JEREMAÏAH 52:13 - Khasi CL Bible (BSI)

¹³ U phah thang ïa ka Templ, ka ïingsyiem, bad ki ïing jong ki riewpawkhmat baroh ha Jerusalem;

KA BAIBL

¹³ bad u la thang ïa ka ïing U Trai, bad ïa ka ïing u syiem; bad ïa ki ïing ka Jerusalem baroh, ïa ka ïing bakhraw baroh keiñ, u la thang da ka ding.

JEREMAÏAH 52:13 ပူးပေါင်းရင်းမြစ်များ

1 SYIEM 9:8

Kane ka ïing kaba da kat ka ïing kan kylla long kaba sah kynjah, bad kat uba ïaid najan jong ka un kyndit thret bad un pang met; bad kin ïakylli, ‘Balei mo U Trai u la leh sat kumne ïa kane ka ri bad ïa kane ka ïing?’

2 SYIEM 25:9

U la thang ïa ka Templ, ïa ka ïingsyiem, bad ïa baroh ki ïing jong ki rangbah bapawnam ha Jerusalem,

2 KHRONIKL 36:19

U thang ïa ka Templ bad ïa ka nongbah, lem bad ki ïingsyiem baroh bad ka spah jong ka, bad u pyntwa ïa ka kynroh jong ka nongbah.

SALM 79:1

A Blei, ki nongmane bleithaw ki la wan hiarthma ïa ka ri jong me. Ki la pyntngit ïa ka Templ bakhuid jong me; bad iehnoh ïa ka Jerusalem ha ka jingjot jingpra.

JEREMAÏAH 19:13

Ki ïing jong ka Jerusalem bad ki ïing jong ki syiem ka Judah, bad shisha baroh ki ïing ha kiba halor ki tnum jong ki la thang ïa ki jingiwbih sha ki khlur bad ha kaba ïa ka waiñ la theh kum ka jingainguh sha kiwei pat ki blei — ma ki baroh kin long ki bymkhuid kum ka Topheth.”

JEREMAÏAH 21:10

Nga la kut jingmut skhem ba ngan ym pynsah ïa kane ka nongbah, hynrei ban pynjot ïa ka. Yn ai ïa ka ha u syiem ka Babilonia, bad un thang lut khoit ïa ka. Ma nga, U Trai, nga la kren.”

JEREMAÏAH 21:14

Hynrei ngan pynshitom ïa pha ïa kaei kaba pha la leh. Ngan thang ïa ka ïingsyiem jong pha da ka ding, bad kan bam duh ïa baroh kat kaba don sawdong jong ka. Ma nga, U Trai, nga la kren.”

JEREMAÏAH 22:14

Kordit ïa u briew uba ong, “Ngan tei ïa lade ka ïing paki dulan bad ki kamra kiba kylluid shajrong ki mala.” Kumta u buh ki jingkhangïit ha ka ïing jong u, bad u shna biar da ki dieng Kedar, bad u airong ïa ka da ka rong saw.

JEREMAÏAH 32:29

Kin sa thang duh ïa ka, ryngkat bad ki ïing ki sem hangno hangno ha kiba ki briew ki la pynbitar ïa nga da kaba thang ki jingiwbih ha u Baal halor ki tnum ïing bad da kaba theh ïa ka waiñ jong ki jingainguh sha kiwei pat ki blei.

JEREMAÏAH 34:22

Ngan ai ka hukum, bad kin wan biang sha kane ka nongbah. Kin tur ïaleh ïa ka, kin kurup ïa ka, bad thang duh ïa ka. Ngan pynlong ïa ki shnong ka Judah ba kin long kum ka ri shyiap ha kaba yn ym don mano mano ban shong ban sah ha ka. Ma nga, U Trai, nga la kren.”

