JEREMAÏAH 51:51 - Khasi CL Bible (BSI)

⁵¹ Phi ong, ‘La pynjahburom ïa ngi bad la pynlehrain ïa ngi; ngi sngew ba ngim lah leh ei ei shuh namar ki nongwei ki la shimti noh ïa ki jaka bakhuid ha ka Templ.’

KA BAIBL

⁵¹ La pynlehrain ïa ngi, namar ngi la ïohsngew ïa ka jingkrenbeiñ; ka jinglehrain ka la tap ïa ki khmat jong ngi: naba ki nongwei ki la wan ha ki jaka kyntang ka ïing U Trai.

JEREMAÏAH 51:51 ပူးပေါင်းရင်းမြစ်များ

SALM 109:29

Ai ba ïa ki nongshun jong nga yn tap da ka jingjahburom; ai ba ka jinglehrain jong ki kan long kum ka jingkup jaiñ jong ki.

SALM 71:13

Ai ba kito kiba tur ïaleh ïa nga kin shahjop bad shah pynjot. Ai ba kito kiba pyrshang ban pynmynsaw ïa nga kin shah pynlehrain bad shah pynjahburom.

SALM 79:1

A Blei, ki nongmane bleithaw ki la wan hiarthma ïa ka ri jong me. Ki la pyntngit ïa ka Templ bakhuid jong me; bad iehnoh ïa ka Jerusalem ha ka jingjot jingpra.

SALM 79:12

A Trai, to siew kylliang hynñiew shah ïa kiwei pat ki jaitbynriew na ka bynta ki jingrkhiebeiñ baroh kiba ki la shat ha me.

SALM 79:4

Ki jaitbynriew kiba don sawdong ki la rkhiebeiñ ïa ngi, ki rkhie ïa ngi bad ki beiñ ïa ngi.

SALM 89:46

A Trai, hato men shu buhrieh ïa lade junom? Sa katno ka jingbitar jong me kan pluh kum ka ding?

ISAÏAH 13:1

Kane ka dei ka khubor shaphang ka Babilon, kaba u Isaïah u khun jong u Amos u la ïohpdiang na U Blei.

ISAÏAH 14:1

U Trai sa shisien pat un sngewsynei ïa ki briew jong u ki Israel bad un jied ïa ki kum la ki jong. Un shah ïa ki ba kin shong kin sah ha la ka jong ka ri sa shisien pat, bad ki nongwei kin wan bad kin shong kin sah hangta bad ki.

ISAÏAH 21:1

Kane ka dei ka khubor shaphang ka Babilonia. Kum ka 'erlangthari kaba sar sha shiliang ka ri shyiap, ka jingjot kan wan na ka ri kaba shyrkhei.

ISAÏAH 47:1

U Trai u ong, “Ko Babilon, to hiar noh na ka khet jong pha, bad shong ha u pui pui halor ka khyndew. Shisien pha la long kum kaba sotti, ka nongbah bym pat shahjop, hynrei pham long shuh kaba jem bad ba long jai jai! Mynta pha long ka mraw!

JEREMAÏAH 14:3

Ki briew bariewspah ki phah ïa la ki shakri ban tong um; ki leit sha ki thliew pynlang um, hynrei kim shem um; ki wan phai pat bad ki khra thylli. Ki la noh mynsiem bad shaïong jingmut, ki buhrieh ïa la ki durkhmat.

JEREMAÏAH 31:19

Ngi la phai dien noh na me, hynrei shen ngi la kwah ban wan phai pat. Hadien ba me la pynshitom ïa ngi, ngi la pyndem ïa la ki khlieh ha ka jingsngewsih. Ngi la sngewlehrain bad jahburom, namar ngi la leh pop mynba ngi dang samla.’

JEREMAÏAH 52:13

U phah thang ïa ka Templ, ka ïingsyiem, bad ki ïing jong ki riewpawkhmat baroh ha Jerusalem;

SNGEWSYNEI 1:10

Ki nongshun jong ka ki la lute ïa ka jingkynshew jong ka baroh. Ka la ïohi ïa ki, ba ki rung sha ka Templ hi, ha kaba U Trai u la lah khang ïa ki Jentil ban leit.

SNGEWSYNEI 2:20

Ha khmih, ko Trai! Khmih ïa kito kiba me la pynshitom! Ki kynthei ki bam ïa ka met jong ki khun kiba ki ieit! Ki lyngdoh bad ki nongïathuhlypa ki shah pynïap hapoh ka Templ hi!

SNGEWSYNEI 5:1

To kynmaw, ko Trai, ïa kaei kaba la jia ha ngi. To khmih ïa ngi, bad peit ïa ka jingjahburom jong ngi.

ESEKIEL 24:21

ba ngan ai ha ki Israel ïa kane ka khubor: Pha sarong ha ka jingkhraw jong ka Templ. Pha sngewbha ban khmih ïa ka bad ban leit jngoh ïa ka, hynrei U Trai un pyntngit ïa ka. Bad ki dkhot ba kham samla ha ki longïing jong pha kiba la shah iehnoh ha Jerusalem kin shah pynïap ha ka thma.

ESEKIEL 36:30

Ngan pynroi kyrhai ïa ka jingmih na ki diengsoh bad na ki lyngkha jong phi, ba kan ym don shuh ka 'nemsniew ka ban pynjahburom ïa phi hapdeng ki jaitbynriew.

ESEKIEL 7:18

Kin kup da ka jaiñ khain bad kin kyiuh ha ki jaka baroh. Yn khi lyndum ïa ki khlieh jong ki, bad yn pynlehrain ïa ki baroh.

ESEKIEL 9:7

U Blei u la ong ha ki, “Pyntngit ïa ka Templ. Pyndap ïa ki phyllaw jong ka da ki metïap. Sdang noh ïa ka kam!” Kumta ki la sdang ban pynïap ïa ki briew ha ka nongbah.

DANIEL 11:31

Katto katne na ki shipai jong u kin pyntngit ïa ka Templ. Kin pynsangeh ïa ki jingkñia ba man ka sngi bad kin pynïeng ïa ka Jingshyrkhei Ba-ijli.

AMOS 7:9

Ïa ki jaka ha kiba ki khun ki ksiew u Isaak ki mane Blei yn sa pynjot noh. Ïa ki jaka kyntang jong ki Israel yn sa iehnoh ha ki jingjot. Ngan wallam ïa ka longïing syiem jong u syiem Jeroboam sha ka jingkut.”

MIKAH 6:16

Kane kan jia namar ba phi la bud ïa ki jingleh ba-ijli jong u syiem Omri bad jong u khun jong u, u syiem Ahab. Phi la ïai bteng ban bud ïa ki rukom pynïaidkam jong ki, bad kumta ngan wallam ïa ka jingjot ha phi, bad baroh kin kyntait ïa phi. Ki briew ha kylleng kin ñiewbeiñ ïa phi.”

MIKAH 7:10

Te ki nongshun jong ngi kin ïohi ïa kane bad kin shah pynjahburom — kijuh ki nongshun kiba la pynthut ïa ngi da kaba kylli, “Hangno U Trai U Blei jong phi u don?” Ngin ïohi ba ki la shahjop, shah ïuh kum ka ktieh ha ki lynti bah.