JEREMAÏAH 51:6 - Khasi CL Bible (BSI)

⁶ To phet noh na Babilonia! Phet ban lait im! Wat ai ba yn shah pynïap na ka bynta ka pop jong ka Babilonia. Nga mynta nga siew kylliang bad pynshitom ïa ka kumba ka dei hok.

KA BAIBL

⁶ “To phet noh napdeng ka Babilon, bad man u briew to un pynim ïa la ka jingim; wat ai ba yn ot noh ïa phi ha ka jingbymhok jong ka: naba ka dei ka por ka jingpynhiar kput U Trai; un siew ha ka, ïa ka kput.

JEREMAÏAH 51:6 ပူးပေါင်းရင်းမြစ်များ

SALM 94:1

A Trai, me long U Blei uba pynshitom; to pynpaw ïa ka jingbitar jong me!

PROBERB 13:20

Ïalang paralok bad uba stad bad phin kylla stad. Lada phi ïalang paralok bad ki briew kiba bieit, phin long kiba bieit.

ISAÏAH 48:20

Khie mihnoh na Babilon, kiba laitluid! Pyrta jam da ka jingkmen ïa ka khubor; to pyntip ïa ka kylleng: “U Trai u la pynim ïa ki shakri jong u, ki Israel!”

ISAÏAH 63:4

Nga la kut jingmut ba ka por ban pynim ïa ki briew jong nga ka la wan; ka la dei ka por ban pynshitom ïa ki nongshun jong ki.

JEREMAÏAH 25:14

Ngan sa siew pat ïa ki Babilonia ïa kaei kaba ki la leh, bad shibun ki ri bad ki syiem kiba khraw kin pynlong mraw ïa ki.’ ”

JEREMAÏAH 25:16

Ynda ki dih ïa ka, kin sa ïaid sheng sheng bad kin ïaid lamwir namar ka thma kaba ngan phah pyrshah ïa ki.”

JEREMAÏAH 27:7

Baroh ki jaitbynriew kin shakri ïa u, bad kin shakri ïa u khun bad u khun ksiew jong u tad haduh ba ka por kan wan ïa ka hima jong u hi ban kyllon. Te ka jaitbynriew jong u kan shakri ïa ki jaitbynriew badonbor bad ïa ki syiem bakhraw.

JEREMAÏAH 46:10

Kane ka long ka sngi jong U Trai Nongsynshar Badonbor Baroh: ha kane ka sngi un pynhiarkput; ha kane ka sngi un pynshitom ïa ki nongshun jong u. Ka waitlam jong u kan bam ïa ki haduh ban da kdang, bad dih ïa ka snam jong ki haduh ban da sngewhun. Ha kane ka sngi u Badonbor Baroh u kñia ïa kiba la shah pynmong ha ka phang bashatei, hajan ka Ïuphratis.

JEREMAÏAH 48:6

‘Pynkloi, phet ban lait im!’ ki ong. ‘Mareh kum u kada khlaw ka ri shyiap!’

JEREMAÏAH 50:15

Pynjam ïa ka jingkyang thma baroh sawdong ka nongbah! Mynta ka Babilon ka la wan pyndem. Ki kynroh jong ka ki la pei lyngba bad la pyntwa. Nga siew kylliang ïa ki nong Babilonia. Te to siew kylliang ïa ki, bad leh ïa ki kumba ki la leh ïa kiwei.

JEREMAÏAH 50:28

(Ki nongphetwir ki la lait phet na Babilonia bad wan sha Jerusalem, bad ki ïathuh kumno U Trai U Blei jong ngi u siew kylliang na ka bynta kaei kaba ki nong Babilonia ki la leh ïa ka Templ jong u.)

JEREMAÏAH 50:31

“Ko Babilonia, pha la dap da ka jingsarong, te ma nga, U Trai Nongsynshar Badonbor Baroh, nga long pyrshah ïa pha! Ka por ka la poi ïa nga ban pynshitom ïa pha.

JEREMAÏAH 50:8

“Ko ki paid Israel, to phet noh na Babilonia! Iehnoh ïa ka ri! Long kiba nyngkong ban iehnoh ïa ka!