JEREMAÏAH 38:23

Te nga la ong shuh shuh, “Ïa baroh ki kynthei bad ki khun jong phi, yn rah noh sha ki nong Babilonia, bad ma phi ruh ïa lade phin ym lait na ki. Yn sa ïalam ïa phi kum u koidi da u syiem ka Babilonia, bad ïa kane ka nongbah yn sa thang lut khoit.”

JEREMAÏAH 6:5

Ngin tur ïaleh mynmiet; ngin pynjot ïa ki kut jong ka nongbah.”

JEREMAÏAH 7:14

Bad kumta, kaei kaba nga la leh ïa ka Shiloh ngan leh ruh ïa kane ka Templ jong nga, ha kaba phi shaniah. Hangne ha kane ka jaka kaba nga la ai ha ki kpa tymmen jong phi bad ha phi, ngan leh ïa kata kajuh kaba nga la leh ïa ka Shiloh.

SNGEWSYNEI 2:5

Kum u nongshun, U Trai u la pynjot ïa ka Israel; u la iehnoh ïa ki kut bad ki ïingsyiem jong ka ha ka jingjot. U la wanrah halor ki briew jong ka Judah ïa ka jingsngewsih ka bymkut shuh.

SNGEWSYNEI 2:6

U la tied pynlwet ïa ka Templ ha kaba ngi la ïamane ïa u; u la pynkut ïa ki sngi khuid bad ïa ki Sabbaton. U Syiem bad u lyngdoh kumjuh ki la sngew ïa ka bor ka jingbitar jong u.

SNGEWSYNEI 2:7

U Trai u la kyntait ïa la ka duwan bad u la iehnoh ïa ka Templ bakhuid jong u; u la shah ïa u nongshun ban kad pynpra ïa ki kynroh jong ka. Ki la pyrta ha ka jingjop hangta ha kaba shisien ngi la ïamane da ka jingkmen.

SNGEWSYNEI 2:8

U Trai u la kut jingmut ba ki kynroh jong ka Seïon ki dei ban khyllem; u la thew ïa ki ban pynthikna ïa ka jingpynjot thiaw. Ki mot bad ki kynroh mynta ki ïadon lang ha ka jingjot.

ESEKIEL 16:41

Kin thang duh ïa ki ïing jong pha bad shah ïa ki paid kynthei ban ïohi ïa ka jingshah pynshitom jong pha. Ngan pynlong ïa pha ban sangeh ban long ka nuti bad pynlong ïa pha ban sangeh ban ai ki jingai sngewbha ïa ki nongleh-ieit jong pha.

ESEKIEL 24:21

ba ngan ai ha ki Israel ïa kane ka khubor: Pha sarong ha ka jingkhraw jong ka Templ. Pha sngewbha ban khmih ïa ka bad ban leit jngoh ïa ka, hynrei U Trai un pyntngit ïa ka. Bad ki dkhot ba kham samla ha ki longïing jong pha kiba la shah iehnoh ha Jerusalem kin shah pynïap ha ka thma.

AMOS 2:5

Kumta ngan phah ka ding ha Judah bad kan thang duh ïa ki kut ka Jerusalem.”

AMOS 6:11

Haba U Trai u ai ïa ka hukum, ki ïing kiba rit bad kiba heh kin shah pynpra lyngkhot lyngkhai.

MIKAH 3:12

Bad kumta, namar jong phi, ïa ka Seïon yn lur kum ïa ka lyngkha, ka Jerusalem kan long kum ka kynton ñiut, bad u lum ka Templ un long kum ka khlaw.

SEKHARAÏAH 11:1

To plie ïa ki jingkhang jong pha, ko Lebanon, khnang ba ka ding kan thang duh ïa ki dieng Kedar jong pha!

MATHAÏOS 24:2

“Ho-oid,” u la ong, “phi lah ban khmih ïa kine baroh. Nga ong ha phi ïa kane: Yn ym don uwei u maw hangne u ban dang neh ha la ka jaka; uwei pa uwei na ki un shah pynhap.”