JEREMAÏAH 51:29 - Khasi CL Bible (BSI)

²⁹ Ka khyndew ka kyiuh bad ka khynñiuh namar ba U Trai u pyndep ïa ka jingthmu jong u ban pynlong ïa ka Babilonia ka ri shyiap, ha kaba yn ym don mano mano ban shong ban sah.

KA BAIBL

²⁹ Te ka ri ka khynñiuh bad ka pang suh: naba ki jingthmu U Trai pyrshah ïa ka Babilon ki ïeng, ïa ka ban pynlong ka jingkynjah ïa ka ri Babilon, ka bymshong briew keiñ.

JEREMAÏAH 51:29 ပူးပေါင်းရင်းမြစ်များ

ISAÏAH 14:16

“Kiba ïap kin peit seh bad ang ïa me. Kin kylli, ‘Hato une u dei u briew uba la pynkhih ïa ka pyrthei bad pynkhynñiuh ïa ki hima?

ISAÏAH 24:20

Ka pyrthei hi kan khih kum u nongbuaid bad khih shane bad shatai kum ka ïingtrep ha ka 'erïong. Ïa ka pyrthei la pynkhia da ki pop jong ka; kan khyllem bad kan ym lah khie khlieh shuh.

JEREMAÏAH 10:10

Hynrei ma me, A Trai, me long U Blei bashisha, me long U Blei uba im bad u syiem bymjukut. Haba me bitar, ka pyrthei ka khynñiuh; ki jaitbynriew kim lah shah ïa ka jingbitar jong me.

JEREMAÏAH 50:13

Namar ka jingbitar jong nga, yn ym don u ban shong ban sah ha Babilon; kan sah ha ka jingjot, bad baroh kiba ïaid nangta kin kyndit bad lyngngoh.

JEREMAÏAH 50:36

Ka Jingïap ïa ki nongïathuhlypa bashukor jong ka — katno ki long kiba bieit! Ka Jingïap ïa ki shipai jong ka — katno ki long kiba sheptieng!

JEREMAÏAH 50:43

U syiem ka Babilonia u ïohsngew ïa ka khubor, bad ki kti jong u ki noh kyrwep. U don ha ka jinglyng-a, da ka jingpang kum ka briew kaba suh kha.

JEREMAÏAH 50:45

Kumta to shahshkor ïa ka jingthmu kaba nga la don pyrshah ïa ka nongbah Babilon bad ïa kaei kaba nga thmu ban leh ïa ki briew jong ka. Wat ïa ki khynnah yn paring ïa ki, bad baroh kin sngewtriem.

JEREMAÏAH 50:46

Haba ka Babilon ka kyllon, kan don ka jingsawa ka ban pynkhynñiuh ïa ka pyrthei baroh kawei, bad ïa ki jingïam pynkyndit yn ïohsngew da kiwei ki jaitbynriew.”

JEREMAÏAH 51:26

Yn ym don ki maw na ki jingjot jong pha ba yn pyndonkam pat na ka bynta ki jingtei. Phan long kum ka ri shyiap junom. Ma nga, U Trai, nga la kren.

JEREMAÏAH 51:28

Pynkhreh ïa ki jaitbynriew na ka bynta ka thma pyrshah ïa ka Babilonia. Phah ïa ki syiem ka Media, ïa ki nongïalam bad ki rangbah synshar jong ki, bad ki kynhun shipai jong ki ri baroh kiba ki synshar.

JEREMAÏAH 51:37

Kata ka ri kan long kum ka kynton ñiut ha kaba ki mradkhlaw ki im. Kan long kaba shyrkhei ban peit; yn ym don mano mano ban sah hangta, bad baroh kiba ïohi ïa ka kin sngewshyrkhei.

JEREMAÏAH 51:43

Ki shnong ki la long kiba ishyrkhei ban peit bad ki long kum ka ri shyiap bym don um, ha kaba ym don ba sah lane wat ban ïaid nangta.

JEREMAÏAH 8:16

Ki nongshun jong ngi ki la da don hapoh ka nongbah Dan; ngi ïohsngew ïa ka jingsawa pynhiar mynsiem jong ki kulai jong ki. Ka ri baroh kawei ka khynñiuh haba ki kulai jong ki, ki pah. Ki nongshun jong ngi ki la wan ban pynjot ïa ka ri jong ngi bad ïa kiei kiei baroh kiba ha ka, ka nongbah jong ngi bad baroh ki briew jong ka.”

JOEL 2:10

Ka pyrthei ka khih katba ki nang tur; ka sahit bneng ka khynñiuh. Ka sngi bad u bnai ki kylla dum, bad ki khlur kim shai shuh.

AMOS 8:8

Bad kumta ka khyndew kan khynñiuh, bad uwei pa uwei ha ka ri un long ha ka jinglanot. Ka ri baroh kawei kan khynñiuh; kan kiew bad kan hiar kum ka wah Nile.

JINGPYNPAW 18:2

U la pyrta ha ka sur kaba jam: “Ka la kyllon! Ka Babilon Bakhraw ka la kyllon! Mynta ka la long ka jaka shong ki ksuid bad ki mynsiem bymkhuid; baroh ki jait sim kiba jakhlia bad kiba isaitmet ki shong ha ka.