAH 38:23

Te nga la ong shuh shuh, “Ïa baroh ki kynthei bad ki khun jong phi, yn rah noh sha ki nong Babilonia, bad ma phi ruh ïa lade phin ym lait na ki. Yn sa ïalam ïa phi kum u koidi da u syiem ka Babilonia, bad ïa kane ka nongbah yn sa thang lut khoit.”

JEREMAÏAH 7:20

Bad kumta ma nga, U Trai Nongsynshar, ngan theh ïa ka jingbitar shla jong nga halor kane ka Templ. Ngan theh ïa ka halor ki briew bad ki mrad kumjuh, bad wat halor ki dieng bad ki jingthung. Ka jingbitar jong nga kan long kum ka ding kaba ym don mano mano ba lah ban pynlip.

JEREMAÏAH 8:10

Kumta ngan ai ïa ki lyngkha jong ki ha ki trai bathymmai bad ïa ki tnga jong ki ha kiwei pat ki rangbah. Uwei uwei baroh, uba rit bad uba khraw, u pyrshang ban thaw pisa da ka jingbymhok. Wat ki nongïathuhlypa bad ki lyngdoh ki thok ïa ki briew.

SNGEWSYNEI 2:8

U Trai u la kut jingmut ba ki kynroh jong ka Seïon ki dei ban khyllem; u la thew ïa ki ban pynthikna ïa ka jingpynjot thiaw. Ki mot bad ki kynroh mynta ki ïadon lang ha ka jingjot.

SNGEWSYNEI 3:3

Bad u la ïai sympat ïa nga da ki jingtied bym don jingisynei.

SNGEWSYNEI 5:11

Ïa ki tnga jong ngi la batbor ha u lum Seïon hi; ha man ki nongrit ka Judia ïa ki khun kynthei jong ngi la pynbor ban pyndem.

SNGEWSYNEI 5:2

Ka jingdon jingem jong ngi ka don ha ki kti jong ki riewphylla; ki nongwei ki shong ki sah ha ki ïing jong ngi.

SNGEWSYNEI 5:3

Ïa ki kpa jong ngi la pynïap da u nongshun, bad mynta ki kmie jong ngi ki long ki riewkynthei.

ESEKIEL 35:3

Ïathuh ha ki briew ïa kaei ba ma nga, U Trai Nongsynshar, nga ong: “Nga long u nongshun jong me, ko ki lumbah ka Edom! Ngan pynlong ïa me ka jaka kynjah.

ESEKIEL 7:24

Ngan wanrah ïa ki jaitbynriew kiba sniew tam hangne bad ailad ïa ki ban shimti ïa ki ïing jong phi. Ki briew kiba khlaiñ tam jong phi kin duh noh ïa la ka jingsngewskhem ynda nga shah ïa ki jaitbynriew ba kin pynjakhlia ïa ki jaka ha kaba phi mane.

MIKAH 2:4

Haba kata ka por ka poi, ki briew kin pyndonkam ïa ka jingïathuhkhana jong phi kum ka nuksa ïa ka jingpynjot, bad kin rwai ïa kane ka jingrwai sngewsih ïa ka jingshem jong phi: “La pynjot thiaw ïa ngi! U Trai u la shim noh ïa ka ri jong ngi bad u la ai ïa ka sha kito kiba la ring koidi ïa ngi.”

SEPHANAÏAH 1:13

Ïa ka spah jong ki yn lute bad ïa ki ïing jong ki yn pynjot. Kin ym shong ha ki ïing kiba ki tei lane dih ïa ka waiñ na ki bri sohwaiñ kiba ki thung.”

SEPHANAÏAH 1:4

“Ngan pynshitom ïa ki briew jong ka Jerusalem bad ka Judah baroh. Ngan pynjot ïa ka dien bakhatduh ka jingmane ïa u Baal hangta, bad ym don mano mano ban kynmaw wat ïa ki lyngdoh blei nongwei kiba shakri ïa u.