JEREMAÏAH 52:7 - Khasi CL Bible (BSI)

⁷ Wat la ki nong Babilonia ki ker sawdong ïa ka nongbah, baroh ki shipai ki lait phet ha ka por mynmiet. Ki la phet lyngba ka kper u syiem, ki leit lyngba ka khyrdop ba pynïasoh ïa ki ar tylli ki kynroh, bad ki phet na ka liang ban poi sha ka Them Jordan.

KA BAIBL

⁷ Ha kata, la pynlong ka jingpynpra ha ka shnong, te ki nongïapom baroh ki la phet ïap, bad ki la leit mih noh na shnong mynmiet na ka lynti ka khyrdop hapdeng ki ar kynroh, kaba hajan ka kper u syiem; (te ki Khaldi ki la don pyrshah ïa ka shnong baroh sawdong:) bad ki la leit na ka lynti ka Arabah.

JEREMAÏAH 52:7 ပူးပေါင်းရင်းမြစ်များ

2 SYIEM 25:4

Wat la ki nong Babilonia ki la kerkut ïa ka nongbah, baroh ki shipai ki la lait phet ha ka por mynmiet. Ki la mih na ka lynti ka kper syiem, ki la ïaid lyngba ïa ka khyrdop kaba pynïasoh ïa ki ar tylli ki kynroh, bad ki la phet ha ka phang jong ka Them Jordan.

JEREMAÏAH 34:22

Ngan ai ka hukum, bad kin wan biang sha kane ka nongbah. Kin tur ïaleh ïa ka, kin kurup ïa ka, bad thang duh ïa ka. Ngan pynlong ïa ki shnong ka Judah ba kin long kum ka ri shyiap ha kaba yn ym don mano mano ban shong ban sah ha ka. Ma nga, U Trai, nga la kren.”

JEREMAÏAH 39:2

Ha ka sngi kaba khyndai jong u bnai basaw jong ka snem kaba khatwei ka jinglong syiem u Sedekaïah, ïa ki kynroh ka nongbah la pynpra lut.

JEREMAÏAH 49:26

Ha kata ka sngi ïa ki samla shynrang yn pynïap ha ki lynti bah jong ka nongbah, bad ïa ki shipai jong ka baroh yn pynjot.

JEREMAÏAH 51:32

U nongshun u la kurup ïa ka jaka ba jam ïa ka wah bad u la thang ïa ki kut. Ki shipai Babilonia ki la lamwir.

JEREMAÏAH 6:5

Ngin tur ïaleh mynmiet; ngin pynjot ïa ki kut jong ka nongbah.”

ESEKIEL 12:12

U khun syiem uba synshar ïa ki un tawah ïa la ka song ha ka tyrpeng jong u bad un phet lyngba ka thliew kaba ki la tih na ka bynta jong u ha ka kynroh. Un tap ïa ki khmat jong u, bad um ïohi shano ba u leit.

ESEKIEL 12:4

Katba ka dang shai, to teh ïa ka song jong me na ka bynta ka jingshah ringmraw, khnang ba kin lah ban ïohi ïa me, bad nangta shah ïa ki ban khmih ïa me ba me mihnoh ha ka premmiet kumba me leit sha ka jingshah ringmraw.

ESEKIEL 33:21

Ha ka sngi kaba san jong u bnai uba shiphew jong ka snem kaba khat-ar jong ka jinglongmraw jong ngi, uwei u briew uba la lait im na Jerusalem, u la wan sha nga bad u la ïathuh ha nga ba ka nongbah ka la kyllon.

LEBITIKOS 26:17

Ngan phai pyrshah ïa phi, te phin shahjop ha ki nongshun jong phi, bad kito kiba phi isih kin synshar halor jong phi; phin sngewsheptieng haduh katta katta ba phin phet ïap haba ym don ba beh ïa phi.

LEBITIKOS 26:36

“Ngan pynlong ha kito na phi kiba dang sah ha ka jinglongmraw ka jingsheptieng kaba khraw kat haduh ba ka jingriew ka sla dieng ha ka jingbeh ka lyer kan pynher krad ïa phi. Phin her ïap la kumba shah beh ha madan thma, bad phin kyllon haba u nongshun um pat don hajan.

AMOS 4:3

Phin sa shah ring sha ka jaka bapei ha ka kynroh ba hajan tam, bad yn sa bret ïa phi shabar.”

DEUTERONOMI 28:25

“U Trai un shah ba ki nongshun kin jop ïa phi. Phin tur pyrshah ïa ki na kawei ka dong, hynrei phin sa her ïap na kiba bun ki dong, bad ki briew ka pyrthei kin sngewsheptieng haba ki ïohi aïu ka jia ïa phi.

DEUTERONOMI 32:30

Balei ba shihajar kin shahjop tang ha uwei, bad shiphew hajar pat tang ha ki ar ngut? U Trai U Blei jong ki u la iehnoh ïa ki, bad U Blei badonbor jong ki u la kyntait noh ïa ki?