JEREMAÏAH 51:58 - Khasi CL Bible (BSI)

⁵⁸ Ïa ki kynroh bakhlaiñ jong ka Babilon yn pyntwa haduh khyndew, bad ïa ki khyrdop bajrong jong ka yn thang noh. Ka jingtrei jong ki jaitbynriew baroh kam long ei ei; ki jingpyrshang jong ki, ki kut ha ka ding. Ma nga, U Trai Badonbor Baroh nga la kren.”

KA BAIBL

⁵⁸ Kumne u ong U Trai ki paid: “Ïa ki kynroh kiba rben ka Babilon yn pynkyllon noh khoit, bad ïa ki khyrdop bajrong jong ka yn thang da ka ding; bad ki kynja bynriew kin trei minot ïa ka jingthala, bad ki jaid bynriew ïa ka ding; te kin sngewthait noh.”

JEREMAÏAH 51:58 ပူးပေါင်းရင်းမြစ်များ

SALM 127:1

Lada U Trai um tei ïa ka ïing, ka jingtrei ki nongtei ka long lehnoh-ei; lada U Trai um ïada ïa ka nongbah, ka long lehnoh-ei ïa ki nongap ban ap phira.

ISAÏAH 13:2

Halor u lum uba syllen to pynïeng ïa ka lama thma! To pyrta ïa ki shipai bad rah ïa ka kti jong me kum ka dak ïa ki ban tur ïaleh ïa ki khyrdop jong ka nongbah kaba sarong.

ISAÏAH 47:13

Pha long kaba khlem bor wat la pha ïoh ïa ka jingai jingmut. To ai ba ki nongbatai kupar kin wan sha khmat ban pyllait im ïa pha — kito ki briew kiba wad jingtip shaphang ki khlur, kiba pruid dak ïa ki bynta jong ki bneng bad ïathuh ïa pha na uwei u bnai sha uwei pat kaei ka ban jia ïa pha.

ISAÏAH 65:23

Ki jingtrei ba kin trei kin manbha, bad ki khun jong ki kin ym mad ïa ka jingjynjar. Ngan kyrkhu ïa ki bad ïa ki khun ki ksiew jong ki ha ki por ki ban wan baroh.

JEREMAÏAH 50:15

Pynjam ïa ka jingkyang thma baroh sawdong ka nongbah! Mynta ka Babilon ka la wan pyndem. Ki kynroh jong ka ki la pei lyngba bad la pyntwa. Nga siew kylliang ïa ki nong Babilonia. Te to siew kylliang ïa ki, bad leh ïa ki kumba ki la leh ïa kiwei.

JEREMAÏAH 51:30

Ki shipai Babilonia ki la sangeh ban ïaleh bad ki sah ha ki kut jong ki. Ki la duh noh ïa ka jingshlur jong ki bad ki la long kum ki kynthei. Ïa ki khyrdop jong ka nongbah la pynpra, bad ki ïing ki don ha ka jingpluh.

JEREMAÏAH 51:44

Ngan pynshitom ïa u Bel, u blei ki nong Babilonia, bad ngan pynlong ïa u ban aiti noh ïa ki tiar jong u kiba shu tuh; ki jaitbynriew kin ym mane shuh ïa u. “Ki kynroh ka Babilon ki la khyllem.

JEREMAÏAH 51:64

‘Kane ka long kaei ka ban jia ïa ka Babilonia — kan ngam bad kan ym lah khie shuh, namar ka jingpynjot ba U Trai un wallam ha ka.’ ” Ki ktien jong u Jeremaïah ki kut hangne.

JEREMAÏAH 51:9

Ki nongwei kiba sah hangta ki ong, ‘Ngi la pyrshang ban ïarap ïa ka Babilonia, hynrei ka la dier palat. To ngin ieh ïa ka mynta bad ngin leit phai noh sha ïing. U Blei u la pynshitom ïa ka Babilonia da ka bor jong u baroh bad u la pynjot thiaw ïa ka.’ ”

JEREMAÏAH 9:5

Ma ki baroh ki ïalam bakla ïa la ki paralok, bad ym don uwei ruh uba ïathuh ïa ka jingshisha; ki la hikai ïa la ki thylliej ban lamler bad kin ym iehnoh ïa ka jingleh pop jong ki. Ki leh ïa kawei ka jingleh jubor hadien kawei pat, bad kawei ka jingleh shukor ka bud ïa kawei pat. U Trai u ong ba ki briew jong u ki kyntait ïa u.

SNGEWSYNEI 5:5

Ngi la shah banbeiñ kum ki kada lane ki ut, ngi la thait, hynrei ym shym la ai jingjahthait.

HABAKKUK 2:13

Ki jaitbynriew kiba phi la jop ki la pynshohthait ïa lade da ka jingtrei bymmyntoi, bad baroh kaba ki la tei la bam duh ha ka ding. U Trai Badonbor Baroh u la leh ïa kane.