JEREMAÏAH 51:11

U Trai u la pynkhih ïa ki syiem jong ka Media, namar u thmu ban pynjot ïa ka Babilonia. Dei da kumta un siew kylliang namar ka jingpynjot ïa ka Templ jong u. Ki rangbah ai hukum ban tur ïaleh, ki hukum, “Pynnep ïa ki khnam jong phi! Pynkhreh ïa ki stieh jong phi!

JEREMAÏAH 51:36

Bad U Trai u la ong ïa ki briew ka Jerusalem, “Ngan shimti na ka bynta jong phi bad ngan pynlong ïa ki nongshun jong phi ba kin hap siew ïa kaei kaba ki la leh ïa phi. Ngan pynrngad ïa ki tyllong um jong ka Babilonia bad ngan pynlong ïa ki wah jong ka ban tyrkhong.

JEREMAÏAH 51:45

Ko ki paid Israel, to phet noh nangta! Phet ban lait im na ka jingbitar shla jong nga.

JEREMAÏAH 51:50

U Trai u ong ha ki briew jong u kiba don ha Babilonia: “Phi la lait na ka jingïap! Mynta to leit! Wat ap! Wat la phi don jngai na ïing, pyrkhat shaphang jong nga, U Trai jong phi, bad kynmaw ïa ka Jerusalem.

JEREMAÏAH 51:56

Ki la wan ban pynjot ïa ka Babilon; ïa ki shipai jong ka la kem, bad ïa ki ryntieh jong ki la kdiah. Nga long U Blei uba pynshitom ïa kaba sniew, bad ngan leh ïa ka Babilon kumba ka dei hok ban ïoh.

JEREMAÏAH 51:9

Ki nongwei kiba sah hangta ki ong, ‘Ngi la pyrshang ban ïarap ïa ka Babilonia, hynrei ka la dier palat. To ngin ieh ïa ka mynta bad ngin leit phai noh sha ïing. U Blei u la pynshitom ïa ka Babilonia da ka bor jong u baroh bad u la pynjot thiaw ïa ka.’ ”

SNGEWSYNEI 3:64

“To pynshitom ïa ki na ka bynta kaei kaba ki la leh, A Trai;

JINGKHEIÑ 16:26

U ong ha uta u paidbah, “Kynriah na ki ïingjaiñ jong kine ki riewbymman bad wat ktah ïa kaei kaei kaba dei ka jong ki, ïoh phi shah pynjot lang bad ki namar ki pop jong ki.”

DEUTERONOMI 32:25

Ka thma kan wallam ka jingïap ha ki lynti, ka jingshyrkhei kan lynshop ha ki ïing. Ki rangsamla bad ki theisamla kin ïap; yn ym map ïa ki khunlung ne ïa ki tymmen ruh.

DEUTERONOMI 32:41

ba ngan shut pynnep ïa ka waitlam kaba phalang jong nga, bad ai ïa ka jingbishar bahok, ngan pynhiarkput ïa ki nongshun jong nga bad pynshitom ïa kito kiba isih ïa nga.

DEUTERONOMI 32:43

“Phi ki jaitbynriew, ïaroh ïa ki briew U Trai; naba u pynshitom ïa kito baroh kiba pynïap ïa ki. U pynhiarkput ïa ki nongshun jong u, bad u map ïa ki pop jong ki briew jong u.”

1 TIMOTHI 5:22

To wat leh kyrkieh ha kaba buh ïa ki kti halor jongno jongno ban pynkyntang ïa u sha ka kam U Trai. To wat ïadon bynta ha ki pop jong kiwei; to ri ïa lade uba sngur.

JINGPYNPAW 16:19

Ïa ka nongbah kaba khraw la kad ha ki lai bynta, bad ïa ki nongbah jong ki ri baroh la pynjot. U Blei u la kynmaw ïa ka Babilon bakhraw bad u la pynlong ïa ka ban dih ïa ka waiñ na ka khuri jong u — ka waiñ jong ka jingbitar shla jong u.