JEREMAÏAH 52:9 - Khasi CL Bible (BSI)

⁹ Ïa u Sedekaïah la ïalam sha u syiem Nebukhadnessar, uba don ha ka nongbah Riblah ha ka ri ki Hamath bad hangta u Nebukhadnessar u rai pynrem ïa u.

KA BAIBL

⁹ Ynda kumta, ki la kem ïa u syiem, bad ki la lam artet ïa u ha u syiem ka Babilon sha Riblah ha ka ri Hamath; u ruh u la ai ka jingbishar halor jong u.

JEREMAÏAH 52:9 ပူးပေါင်းရင်းမြစ်များ

1 SYIEM 8:65

Hangta ha ka Templ, u Solomon bad ki paid Israel baroh ki rakhe ïa ka Jingkhawai Niam Ki Ïingtrep ha ki hynñiew sngi. Hangta la don u paidbah bynriew babun naduh ki jaka kiba jngai kum ka Khim Hamath shaphang shatei bad ka u pud ka Ijipt shaphang shathie.

2 SYIEM 23:33

Ka jingsynshar jong u ka la kut haba u Neko u syiem Ijipt u kem koidi ïa u ha Riblah, ha ri ki Hamath, bad pynlong ïa ka Judah ban siew lai hajar sawspah kilo ka rupa bad laiphew saw kilo ka ksiar kum ka bai nguh syiem.

2 SYIEM 25:6

La ïalam ïa u Sedekaïah sha u syiem Nebukhadnessar uba don ha ka nongbah Riblah, bad hangta u Nebukhadnessar u la rai pynrem ïa u.

2 KHRONIKL 33:11

Kumta U Trai u shah ïa ki rangbah shipai jong ka kynhun shipai Assyria ban tur ïaleh ïa ka Judah. Ki la kem ïa u Manasseh, ki pyndait jingbnoh ha u, ki teh ki kynjri ïa u, bad ïalam ïa u sha Babilon.

2 KHRONIKL 8:3

U la ïohknieh ïa ka jaka Hamath bad Sobah bad u kerkut ïa ka nongbah Palmyra ha ka ri shyiap.

JEREMAÏAH 21:7

Hynrei na ka bynta jong phi, ki rangbah synshar jong phi bad ki briew kiba lait im na ka thma, ka khlam bad ka 'nemsniew — ngan ai ïa baroh na phi ban shahjop ha u syiem Nebukhadnessar bad da ki nongshun jong phi, kiba kwah ban pynïap ïa phi. U Nebukhadnessar un phah pynïap ïa phi. Un ym pynsah ïano ïano na phi lane un ym isynei lane sngewlem ïano ïano na phi. Ma nga, U Trai, nga la kren.”

JEREMAÏAH 39:5

Hynrei ka kynhun shipai Babilonia ka la beh nadien jong ki bad kem ïa u Sedekaïah ha ki pyntha hajan ka Jerikho. Te ki la leit ïalam ïa u sha u syiem Nebukhadnessar, uba don ha ka nongbah Riblah ha ka ri Hamath, bad hangta u Nebukhadnessar u la ai ïa ka jingrai halor jong u.

SNGEWSYNEI 4:20

Ki la kurup ïa ka tynrai jong ka jingim jong ngi, ïa u syiem uba U Trai u la jied, uta uba ngi la shaniah ban ïada ïa ngi na uno uno u nonghiarthma.

ESEKIEL 11:10

bad yn pynïap ïa phi ha ka thma ha ka ri jong phi hi. Te uwei pa uwei un tip ba nga long U Trai.

ESEKIEL 23:24

Kin tur ïaleh ïa pha naphang shatei, da kaba wanrah ïa ka kynhun shipai babun lem bad ki kali ïapom bad ki, ki kali ba-dap kyrhai ka jingbam. Da kaba kieng da ki stieh bad ki jingïada khlieh, kin ker sawdong ïa pha. Ngan aiti ïa pha ha ki, bad kin bishar ïa pha da la ki jong ki aiñ.

JINGKHEIÑ 13:21

Kumta kita ki rangbah ki leit shaphang shatei bad ki la swar ïa kata ka ri naduh ri khlaw Sin kaba shaphang shathie haduh Rehob, hajan ka lynti khim Hamath ha ka phang bashatei.

JINGKHEIÑ 34:11

Nangta un leit shaphang shathie sha Harbel, sha mihngi jong ka Ain, bad nangta sha ki lum harud ka Duriaw Galilaïa shaphang mihngi,

JOSHUA 13:5

ka ri jong ki Gebal, ka Lebanon baroh shaphang mihngi, naduh Baalgad, kaba don shaphang shathie jong u Lum Hermon, haduh ka Khim Hamath.