JEREMAÏAH 52:25 - Khasi CL Bible (BSI)

²⁵ Na ka nongbah u la shim ïa u rangbah pynïaidkam uba la ju ai hukum ïa ki shipai, hynñiew ngut na ki nongaibuit jong u syiem kiba dang don ha ka nongbah, u nongbud jong u rangbah shipai uba dei peit ïa ki jingbuh jingthoh kam shipai, bad hynriewphew ngut kiwei pat ki rangbah bapawkhmat.

KA BAIBL

²⁵ bad na ka shnong u la shim ïa u sordar ïa uba la buh halor ki nongïapom; bad hynñiew ki rangbah na kita kiba ju ïohi ïa ka khmat u syiem, ïa kiba la shem ha ka shnong; bad ïa u nongthoh jong u kaptan u paidïapom, uba ju lum lang ïa ki briew jong ka ri; bad hynriewphew ki rangbah na ki bri jong ka ri, ïa kiba la shem hapdeng ka shnong.

JEREMAÏAH 52:25 ပူးပေါင်းရင်းမြစ်များ

2 SYIEM 25:19

Na ka nongbah, u ïalam ïa u rangbah pynïaidkam uba la ju ai hukum ïa ki kynhun shipai, san ngut ki nongai jingmut jong u syiem kiba dang don ha ka nongbah, u nongïarap jong u rangbah ai hukum, uba khmih ïa ki jingbuh jingthoh jong ka kam shipai, bad hynriewphew ngut kiwei pat ki rangbah kiba kham paw.

ESTHER 1:14

Kito sha kiba u ju phai khmat bunsien na ka bynta ka jingai jingmut ki long u Karshena, u Shethar, u Admatha, u Tarshish, u Meres, u Marsena bad u Memukan — ki hynñiew ngut ki rangbah synshar jong ka Persia bad ka Media kiba bat ïa ki kyrdan treikam bahakhlieh duh jong ka hima.

JEREMAÏAH 36:10

Nangta, katba baroh ki briew ki dang ïasngap, u Barukh u la pule na ka kot kli ïa kiei kiei baroh kiba nga la lah ong. U la leh ïa kane ha ka Templ, na ka kamra jong u Gemaraïah u khun jong u Shaphan, u sekretari ka ïingbishar. Ka kamra jong u ka don ha ka phyllaw kaba haneng hajan ka jaka ban rung sha ka Khyrdop Bathymmai jong ka Templ.

MATHAÏOS 18:10

“To sumar ba phin ym ibeiñ ïano ïano na kine kiba rit. Ki angel jong ki ha bneng, nga ong ha phi, ki ïai don ha ka jingdon ryngkat jong U Kpa jong nga uba ha bneng.