JEREMAÏAH 51:39 - Khasi CL Bible (BSI)

³⁹ Hato ki jlawnguid? Ngan pynkhreh ïa ki ka jingkhawai bad pynlong ïa ki ban buaid bad sngewtynnat. Kin ïohthiah bad kin ym kyndit shuh.

KA BAIBL

³⁹ Haba ki la shit, ngan khreh ka jingkhawai ïa ki, bad ngan pynbuaid ïa ki, ba kin ïashadkmen, bad ba kin thiah noh junom, bad ba kin ym peit shuh,” ong U Trai.

JEREMAÏAH 51:39 ပူးပေါင်းရင်းမြစ်များ

SALM 13:3

To khmih ïa nga, A Trai U Blei jong nga, bad to jubab ïa nga. Pynïoh pat ka jingkhlaiñ jong nga; wat ai ba ngan ïap.

JEREMAÏAH 25:27

Te U Trai u la ong ha nga, “Ïathuh ha ki briew ba ma nga, U Trai Badonbor Baroh, U Blei ki Israel, nga hukum ïa ki ban dih haduh ban da buaid bad ban prie, haduh ba kin da kyllon bad kim lah khie shuh, namar ka thma ba nga phah pyrshah ïa ki.

JEREMAÏAH 48:26

U Trai u ong, “To pynbuaid ïa ka Moab, namar ka la ïaleh pyrshah ïa nga. Ka Moab kan syntuid ha la ka prie, bad ki briew kin rkhie.

JEREMAÏAH 51:57

Ngan pynbuaid ïa ki nongsynshar jong ka — ki rangbah kiba stad, ki nongïalam, bad ki shipai. Kin ïohthiah bad kin ym kyndit shuh. Ma nga u syiem, nga la kren. Nga long U Trai Badonbor Baroh.

DANIEL 5:30

Ha kata kajuh ka miet ïa u Belshassar, u syiem ka Babilonia, la pynïap;

NAHUM 1:10

Kum ïa ki shiah kiba la thain bad ïa u phlangïap ba-tyrkhong, ïa phi ki nongbuaid yn thang duh!

NAHUM 3:11

Ko Ninebeh, pha ruh phan hap ha ka jingbuaid bymtip briew! Pha ruh phan pyrshang ban lait phet na ki nongshun jong pha.

NAHUM 3:18

Ko Patsha ka Assyria, ki lat jong me ki la ïap, bad ki rangbah donburom jong me ki ïohthiah junom! Ïa ki briew jong me la pynsakma halor ki lumbah, bad ym don shuh mano mano ban wallam pat ïa ki sha ïing.