JEREMAÏAH 51:35 - Khasi CL Bible (BSI)

³⁵ To ai ba ki briew ka Seïon kin ong, “To ai ba ka Babilonia kan kitkhlieh na ka bynta ka jinglehbor halor jong ngi!” To ai ba ki briew ka Jerusalem kin ong, “To ai ba ka Babilonia kan kitkhlieh na ka bynta kaei kaba ngi la shahshitom!”

KA BAIBL

³⁵ Kata ka jingleh-jubor ïa kaba la leh ïa nga bad ïa ka doh jong nga to kan long halor ka Babilon,” un ong uta uba shong ha Seïon; bad, “Ka snam jong nga to kan long halor kiba shong ha ka ri Khaldi,” kan ong ka Jerusalem.

JEREMAÏAH 51:35 ပူးပေါင်းရင်းမြစ်များ

JENESIS 16:5

Te ka Sarai ka ong ha u Abram, “Dei namar jong me ba ka Hagar ka ibeiñ ïa nga! Nga hi nga la ai ïa ka ha me, bad naduh ba ka tip ba ka la punkhun, ka ibeiñ ïa nga. Ai ba U Trai un bishar mano ba dei napdeng jong ngi, ma me lane ma nga!”

SALM 12:5

“Hynrei mynta ngan wan,” ong U Trai, “namar ïa kiba kyrduh la banbeiñ bad kiba shah pynshitom beiñ ki ud ha ka jingshitom. Ngan ai ha ki ïa ka jingshngain kaba ki thrang eh.”

SALM 9:12

U Blei u kynmaw ïa kito kiba shahshitom; um ju klet ïa ka jingkyang jong ki, bad u pynshitom ïa kito kiba leh bymdei ïa ki.

JEREMAÏAH 50:10

Ïa ka Babilonia yn lute, bad kito kiba lute ïa ka kin shim lut ïa kiei kiei baroh kiba ki kwah. Ma nga, U Trai, nga la kren.”

JEREMAÏAH 50:29

“To ong ïa ki nongsiatkhnam ban tur ïaleh ïa ka Babilon. Phah ïa baroh kiba nang ban pyndonkam ïa ka ryntieh bad ïa u khnam. Kerkut ïa ka nongbah bad wat ai ba yn don ba lait phet. Siew kylliang pat ïa kiei kiei baroh ba ka la leh, bad leh ïa ka kumba ka la leh ïa kiwei, namar ba ka la leh da ka jingsarong pyrshah ïa nga, U Bakhuid ki Israel.

JEREMAÏAH 51:24

U Trai u ong, “Phin ïohi ïa nga ba nga siew kylliang ïa ka Babilonia bad ïa ki briew jong ka na ka bynta ka jingsniew baroh kaba ki la leh ïa ka Jerusalem.

SNGEWSYNEI 1:22

“To pynrem ïa ki na ka bynta ka jingbymman jong ki baroh; to pynshitom ïa ki kumba me la pynshitom ïa nga na ka bynta ki pop jong nga. Nga ud ha ka jingjynjar, bad nga pang ha ka dohnud jong nga.”

HABAKKUK 2:17

Phi la pynduh ïa ki khlaw ka Lebanon; mynta yn pyndkut ïa phi. Phi la pynïap ïa ki mrad ha ka; mynta ki mrad kin pyntriem ïa phi. Kane kan jia namar ki kam pynïap ba phi la leh bad namar ki kam leh jubor pyrshah ïa ki briew jong ka pyrthei bad ki nongbah jong ka.

SEKHARAÏAH 1:15

bad nga bitar shikatdei eh ïa ki jaitbynriew kiba sngewkmen ïa ka jingjar jar bad ka jingsuk. Namar katba nga dang bat ïa ka jingbitar jong nga pyrshah ïa ki briew jong nga, kito ki jaitbynriew ki la kham pynsniew ïa ki jingshitom jong ki briew jong nga.

MATHAÏOS 7:2

naba U Blei un bishar ïa phi ha kajuh ka rukom kumba phi bishar ïa kiwei pat, bad un pyndei ha phi ïa kijuh ki jingthew kiba phi pyndei ïa kiwei pat.

JAKOB 2:13

Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.

JINGPYNPAW 16:6

Ki la theh noh ïa ka snam jong ki briew jong U Blei bad jong ki nongïathuhlypa, bad kumta me la ai ha ki ïa ka snam ban dih. Ki la ïoh ïa kaba ki dei hok ban ïoh!”

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!

JINGPYNPAW 18:6

Leh ïa ka thik kumba ka la leh ïa phi; siew kylliang ar shah ïa ka na ka bynta baroh kaba ka la leh. Pyndap ïa ka khuri jong ka da ka jingdih kaba ar shah ka jingkhor kum ka jingdih kaba ka la pynkhreh na ka bynta jong phi.

JINGPYNPAW 6:10

Ki la pyrta da ka sur kaba jam, “Ko Trai Badonbor Baroh, u bakhuid bad uba shisha! Sa katno kan long haduh ba men da bishar ïa ki briew ha ka pyrthei bad pynshitom ïa ki namar ba ki pynïap ïa ngi?”

NONGBISHAR 9:20

Hynrei lada kam long kumta, ai ba ka ding kan mihnoh na u Abimelekh bad kan bam duh ïa ki rangbah ka Shekhem bad ka Bethmillo. Ai ba ka ding kan mih na ki rangbah ka Shekhem bad ka Bethmillo bad kan thang duh ïa u Abimelekh.”

NONGBISHAR 9:24

Kane ka la jia kumta khnang ba u Abimelekh bad ki rangbah ka Shekhem, kiba la pynshlur ïa u ban pynïap ïa ki hynñiewphew ngut ki khun shynrang jong u Gideon, kin siew na ka bynta ka kam sniew jong ki.