JEREMAÏAH 52:4 - Khasi CL Bible (BSI)

⁴ bad kumta u Nebukhadnessar u wan lem bad ka kynhun shipai jong u baroh bad u tur ïaleh ïa ka Jerusalem ha ka sngi kaba shiphew jong u bnai uba shiphew ha ka snem kaba khyndai jong ka jingsynshar u Sedekaïah.

KA BAIBL

⁴ Te ha ka bakhyndai snem ka jingsynshar jong u, ha u bnai bashiphew, ha ka bashiphew sngi jong u bnai, u Nebukhadressar u syiem ka Babilon u la wan, ma u bad u paidïapom jong u baroh, ban ïaleh ïa ka Jerusalem, bad u la shong dara ban ïaleh ïa ka; bad ki la tei ki kut ban ïaleh ïa ka baroh sawdong.

JEREMAÏAH 52:4 ပူးပေါင်းရင်းမြစ်များ

ISAÏAH 29:3

U Blei un tur ïaleh ïa ka nongbah, un don sawdong jong ka bad un kerkut ïa ka.

JEREMAÏAH 21:2

“Sngewbha ban kren ha U Trai na ka bynta jong ngi, namar u Nebukhadnessar u syiem ka Babilonia bad ka kynhun shipai jong u ki la wan kerkut ïa ka nongbah. Lehse U Trai un leh kawei na ki kambah jong u na ka bynta jong ngi, bad un pynbor ïa u Nebukhadnessar ba un kynran dien noh.”

JEREMAÏAH 32:24

“Ki nong Babilonia ki la tei ïa ki kynton kerkut sawdong ïa ka nongbah ban kurup ïa ka, bad ki tur ïaleh ïa ka. Ka thma, ka jingïapthngan bad ka jingpang kin pynlong ïa ka nongbah ban hap ha ki kti jong ki. Me lah ban ïohi ba baroh kaba me la kren ka la urlong shisha.

JEREMAÏAH 34:1

U Trai u la kren ha nga mynba u Nebukhadnessar u syiem ka Babilonia bad ka kynhun shipai jong u, ba la kyrshan da ki shipai na baroh ki hima bad ki jaitbynriew kiba la hap hapoh ka jingsynshar jong u, ki la tur ïaleh ïa ka Jerusalem bad ki shnong ba-marjan.

JEREMAÏAH 39:1

Ha u bnai ba-shiphew jong ka snem bakhyndai ba u Sedekaïah u long u syiem ka Judah, u Nebukhadnessar u syiem ka Babilonia u la wan bad ka kynhun shipai jong u baroh bad u la tur ïaleh ïa ka Jerusalem.

JEREMAÏAH 4:17

bad yn kerkut ïa ka Jerusalem kumba ki rangbah ki ap phira ïa ka lyngkha, namar ki briew jong ka ki la ïeng ïaleh pyrshah ïa U Trai. U Trai u la kren.

JEREMAÏAH 52:7

Wat la ki nong Babilonia ki ker sawdong ïa ka nongbah, baroh ki shipai ki lait phet ha ka por mynmiet. Ki la phet lyngba ka kper u syiem, ki leit lyngba ka khyrdop ba pynïasoh ïa ki ar tylli ki kynroh, bad ki phet na ka liang ban poi sha ka Them Jordan.

ESEKIEL 21:22

Mynta! Ka kti kamon jong u ka bat ïa ka jingkdew ba la thoh ‘Jerusalem’! Ka ïathuh ïa u ban leit bad buh ïa ki dieng tyndung pynpra kynroh, ban pyrta ïa ka jingkyang thma, ban buh ïa ki dieng tyndung pynpra kynroh pyrshah ïa ki khyrdop, ban bret shajrong ïa ka khyndew ba la tih, bad ban tih ïa ki kharai.

ESEKIEL 21:27

Ka jingjot, ka jingjot! Ho-oid, ngan pynlong ïa ka nongbah ka jot. Hynrei kane kan ym jia tad haduh ba uta uba nga la jied ban pynshitom ïa ka nongbah u la wan. Nangta ngan sa ai ïa ka ha u.

ESEKIEL 26:8

Kito kiba shong basah ha ki shnong ha ka ri kin shah pynïap ha ka jingïaleh. Ki nongshun kin tih ïa ki kharai, kin tei ïa ki kynton khyndew, bad pynlong ki kynroh baskhem pyrshah ïa pha.

ESEKIEL 33:21

Ha ka sngi kaba san jong u bnai uba shiphew jong ka snem kaba khat-ar jong ka jinglongmraw jong ngi, uwei u briew uba la lait im na Jerusalem, u la wan sha nga bad u la ïathuh ha nga ba ka nongbah ka la kyllon.

ESEKIEL 40:1

Ka la long ka sngi kaba shiphew jong ka snem thymmai, kaba long ka snem kaba arphew san hadien ba la ringmraw ïa ngi bad khatsaw snem hadien ba la jop ïa ka Jerusalem. Ha kata ka sngi nga la sngew ïa ka jingdon ryngkat badonbor jong U Trai, bad u la rah noh ïa nga.

LEBITIKOS 26:25

Ngan pynkhie da ka thma ban pynshitom ïa phi namar ka jingpynkheiñ jutang jong phi, bad lada phi wad jingïada da kaba ïalumlang ha la ki shnong, ngan phah ïa ki jingpang bym lah pynkhiah hapdeng jong phi bad phin hap pyndem ha ki nongshun jong phi.

SEKHARAÏAH 8:19

“Ki jingshah jingit kiba la long ha u bnai basaw, uba san, uba hynñiew, bad uba shiphew kin kylla long ki Jingkhawai Niam ka jingkmen bad ka jingshadkmen ïa ki paid Judah. Phi dei ban ieit ïa ka jingshisha bad ka jingsuk.”

LOUKAS 19:43

Ka por kan poi haba ki nongshun jong pha kin ker sawdong ïa pha da ki jingker, ki jingkhanglad ïa pha, bad ki nang tur jan sha pha na ki liang baroh.

LOUKAS 21:20

“Haba phi ïohi ba la kerkut ïa ka Jerusalem da ki kynhun shipai, te phin tip ba shen yn sa pynjot noh ïa ka.