JEREMAÏAH 52:27 - Khasi CL Bible (BSI)

²⁷ Hangta u syiem u la phah ban tied ïa ki bad ban pynïap. Kumta ïa ki briew ka Judah la rah noh na ka ri jong ki sha ka jinglongmraw.

KA BAIBL

²⁷ Te u syiem ka Babilon u la pom ïa ki bad u la pynïap ïa ki ha Riblah ha ka ri Hamath. Kumta, la ring mraw noh ïa u Judah na la ka ri.

JEREMAÏAH 52:27 ပူးပေါင်းရင်းမြစ်များ

2 SAMUEL 8:9

U Toi u syiem Hamath u ïohsngew ba u Dabid u la jop ïa baroh ka kynhun ïapom jong u Hadadeser.

2 SYIEM 17:20

U Trai u la kyntait ïa ki Israel baroh, u pynshitom ïa ki bad u aiti noh ïa ki sha ki nongshun barunar haduh ha kaba khatduh ban pyndam ïa ki na khmat jong u.

2 SYIEM 17:23

haduh ha kaba khatduh U Trai u pyndam noh ïa ki na khmat jong u, kumba u la maham lyngba ki shakri jong u ki nongïathuhlypa, ba un leh kumta. Te ki paid Israel ki la shah pynryngkang par sha Assyria, ha kaba ki dang ïaisah hangta.

2 SYIEM 23:27

U Trai u ong, “Ngan leh ïa ka Judah kumjuh kumba nga la leh ïa ka Israel: Ngan pynjah ïa ki briew ka Judah na khmat jong nga, bad ngan kyntait ïa ka Jerusalem, ka nongbah kaba nga la jied, bad ka Templ, ka jaka kaba nga la ong ha kaba yn mane ïa nga.”

ISAÏAH 24:3

Ka pyrthei kan ka pra bad kan jot. U Trai u la kren bad ïa kata yn pyndep.

ISAÏAH 27:10

Ka nongbah ba la kerkut ka don ha ka jingjot. La iehnoh kynjah ïa ka kum ka ri khlaw kynjah bym don ei ei. Ka la long ka jaka bam phlang jong ki masi, ha kaba ki lah ban shongthait bad bam phlang.

ISAÏAH 43:28

bad ki nongsynshar jong phi ki la pyntngit ïa ka ïingkyntang jong nga. Kumta nga la wallam ka jingpynjot ha Israel; nga shah ïa ki briew jong nga ban shah rkhiebeiñ.”

JEREMAÏAH 13:19

Ki shnong jong ka Judah bashathie ki don hapoh ka jingshah kerkut; ym don mano mano ba lah ban leit lyngba sha ki. Ïa ki briew baroh jong ka Judah la shim noh sha ka jinglongmraw.”

JEREMAÏAH 20:4

U Trai da lade hi u la ong, ‘Ngan pynlong ïa me ka jingshyrkhei ïa me hi bad ïa ki paralok jong me, bad men ïohi ïa ki baroh ba ki shah pynïap da ki waitlam jong ki nongshun jong ki. Ngan buh ïa baroh ki briew jong ka Judah hapoh ka bor jong u syiem ka Babilonia; un shim katto katne ngut kum ki koidi sha ka ri jong u bad pynïap ïa kiwei pat.

JEREMAÏAH 21:7

Hynrei na ka bynta jong phi, ki rangbah synshar jong phi bad ki briew kiba lait im na ka thma, ka khlam bad ka 'nemsniew — ngan ai ïa baroh na phi ban shahjop ha u syiem Nebukhadnessar bad da ki nongshun jong phi, kiba kwah ban pynïap ïa phi. U Nebukhadnessar un phah pynïap ïa phi. Un ym pynsah ïano ïano na phi lane un ym isynei lane sngewlem ïano ïano na phi. Ma nga, U Trai, nga la kren.”

JEREMAÏAH 39:10

U la iehnoh ha Judah katto katne na ki briew kiba duk tam, ki bym don jaka puta, bad u la ai ïa ki, ki bri sohwaiñ bad ki lyngkha.

JEREMAÏAH 39:9

Khatduh u Nebusaradan, u rangbah shipai, u la ringmraw sha Babilonia ïa ki briew ba dang sah ha ka nongbah, ryngkat bad ïa kito kiba la iehnoh ïa u.

JEREMAÏAH 52:9

Ïa u Sedekaïah la ïalam sha u syiem Nebukhadnessar, uba don ha ka nongbah Riblah ha ka ri ki Hamath bad hangta u Nebukhadnessar u rai pynrem ïa u.

ESEKIEL 33:28

Ngan sa pynlong ïa ka ri ka jaka kynjah, bad ka bor kaba ki ju sngewsarong katta katta kan sa kut noh. Ki lumbah ka Israel kin long khlaw kynjah ba ym don uba nud ban leit jingleit lyngba jong ki.

MIKAH 4:10

To phai bad to ud, ko ki briew ka Jerusalem, kum ka briew ka ban sa kha khun, naba mynta phin sa hap ban ieh ïa ka nongbah bad ban im ha rudnong. Phi dei ban leit sha Babilon, hynrei hangta U Trai un pyllait ïa phi na ki nongshun jong phi.

DEUTERONOMI 28:36

“U Trai un leit rah ïa phi bad ïa u syiem jong phi sha ka ri nongwei, ha kaba ma phi lane ki kpa tymmen jong phi kim pat ju poi; hangta phin shakri ïa ki blei kiba da u dieng bad da u maw.

DEUTERONOMI 28:64

“U Trai un pynsakma ïa phi hapdeng ki jaitbynriew baroh, kylleng sawdong ka pyrthei, bad hangta phin shakri ïa kiwei pat ki blei kiba da ka dieng bad da u maw, ki blei kiba ma phi bad ki kpa tymmen jong phi phim pat ju mane mynshuwa.

DEUTERONOMI 4:26

Nga khot ïa ka bneng bad ïa ka khyndew ban sakhi pyrshah ïa phi ba, lada phim kohnguh ïa nga, phin sa jah noh shen na kata ka ri; phin ym im slem ha kata ka ri sha shiliang ka Jordan ïa kaba phin sa ïohkynti. Yn sa pynjot thiaw ïa phi.