JEREMAÏAH 52:28 - Khasi CL Bible (BSI)

²⁸ Kane ka long ka jingbuh jingthoh ïa ki briew kiba u Nebukhadnessar u la rah kum ki koidi: ha ka snem kaba hynñiew jong u kum u syiem u la ïalam noh lai hajar arphew lai ngut;

KA BAIBL

²⁸ Kine ki long kita ki briew ïa kiba u Nebukhadressar u la ring mraw: ha ka bahynñiew snem, lai hajar bad arphew lai ngut ki Jiw:

JEREMAÏAH 52:28 ပူးပေါင်းရင်းမြစ်များ

2 KHRONIKL 36:20

U ïalam ïa baroh kiba dang lait im sha Babilonia, ha kaba ki shakri ïa u bad ïa kiba hiarpateng na u, kum ki mraw haduh ka por ka jingkhie rasong ka Hima Persia.

ESRA 2:1

Bun na kiba la shah ringmraw, ki la mihnoh na ka probins jong ka Babilon bad wan phai pat sha Jerusalem bad Judah, uwei pa uwei sha la ka jong ka nongbah. Ki longïing jong ki, ki la shong la sah ha ka jingshah ringmraw ha Babilon naduh ka por ba u Nebukhadnessar u la lah rah ïa ki hangta kum ki koidi.

NEHEMAÏAH 7:6

Bun na kiba shah ringmraw, ki la mihnoh na ka probins Babilon bad wan phai sha Jerusalem bad Judah, uwei pa uwei sha la ka jong ka nongbah. Ki longïing jong ki, ki la shong la sah ha ka jingshah ringmraw ha Babilon naduh ba u syiem Nebukhadnessar u la rah ïa ki shata kum ki koidi.

JEREMAÏAH 13:19

Ki shnong jong ka Judah bashathie ki don hapoh ka jingshah kerkut; ym don mano mano ba lah ban leit lyngba sha ki. Ïa ki briew baroh jong ka Judah la shim noh sha ka jinglongmraw.”

JEREMAÏAH 52:29

ha ka snem kaba khatphra jong u, phraspah laiphew ar ngut na Jerusalem;

SNGEWSYNEI 1:5

Ki nongshun jong ka ki la jop; ki la bat ïa ka ha ka bor jong ki. U Trai u la pynlong ïa ka ban shahshitom na ka bynta ki pop kiba bun jong ka baroh. Ïa ki khun jong ka la kem bad la shah rah noh.

ESEKIEL 12:11

Ïathuh ïa ki ba kaei kaba me la leh ka dei ka dak jong kaei ka ban jia ha ki — kin long ki nongphetwir bad kiba shah ring koidi.