JEREMAÏAH 51:64 - Khasi CL Bible (BSI)

⁶⁴ ‘Kane ka long kaei ka ban jia ïa ka Babilonia — kan ngam bad kan ym lah khie shuh, namar ka jingpynjot ba U Trai un wallam ha ka.’ ” Ki ktien jong u Jeremaïah ki kut hangne.

KA BAIBL

⁶⁴ bad men ong, ‘Kumne ka Babilon kan ngam bad kan ym mih shuh namar kata ka jingsniew ïa kaba ngan wallam halor jong ka: te kin sngewthait noh.’ ” Haduh kane, ki long ki ktien u Jeremaïah.

JEREMAÏAH 51:64 ပူးပေါင်းရင်းမြစ်များ

Ka Kitab U Job 31:40

nangta ha ka jaka u kew bad u barli, to ai ba ki ñiut bad ki shiah kin mih. Ki ktien u Job ki kut hangne.

SALM 72:20

Kane ka dei kaba kut jong ki jingduwai u Dabid u khun jong u Jesse.

SALM 76:12

u pyndem ïa ki khun syiem shynrang kiba sarong, bad u pynshyrkhei ïa ki syiem kiba khraw.

ISAÏAH 47:13

Pha long kaba khlem bor wat la pha ïoh ïa ka jingai jingmut. To ai ba ki nongbatai kupar kin wan sha khmat ban pyllait im ïa pha — kito ki briew kiba wad jingtip shaphang ki khlur, kiba pruid dak ïa ki bynta jong ki bneng bad ïathuh ïa pha na uwei u bnai sha uwei pat kaei ka ban jia ïa pha.

JEREMAÏAH 13:4

“Khie leit sha ka Wah Ïuphratis bad buhrieh ïa ki patlun lyngkot hapoh ka thliew ha ki mawsiang.”

JEREMAÏAH 19:10

Nangta U Trai u la bthah ïa nga ban pynpait ïa u khra ha khmat jong ki rangbah kiba la ïaleit bad nga

JEREMAÏAH 25:27

Te U Trai u la ong ha nga, “Ïathuh ha ki briew ba ma nga, U Trai Badonbor Baroh, U Blei ki Israel, nga hukum ïa ki ban dih haduh ban da buaid bad ban prie, haduh ba kin da kyllon bad kim lah khie shuh, namar ka thma ba nga phah pyrshah ïa ki.

JEREMAÏAH 51:42

Ka duriaw ka la tyllep ïa ka Babilon bad tap da ki jingat phyllung bakyrhuh.

JEREMAÏAH 51:58

Ïa ki kynroh bakhlaiñ jong ka Babilon yn pyntwa haduh khyndew, bad ïa ki khyrdop bajrong jong ka yn thang noh. Ka jingtrei jong ki jaitbynriew baroh kam long ei ei; ki jingpyrshang jong ki, ki kut ha ka ding. Ma nga, U Trai Badonbor Baroh nga la kren.”

JEREMAÏAH 9:5

Ma ki baroh ki ïalam bakla ïa la ki paralok, bad ym don uwei ruh uba ïathuh ïa ka jingshisha; ki la hikai ïa la ki thylliej ban lamler bad kin ym iehnoh ïa ka jingleh pop jong ki. Ki leh ïa kawei ka jingleh jubor hadien kawei pat, bad kawei ka jingleh shukor ka bud ïa kawei pat. U Trai u ong ba ki briew jong u ki kyntait ïa u.

ESEKIEL 28:19

Me la jah, jah junom, bad ki jaitbynriew baroh kiba la ithuh ïa me ki la sngewma, sngewtieng ba kin ïadon bynta ha ka kupar jong me.”

HABAKKUK 2:13

Ki jaitbynriew kiba phi la jop ki la pynshohthait ïa lade da ka jingtrei bymmyntoi, bad baroh kaba ki la tei la bam duh ha ka ding. U Trai Badonbor Baroh u la leh ïa kane.

JINGPYNPAW 14:8

U angel uba ar u la bud ïa uba nyngkong, u da ong, “Ka la kyllon! Ka Babilon Bakhraw ka la kyllon! Ka la pynlong ïa ki briew baroh ban dih ïa ka waiñ jong ka — ka waiñ kaba khor jong ka jingkwah brai khlem akor!”

JINGPYNPAW 18:2

U la pyrta ha ka sur kaba jam: “Ka la kyllon! Ka Babilon Bakhraw ka la kyllon! Mynta ka la long ka jaka shong ki ksuid bad ki mynsiem bymkhuid; baroh ki jait sim kiba jakhlia bad kiba isaitmet ki shong ha ka.

JINGPYNPAW 18:21

Nangta u angel bakhlaiñbor u la shim ïa u maw uba heh la kat u mawtylliat baheh bad u la kawang ïa u sha ka duriaw, da kaba ong, “Kane ka long kumno ïa ka nongbah Babilon bakhraw yn pynkhyllem ha ka borbah bad yn ym ïohi shuh ïa ka da lei lei.