JEREMAÏAH 51:56 - Khasi CL Bible (BSI)

⁵⁶ Ki la wan ban pynjot ïa ka Babilon; ïa ki shipai jong ka la kem, bad ïa ki ryntieh jong ki la kdiah. Nga long U Blei uba pynshitom ïa kaba sniew, bad ngan leh ïa ka Babilon kumba ka dei hok ban ïoh.

KA BAIBL

⁵⁶ naba u nonglute u la wan lap ïa ka, ïa ka Babilon keiñ, bad ïa ki riewkhlaiñ jong ka la kem, ïa ki ryntieh jong ki la pynkheiñ lyngkhot lyngkhot: naba U Trai u long U Blei ki jingleh kylliang, da shisha un leh kylliang.

JEREMAÏAH 51:56 ပူးပေါင်းရင်းမြစ်များ

JENESIS 49:24

Hynrei ka ryntieh jong u ka neh khlem khih, Bad ïa ki ksang'ti jong u la pynkhlaiñ Da ka bor jong U Blei Uba Khlaiñbor jong u Jakob, Da u Nongap langbrot, U nongïada jong ki Israel.

SALM 137:8

Ko ka Babilon, yn sa pynjot ïa pha. Suk uta u briew uba siew kylliang ïa pha na ka bynta kaei kaba pha la leh ïa ngi —

SALM 37:15

hynrei kin shah pynïap da la ki jong ki waitlam, bad ïa ki ryntieh jong ki yn pynkheiñ.

SALM 46:9

U pynsangeh ïa ki thma ha kylleng sawdong ka pyrthei; u pynkheiñ ïa ki ryntieh, u kdiah ïa ki sum, bad u thang ïa ki stieh ha ka ding.

SALM 76:3

Hangta u kdiah ïa ki khnam jong ki nongshun, ïa ki stieh bad ki waitlam, ho-oid, ïa ki tiar pynmynsaw jong ki baroh.

ISAÏAH 21:2

Nga la ïohi ka jingïohipaw jong ki jingjia ba-ishyrkhei, ka jingïohipaw ïa ka jingshetkylla bad ka jingpynjot. Ko kynhun shipai jong ka Elam, to tur ïaleh! Ko kynhun shipai jong ka Media, to kerkut ïa ki nongbah! U Blei un pynkut ïa ka jingshitom kaba la wanrah da ka Babilon.

ISAÏAH 34:8

Kane ka dei ka por ha kaba U Trai un pyllait im ïa ka Seïon bad pynhiarkput halor ki nongshun jong ka.

ISAÏAH 35:4

To ïathuh ïa baroh kiba rit mynsiem, “To long khlaiñ bad wat sheptieng! U Blei un wan ban pyllait ïa phi, un wan ban pynshitom ïa ki nongshun jong phi.”

ISAÏAH 59:18

Un pynshitom ïa ki nongshun jong u kat kum ki jingleh jong ki, wat ïa kito kiba shong sha ki ri kiba jngai.

JEREMAÏAH 49:35

U ong, “Ngan pynïap ïa ki nongsiatkhnam kiba la pynlong ïa ka Elam ban long kaba khrawbor.

JEREMAÏAH 50:10

Ïa ka Babilonia yn lute, bad kito kiba lute ïa ka kin shim lut ïa kiei kiei baroh kiba ki kwah. Ma nga, U Trai, nga la kren.”

JEREMAÏAH 50:36

Ka Jingïap ïa ki nongïathuhlypa bashukor jong ka — katno ki long kiba bieit! Ka Jingïap ïa ki shipai jong ka — katno ki long kiba sheptieng!

JEREMAÏAH 51:24

U Trai u ong, “Phin ïohi ïa nga ba nga siew kylliang ïa ka Babilonia bad ïa ki briew jong ka na ka bynta ka jingsniew baroh kaba ki la leh ïa ka Jerusalem.

