JEREMAÏAH 51:28 - Khasi CL Bible (BSI)

²⁸ Pynkhreh ïa ki jaitbynriew na ka bynta ka thma pyrshah ïa ka Babilonia. Phah ïa ki syiem ka Media, ïa ki nongïalam bad ki rangbah synshar jong ki, bad ki kynhun shipai jong ki ri baroh kiba ki synshar.

KA BAIBL

²⁸ To khreh ïa ki jaid bynriew ban ïaleh ïa ka, ïa ki syiem jong ki Mid, ïa ki nongsynshar jong ki, bad ïa baroh ki deputi jong ki, bad ïa ka ri ka jingsynshar jong u baroh.

JEREMAÏAH 51:28 ပူးပေါင်းရင်းမြစ်များ

JENESIS 10:2

Ki khun shynrang jong u Japheth — u Gomer, u Magog, u Madai, u Jaban, u Tubal, u Meshek, bad u Tiras — ki la long ki kpa tymmen jong ki briew kiba kheiñ jait na ki.

1 KHRONIKL 1:5

Ki khun shynrang jong u Japheth — U Gomer, U Magog, U Madai, U Jaban, U Tubal, U Meshekh, bad U Tiras — ki dei ki kpa tymmen jong ki jaitbynriew kiba don ïa ki kyrteng jong ki.

ESTHER 1:3

Ha ka snem kaba lai jong ka jingsynshar jong u, u la pynlong ka jingkhawai na ka bynta ki rangbah synshar bad ki nongpynïaidkam. Ki kynhun shipai ka Persia bad ka Media ki la ïadon lang, kumjuh ruh ki lat bad ki riewpawkhmat jong ki jylla.

ESTHER 10:2

Ïa baroh kiei kiei kiba khraw bad kiba phylla kiba u la leh, kumjuh ruh ïa baroh ka jingïathuhkhana kumno ba u la pynkiew ïa u Mordekai sha ka kyrdan treikam kaba halor, la buh jingkynmaw ha ki jingthoh ba dei ïa ki syiem ka Persia bad Media.

ISAÏAH 13:17

U Trai u ong, “Nga pynkhih ïa ki Mid ban tur ïaleh ïa ka Babilon. Kim salia ïa ka rupa bad kim shah pynshoi da ka ksiar.

ISAÏAH 21:2

Nga la ïohi ka jingïohipaw jong ki jingjia ba-ishyrkhei, ka jingïohipaw ïa ka jingshetkylla bad ka jingpynjot. Ko kynhun shipai jong ka Elam, to tur ïaleh! Ko kynhun shipai jong ka Media, to kerkut ïa ki nongbah! U Blei un pynkut ïa ka jingshitom kaba la wanrah da ka Babilon.

JEREMAÏAH 25:14

Ngan sa siew pat ïa ki Babilonia ïa kaei kaba ki la leh, bad shibun ki ri bad ki syiem kiba khraw kin pynlong mraw ïa ki.’ ”

JEREMAÏAH 50:41

“Ki briew ki wan na ka ri bashatei, ka jaitbynriew bakhrawbor na jngai bah; shibun ki syiem ki pynkhreh ïa ka thma.

JEREMAÏAH 51:11

U Trai u la pynkhih ïa ki syiem jong ka Media, namar u thmu ban pynjot ïa ka Babilonia. Dei da kumta un siew kylliang namar ka jingpynjot ïa ka Templ jong u. Ki rangbah ai hukum ban tur ïaleh, ki hukum, “Pynnep ïa ki khnam jong phi! Pynkhreh ïa ki stieh jong phi!

JEREMAÏAH 51:27

“To ai ïa ka dak ban tur ïaleh! Put ïa ka turoi khnang ba ki jaitbynriew kin ïohsngew! Pynkhreh ïa ki jaitbynriew na ka bynta ka thma pyrshah ïa ka Babilonia! Ong ïa ki hima Ararat, Minni, bad Ashkenas ban tur ïaleh. Thung ïa u rangbah pynïaidkam ban ïalam ïa ka jingtur ïaleh. Wallam ïa ki kulai kum ka kynhun ki puit.

JEREMAÏAH 51:29

Ka khyndew ka kyiuh bad ka khynñiuh namar ba U Trai u pyndep ïa ka jingthmu jong u ban pynlong ïa ka Babilonia ka ri shyiap, ha kaba yn ym don mano mano ban shong ban sah.

DANIEL 6:1

U Darius u la rai ban thung shispah arphew ngut ki lat ban bat kam ha kylleng ka hima jong u.

DANIEL 6:8

Kumta ai ba u Syiem Kynrad un pynmih ïa kane ka hukum bad soi ïa ka, bad kan treikam, ka aiñ jong ki Mid bad ki Persia, ka bym lah ban pynkylla.”

DANIEL 8:20

“U langbrot uba me ïohi uba la don ar tylli ki reng u ïeng na ka bynta ki hima jong ka Media bad Persia.

DANIEL 9:1

U Darius u nong Mid, uba long u khun jong u Serksis, u la synshar ïa ka hima Babilonia.