JEREMAÏAH 51:8 - Khasi CL Bible (BSI)

⁸ Ka Babilonia kynsan kynsan ka kyllon bad la pynjot noh! To ïam namar jong ka! Pynïoh dawai na ka bynta ki jingmong jong ka, bad lehse yn lah ban pynkhiah.

KA BAIBL

⁸ Ka Babilon ka la kyllon kyndit bad la pynjot ïa ka: to lynñiar namar jong ka; shim ka dawai balm ïa ka jingpang jong ka, ban khmih la kan koit ne em.

JEREMAÏAH 51:8 ပူးပေါင်းရင်းမြစ်များ

ISAÏAH 21:9

Kynsan, hangne ki wan! Ki rangbah halor jong ki kulai, shi jur shi jur. U nongap phira u ai ka khubor, “Ka Babilon ka la kyllon! Baroh ki bleithaw kiba ki la mane ki la kyllon ha ka jingpait jingpra ha madan.”

ISAÏAH 47:11

Ka jingjot kan wan ha pha, bad yn ym don na ki kam myntor jong pha ki ban lah ban pynsangeh ïa ka. Ka jingpynjot kynsan kynsan kan wan halor jong pha, ka jingpynjot kaba pham pat ju phohsniew!

ISAÏAH 47:9

Hynrei ha ka shikhyllipmat, tang ha kawei ka sngi, kine baroh ar tylli kiei kiei ki wan jia. Wat hapdeng ki kam myntor baroh ba pha pyndonkam, phan duh noh ïa la u tnga bad ïa la ki khun.

JEREMAÏAH 46:11

Ko ki briew jong ka Ijipt, khie leit sha Gilead bad wad ïa ka dawai! Ki dawai jong pha baroh ki la pynshisha ba kim myntoi ei ei; ym don ei ei ba lah ban pynkhiah ïa pha.

JEREMAÏAH 48:20

‘Ka Moab ka la kyllon,’ kin jubab, ‘ïam na ka bynta jong ka; la pynjahburom ïa ka. Pynbna ha lynter ka wah Arnon ba ïa ka Moab la pynjot!’

JEREMAÏAH 48:31

Bad kumta ngan ïam na ka bynta uwei pa uwei ha Moab bad na ka bynta ki briew jong ka Kir Heres.

JEREMAÏAH 50:2

“Ïathuh ïa ka khubor sha ki jaitbynriew! Pynbna ïa ka! Ai ka dak bad pynbna ïa ka khubor! Wat buhrieh ïa ka! Ka Babilon ka la kyllon! U Marduk u blei jong ka u la khynñiuh! Ïa ki bleithaw jong Babilon la buh ha ka jinglehrain, ïa ki dur ba-ijli jong ka la pynlwet!

JEREMAÏAH 51:41

U Trai u ong shaphang ka Babilon: “Ïa ka nongbah kaba ka pyrthei baroh kawei ka la ïaroh la kurup ïa ka! Katno kaba itriem ban ïohi ba ka Babilon ka la long ïa ki jaitbynriew!

JEREMAÏAH 8:22

Hato ym don dawai ha Gilead? Hato ym don doktor hangta? Balei te ba ïa ki briew jong nga ym shym la pynkhiah?

ESEKIEL 30:2

“Ko khun u briew,” u la ong, “to ïathuhlypa bad pynbna ïa kaei kaba ma nga, U Trai Nongsynshar, nga ong. Men pyrta ïa kine ki ktien: “Ka sngi kaba sngewtriem kan wan!

DANIEL 5:24

Dei kata keiñ balei U Blei u la phah ïa ka kti ban thoh ïa kine ki kyntien.

DANIEL 5:31

bad u Darius u nong Mid, uba ha kata ka por u don hynriewphew ar snem ka rta, u la knieh ïa ka bor syiem.

NAHUM 3:19

Ym don jingpynkoit ei ei ïa ki jingmynsaw jong me, bad ïa ki jingmong jong me ym lah ban pynkoit. Baroh kito kiba ïohsngew ïa ka khubor shaphang ka jingpynjot ïa me ki thap ïa la ki kti ha ka jingkmen. Hato uno uno un lait phet na ka jinglong runar bymkut jong me?

JINGPYNPAW 14:8

U angel uba ar u la bud ïa uba nyngkong, u da ong, “Ka la kyllon! Ka Babilon Bakhraw ka la kyllon! Ka la pynlong ïa ki briew baroh ban dih ïa ka waiñ jong ka — ka waiñ kaba khor jong ka jingkwah brai khlem akor!”

JINGPYNPAW 18:2

U la pyrta ha ka sur kaba jam: “Ka la kyllon! Ka Babilon Bakhraw ka la kyllon! Mynta ka la long ka jaka shong ki ksuid bad ki mynsiem bymkhuid; baroh ki jait sim kiba jakhlia bad kiba isaitmet ki shong ha ka.