JEREMAÏAH 51:30

Ki shipai Babilonia ki la sangeh ban ïaleh bad ki sah ha ki kut jong ki. Ki la duh noh ïa ka jingshlur jong ki bad ki la long kum ki kynthei. Ïa ki khyrdop jong ka nongbah la pynpra, bad ki ïing ki don ha ka jingpluh.

JEREMAÏAH 51:48

Baroh kiei kiei ha ka pyrthei bad ha suiñbneng kin risa da ka jingkmen ynda ka Babilonia kan kyllon ha ki briew kiba wan na shatei ban pynjot ïa ka.

JEREMAÏAH 51:53

Wat la ka Babilon ka lah ban kiew sha suiñbneng bad tei ka kut baskhem hangta, ngan dang ïai phah hi ïa ki briew ban pynjot ïa ka. Ma nga, U Trai nga la kren.”

JEREMAÏAH 51:6

To phet noh na Babilonia! Phet ban lait im! Wat ai ba yn shah pynïap na ka bynta ka pop jong ka Babilonia. Nga mynta nga siew kylliang bad pynshitom ïa ka kumba ka dei hok.

SNGEWSYNEI 3:64

“To pynshitom ïa ki na ka bynta kaei kaba ki la leh, A Trai;

ESEKIEL 39:3

Te ngan pynhap noh ïa ka ryntieh jong u na ka kti kadiang jong u bad ki khnam jong u kin hap noh na ka kti kamon jong u.

ESEKIEL 39:9

Ki briew kiba shong ha ki nongbah ki Israel kin ïamih shabar bad khar ïa ki tiar ïapom ba la iehnoh ïa ka ban thang diengïap. Kin sliew ding da ki stieh, ki ryntieh, ki khnam, ki sum bad ki dieng tangon, bad kin biang haduh hynñiew snem.

AMOS 2:15

Ki nongsiatkhnam kin ym lah ïeng ha la ki jaka ïeng, ki nongmareh kiba stet kin ym lah lait, bad ki nongshong kulai kin ym lah ban pyllait ïa la ka jong ka jingim.

OBADAÏAH 1:15

“Ka sngi ka la jan ha kaba ma nga, U Trai, “ngan bishar ïa ki jaitbynriew baroh. Ko Edom, ïa kaei kaba pha la leh yn sa leh ha pha. Phan sa ïoh pat ïa kaei kaba pha la ai.

HABAKKUK 2:8

Phi la thombor ïa ki briew jong ki hima kiba bun, hynrei mynta kito kiba la lait im kin thombor ïa phi namar ki kam pynïap briew ba phi la leh bad namar ki jingleh jubor jong phi pyrshah ïa ki briew jong ka pyrthei bad ki nongbah jong ka.

DEUTERONOMI 32:35

U Trai un pynhiarkput bad pynshitom ïa ki; ka por kan poi haba kin kyllon; ka sngi ka jingjot jong ki ka la jan.

2 THESSALONI 1:6

U Blei un leh ïa kaei kaba dei: Un wallam ka jingshah shitom ha kito kiba pynlong ïa phi ban shahshitom,

JINGPYNPAW 17:16

Ki shiphew tylli ki reng kiba me la ïohi, bad u mradkhlaw, kin isih ïa ka nuti; kin sa knieh noh ïa kaei kaei baroh kaba ka don bad kin iehnoh lyngkhuit ïa ka; kin bam ïa ka doh jong ka bad kin pynjot ïa ka da ka ding.

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!

JINGPYNPAW 19:2

Ki jingbishar jong u ki long kiba shisha bad kiba hok! U la pynrem ïa ka nuti kaba pynpyut ïa ka khyndew da ki jingawria jong ka. U Blei u la pynshitom ïa ka namar ba ka la pynïap ïa ki shakri jong u.”

1 SAMUEL 2:4

Ïa ki ryntieh jong ki shipai kiba khlaiñ la pynkheiñ, hynrei kiba tlot ki ïohbor.