JEREMAÏAH 51:5 - Khasi CL Bible (BSI)

⁵ Ma nga, U Trai U Blei Badonbor Baroh, ngam pat shym la iehnoh ïa ka Israel bad ka Judah, wat la ki la leh pop pyrshah ïa nga, U Bakhuid jong ki Israel.

KA BAIBL

⁵ Naba lymne ïa u Israel, lymne ïa u Judah, ym shym la iehnoh da U Blei jong u, da U Trai ki paid; la ka ri jong ki ka shlei da ka pop pyrshah ïa uta U Bakhuid jong u Israel.

JEREMAÏAH 51:5 ပူးပေါင်းရင်းမြစ်များ

1 SYIEM 6:13

Ngan shong hapdeng ki Israel ki briew jong nga, ha kane ka Templ kaba me dang tei bad ngan ym iehnoh ïa ki.”

2 SYIEM 21:16

U Manasseh u la pynïap bun ki briew balui lui, haduh ba ki surok bah ka Jerusalem ki la tuid da ka snam; u la leh ïa kane nalor ba u ïalam ïa ki briew ka Judah sha ka jingmane bleithaw da kaba pynlong ïa ki ban leh pop pyrshah ïa U Trai.

ESRA 9:9

Ngi la long ki mraw, hynrei mem shym la iehnoh ïa ngi ha ka jinglongmraw. Me la pynlong ïa ki patsha ka Persia ban lehsbun ïa ngi bad ban shah ïa ngi ban dang ïoh ban im bad ban tei pat ka Templ jong me, kaba la long ha ka jingjot jingpra, bad ban ïoh ïa ka jingshongshngain hangne ha Judah bad Jerusalem.

SALM 94:14

U Trai un ym iehnoh ïa la ki briew; bad un ym iehnoh ïa kito kiba long ki jong u.

ISAÏAH 44:21

U Trai u ong, “Ko Israel to kynmaw ïa kane; kynmaw ba phi long u shakri jong nga. Nga la thaw ïa phi ban long u shakri jong nga, bad ngan ym klet ïa phi.

ISAÏAH 51:15

“Nga long U Trai U Blei jong phi; nga pynphaloh ïa ka duriaw bad nga pynlong ïa ki jingat phyllung ban kyrhuh. Ka kyrteng jong nga ka long U Trai Badonbor Baroh!

ISAÏAH 62:12

Yn khot ïa phi, “Ki Briew ki bakhuid jong U Blei,” “Ki briew kiba U Trai u la pyllait im;” Ïa ka Jerusalem yn khot “Ka nongbah kaba U Blei u ieit.” “Ka nongbah kaba U Blei um shym la iehnoh.”

JEREMAÏAH 14:19

A Trai, hato me la kyntait ïa ka Judah nadong shadong? Hato me isih ïa ki briew jong ka Seïon? Balei ba me la pynmong jur ïa ngi ba ngim lah ban koit? Ngi la wad ïa ka jingsuk, hynrei ym don kano kano jingbha kaba la jia, ngi la kyrmen ïa ka jingpynkhiah, hynrei ka wan pynban ka jingshyrkhei.

JEREMAÏAH 14:9

Balei me long kum u briew uba la shah shim kynsan, kum u shipai u bymdonbor ban ïarap? Da shisha, A Trai, me long bad ngi! ngi long ki briew jong me; wat iehnoh ïa ngi.’ ”

JEREMAÏAH 16:18

Ngan pynlong ïa ki ban siew ar shah na ka bynta ki pop bad ka jingbymman jong ki, namar ki la pyntngit ïa ka ri jong nga da ki bleithaw ki bym don jingim kum ki metïap, bad ki la pyndap ïa ka da ki blei thala jong ki.”

JEREMAÏAH 19:4

Ngan leh ïa kane namar ki briew ki la iehnoh ïa nga bad ki la pyntngit ïa kane ka jaka da kaba ai jingkñia hangne sha kiwei pat ki blei — ki blei kiba ym ma ki lymne ki kpa tymmen jong ki lymne ki syiem jong ka Judah ki la tip ei ei. Ki la pyndap ïa kane ka jaka da ka snam jong ki briew kiba lui lui,

JEREMAÏAH 23:15

“Kumta te, kane ka long kaei kaba ma nga, U Trai Badonbor Baroh, nga ong shaphang ki nongïathuhlypa ka Jerusalem: “Ngan ai ïa ki da ki jhur kthang ban bam, bad ka bih ba kin dih; namar ba ki la pynsaphriang ïa ka jingbymriewblei kylleng ka ri.”

JEREMAÏAH 31:37

Lada ha kawei ka sngi ïa ka suiñbneng la lah ban thew bad ïa ki nongrim ka pyrthei la ïitbniah, tang kata hi ka ban pynlong ba un kyntait ïa ki paid Israel namar baroh kaba ki la leh. U Trai u la kren.

