JEREMAÏAH 51:37 - Khasi CL Bible (BSI)

³⁷ Kata ka ri kan long kum ka kynton ñiut ha kaba ki mradkhlaw ki im. Kan long kaba shyrkhei ban peit; yn ym don mano mano ban sah hangta, bad baroh kiba ïohi ïa ka kin sngewshyrkhei.

KA BAIBL

³⁷ Bad ka Babilon kan long ki lymbher, ka jaka shong ki myrsiang, ka jinglyngngoh, ka jingkynshi, ka bymshong briew.

JEREMAÏAH 51:37 ပူးပေါင်းရင်းမြစ်များ

2 KHRONIKL 29:8

Namar kane, U Trai u la bitar ïa ka Judah bad ka Jerusalem, bad kaei kaba u la leh ïa ki ka la pynkyndit bad pyntieng ïa uwei pa uwei. Phi tip bha shaphang kane.

ISAÏAH 14:23

Ngan pynkylla ïa ka Babilon sha ka ahor ktieh, bad ki dkhoh kin shong hangta. Ngan sar ïa ka Babilon da u synsar u ban sar lut khoit ïa kaei kaei baroh. Nga, U Trai Badonbor Baroh, nga la kren.”

JEREMAÏAH 18:16

Ki la pynlong ïa kane ka ri ka bynta ka jingtriem, ban ñiewbeiñ junom. Baroh kiba la ïaid lyngba kin kyndit ha kaei kaba ki ïohi; kin kyrngah ïa la ki khlieh ha ka jinglyngngoh.

JEREMAÏAH 19:8

Ngan wallam ïa ka jingpynjot kaba shyrkhei kum kane ha kane ka nongbah ha kaba uwei pa uwei uba ïaid lyngba un kyndit bad lyngngoh.

JEREMAÏAH 25:12

Hadien kata ngan sa pynshitom ïa ka Babilonia bad ïa u syiem jong ka namar ka pop jong ki. Ngan pynjot ïa kata ka ri bad ngan iehnoh ha ka jingjot jingpra junom.

JEREMAÏAH 25:18

Ïa ka Jerusalem bad ki shnong baroh jong ka Judah, lem bad ki syiem bad ki nongïalam jong ka, la pynlong ïa ki ban dih na ka, khnang ba kin kylla long ka ri shyiap, ka jaka kaba ishyrkhei bad pynkyndit ban peit; bad khnang ba ki briew kin pyndonkam ïa ki kyrteng jong ki kum ka jingtim — katba ki dang ïai leh.

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 29:18

Ngan beh kthong ïa ki da ka thma, ka jingïapthngan, bad ka jingpang, bad baroh ki jaitbynriew jong ka pyrthei kin sngewtriem ha kaei kaba ki ïohi. Kylleng kylleng nga pynsakma ïa ki, ki briew kin kyndit bad sngewshyrkhei ha kaei kaba la jia ha ki. Ki briew kin krenbeiñ ïa ki bad pyndonkam ïa ki kyrteng jong ki kum ka jingtim.

JEREMAÏAH 49:17

U Trai u ong, “Ka jingpynjot ka ban wan hap ha ka Edom kan long kaba da shyrkhei haduh ba kiba ïaid nangta kin kyndit bad sheptieng.

JEREMAÏAH 49:33

Ïa ka Hasor yn pynkylla ri shyiap junom, ka jaka ha kaba tang ki myrsiang kin im. Yn ym don mano mano shuh ban shong ban sah biang hangta. Ma nga, U Trai, nga la kren.”

JEREMAÏAH 51:29

Ka khyndew ka kyiuh bad ka khynñiuh namar ba U Trai u pyndep ïa ka jingthmu jong u ban pynlong ïa ka Babilonia ka ri shyiap, ha kaba yn ym don mano mano ban shong ban sah.

JEREMAÏAH 9:11

U Trai u ong, “Ngan pynlong ïa ka Jerusalem ka thup ki jingpra, ka jaka ha kaba ki myrsiang ki shong; ki nongbah ka Judah kin kylla ri shyiap, ka jaka ha kaba ym don mano mano bashong ba sah.”

MIKAH 6:16

Kane kan jia namar ba phi la bud ïa ki jingleh ba-ijli jong u syiem Omri bad jong u khun jong u, u syiem Ahab. Phi la ïai bteng ban bud ïa ki rukom pynïaidkam jong ki, bad kumta ngan wallam ïa ka jingjot ha phi, bad baroh kin kyntait ïa phi. Ki briew ha kylleng kin ñiewbeiñ ïa phi.”

NAHUM 3:6

Ngan leh ïa pha khlem ka jingñiewkor bad tap ïa pha da ka jakhlia. Ki briew kin khmih ïa pha ha ka jingsngew shyrkhei.

SEPHANAÏAH 2:15

Kata ka long kaei ka ban jia ïa ka nongbah kaba sarong katta katta ïa la ka bor bad kaba pyrkhat ba ka don ha ka jingshngain. Ki briew jong ka ki pyrkhat ba ka nongbah jong ki ka long kaba khraw tam ha ka pyrthei. Katno kan long ka jaka kaba kynjah, ka jaka ha kaba ki mradkhlaw kin pynjahthait! Uwei uwei baroh uba ïaid lyngba jong ka un kynran dien ha ka jingsheptieng.

JINGPYNPAW 18:2

U la pyrta ha ka sur kaba jam: “Ka la kyllon! Ka Babilon Bakhraw ka la kyllon! Mynta ka la long ka jaka shong ki ksuid bad ki mynsiem bymkhuid; baroh ki jait sim kiba jakhlia bad kiba isaitmet ki shong ha ka.