JEREMAÏAH 52:18 - Khasi CL Bible (BSI)

¹⁸ Ki rah ruh ïa ki byrsha bad ki tiar buh dpei ba ju pyndonkam ban pynkhuid ïa ka duwan, ki tiar ba ju pyndonkam ban sumar ïa ki sharak, ki pliang ba pyndonkam ban pdiang ïa ka snam na ki jingkñia, ki pliang ba pyndonkam ha kaba thang jingiwbih, bad baroh ki tiar ba la shna da ka rnong ba ju pyndonkam ha ka jingshakri ha ka Templ.

KA BAIBL

¹⁸ Ïa ki khiew ruh, bad ki siang khat dpei, bad ki jinglur sharak, bad ki khuri, bad ki siang, bad ïa ki pliang rnong baroh da kiba ki la ju shakri, ki la shim noh.

JEREMAÏAH 52:18 ပူးပေါင်းရင်းမြစ်များ

1 SYIEM 7:40

U Huram u shna ruh ïa ki khiew, ki siang, bad ki pliang. U pyndep ïa ka kam jong u baroh ha ka ïing U Trai na ka bynta u Solomon. Kane ka long kaei ba u la thaw: Ar tylli ki rishot; Ar tylli ki khlieh kiba kum ka dur pliang ha kliar kita ki rishot; Ka dur ki kynjri ba la thain ha kawei kawei ka khlieh; Sawspah tylli ki dur soh Pomkranet da ka rnong, ha ki ar laiñ kiba shispah tylli ha kawei kawei ka laiñ sawdong ïa ka dur halor kawei kawei ka khlieh; Shiphew tylli ki kali Shiphew tylli ki dabor Ka pipa; Khat-ar tylli ki masi dab kiba kyrshan ïa kata ka pipa; Ki khiew, ki siang, bad ki pliang. Baroh kine ki tiar ki tar na ka bynta ka Templ, ïa kiba u Huram u la shna na ka bynta u syiem Solomon, ki long da ka rnong kaba la pynphyrnai.

1 SYIEM 7:50

ki khuri, ki jingpynlip sharak, ki pliang, ki pliang jingiwbih, bad ki khiew ba pyndonkam ban rah ïa ki rnga barhem; bad ki kopja ïa ki jingkhang ïa jingkhang jong ka Jaka Kaba Kyntang bad ïa ki jingkhang bashabar jong ka Templ. Ïa baroh kine ki tiar ki tar la thaw da ka ksiar.

1 KHRONIKL 28:17

U la ai jingbthah ruh katno ka ksiar nylla kan leit ha kaba pyndonkam ban shna ïa ki proh, ki pliang, bad ki khiew, bad katno ka rupa bad ka ksiar ha kaba shna ïa ki pliang,

2 KHRONIKL 4:11

U Huram u la thaw ruh ki khiew, ki siang, bad ki pliang. U la pyndep ban thaw ïa ki tiar baroh kiba u la kular ïa u syiem Solomon ba un shna na ka bynta ka Templ: Ar tylli ki rishot Ar tylli ki khlieh kiba kum ka dur pliang halor jong ki rishot Ka dur ki kynjri ba la thain ha kawei kawei ka khlieh rishot Sawspah tylli ki dur soh Pomkranet rnong ïa kiba la pynbeit ha ki ar laiñ sawdong ïa ka dur jong kawei kawei ka khlieh rishot Shiphew tylli ki kali tan Shiphew tylli ki dabor Ka pipa Khat-ar tylli ki masi dab kiba kyrshan ïa ka pipa Ki khiew, ki siang, bad ki proh U Huram u nongtrei batbit tam u la thaw ïa kine ki tiar baroh na ka rnong ba la pynphyrnai, kumba u syiem Solomon u la hukum, ïa ka ban pyndonkam ha ka Templ jong U Trai.

2 KHRONIKL 4:22

ki jingpynlip sharak, ki pliang, ki jingdiang jingiwbih, bad ki khiew ba pyndonkam ha kaba rah ïa u rnga barhem. Ïa kine ki tiar ki tar baroh la thaw da ka ksiar nylla. Ïa ki jingkhang bashabar jong ka Templ bad ïa ki jingkhang sha ka Jaka Kaba Kyntang Tam la suit da ka ksiar.

EKSODOS 25:29

Thaw ïa ki pliang, ki khiew bad ki khuri ban pyndonkam ha ka jingainguh dih. Ïa kine baroh dei ban thaw da ka ksiar nylla.

EKSODOS 25:38

Thaw ïa ki nap bad ki pliang jong u da ka ksiar nylla.

EKSODOS 27:3

Thaw ïa ki khiew ban pdiang ïa u dpei khleiñ jong ka; nangta shna ruh ïa ki siang, ki dabor, ki proh, bad ki pliang ding. Ïa kine ki tiar baroh dei ban thaw da ka rnong.

EKSODOS 37:16

U shna ïa ki khiew da ka ksiar nylla ban buh ha kata ka miej: ki pliang, ki khiew, ki khuri bad ki dabor rit ban pyndonkam ha ka jingainguh da ka waiñ.

EKSODOS 37:23

U shna hynñiew tylli ki sharak na ka bynta uta u diengpynïeng sharak, bad u thaw ruh ïa ki nap bad ki jingdiang jong u da ka ksiar nylla.

EKSODOS 38:3

U thaw ruh ïa ki tiar ki tar na ka bynta kata ka duwan: ki khiew, ki byrsha, ki dabor, ki proh, bad ki khiew ding. Baroh kine ki tiar ki tar la shna da ka rnong.

JINGKHEIÑ 4:14

Kin buh hangta ïa ki tiar ki tar baroh ïa kiba la ju pyndonkam ha ka jinglehniam ha kata ka duwan: ki pliang ding, ki proh, ki siang, bad ki dabor. Kin tap ruh da ka snieh babha halor jong ka bad kin bsuh ïa ki dieng jingbah.

JINGKHEIÑ 4:7

Halor ka miej ba la buh ïa u kpu ba la lah ainguh sha U Trai, kin siang kawei ka jaiñ kaba jngum, bad kin buh hangta ïa ki pliang, ki pliang buh jingiwbih, ki pliang jingainguh, bad ki khuri jingainguh dih. U kpu ainguh u dei ban don halor jong ka.