JEREMAÏAH 46:28

Ngan wan ha phi bad pyllait im ïa phi. Ngan pynjot ïa ki hima baroh sha kiba nga la pynsakma ïa phi, hynrei ngan ym pynjot ïa phi. Ngan nym shah ba phin lait khlem shah pynshitom; hynrei haba nga pynshitom ïa phi, ngan lehhok. Ma nga, U Trai, nga la kren.”

JEREMAÏAH 50:20

Haba kata ka por ka wan, yn ym shem ïa ka pop ha Israel bad ïa ka jingbymman ha Judah, namar ngan map ïa kito ki briew kiba nga la pynsah ïa ka jingim jong ki. Ma nga, U Trai, nga la kren.”

JEREMAÏAH 51:19

U Blei u Jakob um long kum ma ki; dei tang ma u uba la thaw ïa kiei kiei baroh, bad u la jied ïa ki Israel ban long ki briew jong u hi. U Trai Badonbor Baroh long ka kyrteng jong u.

ESEKIEL 8:17

U Trai u la ong ha nga, “Ko khun u briew, me ïohi ïa katai? Kine ki briew ka Judah kim pat hun tang kaba leh ïa ki kam ba-ijli kiba me la ïohi hangne bad ban pynphriang ïa ka ri da ka jingleh thombor. Em, ki dei ban wan bad leh ïa ki hangne hi ha ka Templ ban pynbitar shuh shuh ïa nga. Peit kumno ki beiñ ïa nga ha ka rukom kaba kham palat.

ESEKIEL 9:9

U Blei u la jubab, “Ki paid Israel bad Judah ki la rem na ki pop kiba shyrkhei. Ki la pynïap briew ha ka ri baroh kawei bad ki pyndap ïa ka Jerusalem da ki kam runar. Ki ong ba ma nga, U Trai, nga la iehnoh ïa ka ri jong ki bad ngam ïohi ïa ki.

HOSIA 1:10

Ki briew ka Israel kin sa bun kum u shyiap ka duriaw, kin bun haduh bym lah shuh ban ñiew lane ban thew. Mynta U Blei u ong ïa ki, “Phim dei ki briew jong nga,” hynrei ka sngi kan poi ha kaba un ong ha ki, “Phi dei ki khun jong U Blei uba im.”

HOSIA 2:1

Kumta khot ïa ki para Israel “Ki briew jong U Blei” bad “kiba ieit da U Trai.”

HOSIA 2:3

Lada kam sangeh, ngan law lyngkhuit ïa ka kumba ka la long ha ka sngi ba la kha ïa ka. Ngan pynlong ïa ka, kum ka ri kaba tyrkhong bad ka bymseisoh, bad kan sa ïap namar ka jingsliang.

HOSIA 4:1

U Trai u don ka jingkynnoh pyrshah ïa ki briew kiba shong ha ka ri. To sngap, ko Israel, ïa kaei kaba u ong: “Ym don jingïaineh ne ka jingieit ha ka ri, Bad ki briew kim pdiang ïa nga kum U Blei.

HOSIA 4:2

Ki ïateh kular bad ki pynkheiñ ïa ki, ki lamler, ki pynïap briew, ki tuh, bad ki klim. Ki kam sniew ki nang jyllei, bad ka don ka jingïa-pynïap briew kawei hadien kawei pat.

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

MIKAH 7:20

Men pyn-i ïa ka jingïaineh jong me bad ka jingieit baneh ha la ki briew, ki khun ki ksiew jong u Abraham bad jong u Jakob, kumba me la kular ïa ki kpa tymmen jong ngi la slem bah.

SEKHARAÏAH 12:6

“Ha kata ka por ngan pynlong ïa ki kur ka Judah kum ka ding ha ka khlaw lane ha ka lyngkha kew ba la ih — kin pynjot ïa ki jaitbynriew kiba don sawdong. Ki briew ka Jerusalem kin ïaisah ha ka jingshngain ha ka nongbah.

SEKHARAÏAH 12:8

Ha kata ka por U Trai un ïada ïa kito kiba shong basah ha Jerusalem, bad wat kiba tlot tam napdeng jong ki kin long kiba khlaiñ kumba long u Dabid. Ki khun ki ksiew jong u Dabid kin ïalam ïa ki kum u angel jong U Trai, kum U Blei hi da lade.

SEKHARAÏAH 2:12

Sa shisien pat ka Judah kan long ka nongkynti bakyrpang jong U Trai ha ka ri bakyntang jong u, bad ka Jerusalem kan long ka nongbah kaba u ieit tam na baroh.

1 SAMUEL 12:22

U Trai u la ai ka jingkular kaba kyntang bad un ym iehnoh ïa phi namar u la rai ban pynlong ïa phi ki briew jong u.