JEREMAÏAH 51:57 - Khasi CL Bible (BSI)

⁵⁷ Ngan pynbuaid ïa ki nongsynshar jong ka — ki rangbah kiba stad, ki nongïalam, bad ki shipai. Kin ïohthiah bad kin ym kyndit shuh. Ma nga u syiem, nga la kren. Nga long U Trai Badonbor Baroh.

KA BAIBL

⁵⁷ Bad ngan pynbuaid ïa ki rangbah jong ka bad ïa ki riewstad jong ka, ïa ki nongsynshar jong ka bad ïa ki deputi jong ka, bad ïa ki riewkhlaiñ jong ka; bad kin thiah ïa ka jingïohthiah kaba ha la ka rta, bad kin ym peit shuh,” ong U Syiem uba ka kyrteng jong u long “U Trai ki paid.”

JEREMAÏAH 51:57 ပူးပေါင်းရင်းမြစ်များ

ISAÏAH 37:36

U angel jong U Trai u leit sha ka jaka shong dara ki Assyria bad u pynïap shi lakh phraphew san hajar ngut ki shipai. Dang step phyrngab ka sngi kaba bud hangta ki thiah, baroh ki la ïap!

ISAÏAH 44:25

Nga pynpaw bieit ïa ki nongpeit kti bad pynkulmar ïa ki jingïathuh lypa ki nongbatai kupar. Ki ktien jong kiba stad nga kyntait bad pyn-i ba ka jingstad jong ki ka long ka jingbieit.

ISAÏAH 6:5

Nga la ong, “Ym don jingkyrmen ïa nga! Nga long ba la tim namar kawei pa kawei ka kyntien kaba mih na ki rmiang shyntur jong nga ka long kaba pop, bad nga shong nga sah hapdeng ki briew kiba kawei pa kawei ka kyntien ka long kaba pop. Bad pynban, da la ki jong ki khmat nga la ïohi ïa U Syiem, U Trai Badonbor Baroh.”

JEREMAÏAH 13:13

Nangta ïathuh ïa ki ba ma nga, U Trai, ngan pyndap ïa ki briew ha kane ka ri da ka waiñ tad haduh ba kin buaid: ki syiem, kiba long kiba hiarpateng na u Dabid, ki lyngdoh, ki nongïathuhlypa, bad baroh ki briew jong ka Jerusalem.

JEREMAÏAH 25:27

Te U Trai u la ong ha nga, “Ïathuh ha ki briew ba ma nga, U Trai Badonbor Baroh, U Blei ki Israel, nga hukum ïa ki ban dih haduh ban da buaid bad ban prie, haduh ba kin da kyllon bad kim lah khie shuh, namar ka thma ba nga phah pyrshah ïa ki.

JEREMAÏAH 46:18

Ma nga, U Trai Badonbor Baroh, nga long u syiem. Nga long U Blei Uba im. Kumba u lum Tabor u ïeng kynjang tam ïa ki lum bad u lum Karmel u ïeng hajrong tam ïa ka duriaw, kumta kan long ka jingkhlaiñ jong uta uba tur ïaleh ïa me.

JEREMAÏAH 48:15

Ïa ka Moab bad ïa ki nongbah jong ka la pynjot, ïa ki samla shynrang bakynsai tam la pynïap. Nga long u syiem, U Trai Badonbor Baroh, bad nga la kren.

JEREMAÏAH 50:30

Te ïa ki samla shynrang jong ka yn pynïap ha ki surok bah jong ka nongbah, bad ki shipai jong ka baroh yn pynjot ha kata ka sngi. Ma nga, U Trai, nga la kren.

JEREMAÏAH 51:39

Hato ki jlawnguid? Ngan pynkhreh ïa ki ka jingkhawai bad pynlong ïa ki ban buaid bad sngewtynnat. Kin ïohthiah bad kin ym kyndit shuh.

ESEKIEL 20:33

“Kumba da shisha ma nga, U Trai Nongsynshar, nga long U Blei uba im, nga maham ïa phi ba ha ka jingbitar jong nga ngan synshar halor jong phi da ka ksang'ti kaba khlaiñ, da ka bor jong nga baroh.

NAHUM 1:10

Kum ïa ki shiah kiba la thain bad ïa u phlangïap ba-tyrkhong, ïa phi ki nongbuaid yn thang duh!

NAHUM 3:18

Ko Patsha ka Assyria, ki lat jong me ki la ïap, bad ki rangbah donburom jong me ki ïohthiah junom! Ïa ki briew jong me la pynsakma halor ki lumbah, bad ym don shuh mano mano ban wallam pat ïa ki sha ïing.

MALAKHI 1:14

Ka jingtim ka long ïa u nongshukor uba kñia da u jingri u bymdondor sha nga, haba ha ka kynhun langbrot jong u, u don u jingri uba biang, uba u la kular ban ai ïa nga! Naba nga long u syiem uba khraw, bad ki jaitbynriew jong ki hima baroh ki sheptieng ïa nga.”

JINGPYNPAW 18:9

Ki syiem jong ka pyrthei kiba la ïashim bynta ha ka jingawria bad ka jingkwah brai jong ka kin lynñiar bad ïam na ka bynta ka nongbah haba ki ïohi ïa ka tdem na ki thylliej ding kiba bam duh ïa ka.