JEREMAÏAH 6:11 - Khasi CL Bible (BSI)

¹¹ Ka jingbitar jong me pyrshah ïa ki ka pluh ruh hapoh jong nga, A Trai, bad ngam lah ban kun slem shuh ïa ka.” Nangta U Trai u la ong ha nga, “To theh noh ïa ka jingbitar jong nga halor ki khynnah ha ki surok bad ha ki jingïalang jong ki samla shynrang. Ïa ki rangbah bad ki tnga jong ki yn shim noh, bad wat ïa kiba tymmen tam yn ym pynsah.

KA BAIBL

¹¹ Namar kata, nga dap da ka jingbitar shla jong U Trai; nga la ngiah ban kun ha lade. “Ngan theh ïa ka halor ki khynnah ha ki lynti shnong, bad halor ka jingïaseng lang ki samla; naba wat ïa u tnga lem bad ka tnga yn shim noh, ïa uba la ïaw ka rta lem bad uba la dap ki sngi.

JEREMAÏAH 6:11 ပူးပေါင်းရင်းမြစ်များ

ISAÏAH 40:30

Wat kito kiba dang samla ki sngewtlot; ki rangsamla ki lah ban kyllon ha ka jingthait.

JEREMAÏAH 15:17

Ngam shym pynlut ïa ka por jong nga bad kiwei pat ki briew, ha kaba ïa-rkhie bad ïasngewbha. Ha kaba kohnguh ïa ki hukum jong me nga la long marwei bad nga la dap da ka jingbitar.

JEREMAÏAH 15:6

Ma phi ki briew phi la kyntait ïa nga; phi la pynphai ïa la ki ingdong sha nga. Kumta nga la kner ïa la ka kti bad pynlwet ïa phi namar nga la thait ban teh lakam ïa ka jingbitar jong nga.

JEREMAÏAH 18:21

Hynrei mynta, ko Trai, ai ba ki khun jong ki, kin ym ïoh jingbam haduh ban da ïap; ai ba kin shah pynïap ha ka thma. Ai ba ki kynthei kin duh noh ïa la ki tnga bad ïa ki khun jong ki; ai ba ki rangbah kin ïap na ka jingpang bad ba ki samla shynrang kin shah pynïap ha ka thma.

JEREMAÏAH 20:9

Hynrei haba nga ong, “Ngan klet noh ïa U Trai bad ngan ym kren shuh ha ka kyrteng jong u,” te ka khubor jong me ka long kum ka ding kaba klang jylliew hapoh jong nga. Nga la pyrshang kat kaba nga lah ban kun ïa ka, hynrei ngam lah ban bat ïa ka.

JEREMAÏAH 5:9

Hato ngan ym pynshitom ïa ki na ka bynta kine kiei kiei? bad pynhiarkput ïa ka jaitbynriew kaba kum kane?

JEREMAÏAH 7:20

Bad kumta ma nga, U Trai Nongsynshar, ngan theh ïa ka jingbitar shla jong nga halor kane ka Templ. Ngan theh ïa ka halor ki briew bad ki mrad kumjuh, bad wat halor ki dieng bad ki jingthung. Ka jingbitar jong nga kan long kum ka ding kaba ym don mano mano ba lah ban pynlip.

JEREMAÏAH 9:20

Nga la ong, “To sngap ïa U Trai, phi ki kynthei, bad to pynshahshkor ïa ki ktien jong u. To hikai ïa ki khun kynthei jong phi kumno ban ïambriew, bad ïa ki paralok jong phi kumno ban rwai ka jingrwai ïapbriew.

JEREMAÏAH 9:21

Ka jingïap ka la wan shapoh lyngba ki jingkhangïit jong ngi bad ka la rung sha ki ïingsyiem jong ngi; ka la ot ïa ki khynnah ha ki surok bad ïa ki samla shynrang ha ki jaka ïew.

SNGEWSYNEI 1:15

“U Trai u rkhiebeiñ ïa baroh ki shipai bakhlaiñ tam jong nga; u la phah ka kynhun shipai ban pynjot ïa ki samla shynrang jong nga. U la pynlwet ïa ki briew jong nga kum ïa ki sohwaiñ ha ka jaka khñiot sohwaiñ.

SNGEWSYNEI 2:21

Kiba samla bad kiba tymmen kumjuh ki thiah ïap ha ki lynti bah, ki samla shynrang bad kynthei, ki la shah pynïap da ki waitlam jong u nongshun jong ki. Me la pynïap ïa ki khlem jingisynei ha ka sngi ka jingbitar jong me.

ESEKIEL 24:21

ba ngan ai ha ki Israel ïa kane ka khubor: Pha sarong ha ka jingkhraw jong ka Templ. Pha sngewbha ban khmih ïa ka bad ban leit jngoh ïa ka, hynrei U Trai un pyntngit ïa ka. Bad ki dkhot ba kham samla ha ki longïing jong pha kiba la shah iehnoh ha Jerusalem kin shah pynïap ha ka thma.

ESEKIEL 3:14

Ka bor jong U Trai ka la wan ha nga da ka borbah, bad katba U Mynsiem jong u, u rah noh ïa nga, nga la sngewkthang bad sngewbitar.

ESEKIEL 3:3

U la ong, “Ko khun u briew, bam ïa kane ka kot kli ba nga ai ha me, pyndap ïa ka kpoh jong me da ka.” Te nga bam ïa ka, bad ka thiang kum ka ngap.

ESEKIEL 9:6

Pynïap ïa ki tymmen, ki samla shynrang, ki samla kynthei, ki longkmie bad ki khynnah rit. Hynrei wat ktah kti ïa uno uno uba don ka dak ha ka shyllangmat jong u. Sdang nangne na ka Templ jong nga.” Kumta ki la sdang na ki nongïalam kiba ïeng hangta ha ka Templ.

MIKAH 3:8

Hynrei na ka bynta jong nga, U Trai u pyndap ïa nga da U Mynsiem bad ka bor, bad u ai ha nga ka jingsngewthuh ïa ka jingbishar hok bad ka jingshlur ban ïathuh ha ki paid Israel kiei ki long ki pop jong ki.

LOUKAS 17:34

Ha kata ka miet, nga ong ha phi, yn don ar ngut ki briew kiba thiah ha kajuh ka jingthiah: Ïa uwei yn shim noh, ïa uwei pat yn iehnoh shadien.

KI KAM 17:16

Katba u Paul u dang ap ha Athens ïa u Silas bad u Timothi, u sngew shitom jingmut shikatdei eh haba u la ïohi ba ka nongbah ka shlei da ki bleithaw.

KI KAM 18:5

Haba u Silas bad u Timothi ki la poi na Makedonia, u Paul u la pynlut ïa ka por jong u baroh ha kaba ïalap ïa ka khubor, da kaba sakhi ha ki Jiw ba U Jisu u dei U Messaïah.

KI KAM 4:20

Naba ngim lah ban sangeh ban kren ïa kaei kaba ma ngi hi ngi la ïohi bad ïohsngew.”

JINGPYNPAW 16:1

Nangta nga la ïohsngew ïa ka sur kaba jam kaba kren na ka Templ, ha ki hynñiew ngut ki angel: “Khie leit bad theh noh ïa ki hynñiew tylli ki pliang jong ka jingbitar U Blei ha ka pyrthei!”