JEREMAÏAH 51:27 - Khasi CL Bible (BSI)

²⁷ “To ai ïa ka dak ban tur ïaleh! Put ïa ka turoi khnang ba ki jaitbynriew kin ïohsngew! Pynkhreh ïa ki jaitbynriew na ka bynta ka thma pyrshah ïa ka Babilonia! Ong ïa ki hima Ararat, Minni, bad Ashkenas ban tur ïaleh. Thung ïa u rangbah pynïaidkam ban ïalam ïa ka jingtur ïaleh. Wallam ïa ki kulai kum ka kynhun ki puit.

KA BAIBL

²⁷ “To pynïeng ïa ka lama ha ka ri, put ïa ka turoi hapdeng ki jaid bynriew, to khreh ïa ki jaid bynriew ban ïaleh ïa ka, khot lang ban ïaleh ïa ka, ïa ki hima Ararat, Minni, bad Ashkenas: to thung u nongïalam ban ïaleh ïa ka: pynmih artet ïa ki kulai kum u 'ñiangdkoh ba don treng.

JEREMAÏAH 51:27 ပူးပေါင်းရင်းမြစ်များ

JENESIS 10:3

Ki khun shynrang jong u Gomer ki long ki briew jong ka Ashkenas, ka Riphath, bad ka Togarmah.

JENESIS 8:4

Te ha ka sngi kaba khathynñiew jong u bnai uba hynñiew, kata ka lieng ka wan neh den halor u lumbah ha ki lynter lum Ararat.

2 SYIEM 19:37

Ha kawei ka sngi katba u dang mane ha ka templ jong u blei jong u, u Nisrokh, ar ngut na ki khun jong u, u Adrammelekh bad u Shareser, ki pynïap ïa u da ki waitlam, bad nangta ki phet ïap sha ka ri Ararat. Uwei pat na ki khun shynrang jong u, u Esarhaddon, u long u patsha ha ka jaka jong u.

1 KHRONIKL 1:6

Ki khun ki ksiew jong u Gomer ki dei ki jaitbynriew jong ka Ashkenas, ka Riphath bad ka Togarmah.

ISAÏAH 18:3

To shahshkor, phi baroh kiba shong ha ka pyrthei! To ap ïa ka lama ai dak kaba yn kyntiew halor ki kliar jong ki lumbah! To shahshkor ïa ka jingput ïa ka ronsing!

ISAÏAH 37:38

Ha kawei ka sngi katba u dang mane ha ka Templ jong U Blei jong u, u Nisrokh; ar ngut na ki khun shynrang jong u, u Adrammelekh bad u Shareser, ki la pynïap ïa u da ki waitlam bad nangta ki la phet ban lait im sha ka ri Ararat. Uwei pat na ki khun shynrang jong u, u Esarhaddon u la long u patsha hadien jong u.

JEREMAÏAH 25:14

Ngan sa siew pat ïa ki Babilonia ïa kaei kaba ki la leh, bad shibun ki ri bad ki syiem kiba khraw kin pynlong mraw ïa ki.’ ”

JEREMAÏAH 46:23

Ki rangbah jong ki, ki bun shaba palat ban ñiew; ki shipai jong ki, ki kham bun ban ïa ki puit.

JEREMAÏAH 50:2

“Ïathuh ïa ka khubor sha ki jaitbynriew! Pynbna ïa ka! Ai ka dak bad pynbna ïa ka khubor! Wat buhrieh ïa ka! Ka Babilon ka la kyllon! U Marduk u blei jong ka u la khynñiuh! Ïa ki bleithaw jong Babilon la buh ha ka jinglehrain, ïa ki dur ba-ijli jong ka la pynlwet!

JEREMAÏAH 50:3

“Ka jaitbynriew na shatei ka la wan ban tur ïaleh ïa ka Babilonia bad yn pynlong ri shyiap ïa ka. Ki briew bad ki mrad kin phet krad noh, bad yn ym don bashong ba sah hangta.”

JEREMAÏAH 50:9

Ngan pynkhih ïa ka kynhun ki hima kiba khlaiñ shaphang shatei bad pynlong ïa ki ban tur ïaleh ïa ka Babilonia. Kin ïeng ryntih ban ïaleh thma pyrshah ïa ka ri bad ban jop ïa ka. Ki long ki nongbeh mrad batbit, kiba siat khnam bym ju lait na ka sohpdung.

JEREMAÏAH 51:12

Ai ïa ka dak ban tur ïaleh ïa ki kynroh jong ka Babilon. Pynkhlaiñ ïa ki nongap! Buh ïa ki nongap phira! Buh ïa ki rangbah ban apthap!” U Trai u la leh ïa kaei kaba u la ong ban un leh ïa ki briew jong ka Babilonia.

JEREMAÏAH 51:14

U Trai Badonbor Baroh u la smai da la ka jong ka jingim ba un wallam shibun ki rangbah ban tur ïaleh ïa ka Babilonia kum shi kynhun ki puit, bad kin pyrta da ka jingjop.

JEREMAÏAH 51:28

Pynkhreh ïa ki jaitbynriew na ka bynta ka thma pyrshah ïa ka Babilonia. Phah ïa ki syiem ka Media, ïa ki nongïalam bad ki rangbah synshar jong ki, bad ki kynhun shipai jong ki ri baroh kiba ki synshar.

JEREMAÏAH 6:1

Ko ki briew ka Benjamin, to phet ban lait im! Phet noh na Jerusalem! Pynsawa ïa ka turoi ha Tekoa bad to thaw ka ding-ai-dak ha Beth Hakkherem. Ka jingjot bad ka jingpynjot ki la wan artat na shatei.

JOEL 3:9

“Pynlong ïa kane ka jingpynbna hapdeng ki jaitbynriew: ‘To Pynkhreh na ka bynta ka thma; khot ïa ki nongïaleh thma; ïalumlang ïa ki shipai bad tur shaphrang!

AMOS 3:6

Hato ka turoi thma ka ju sawa ha ka nongbah khlem da pynlong ïa ki briew ban sheptieng? Hato ka jingjynjar ka ju ngat ha ka nongbah lymda U Trai u phah ïa ka?

SEKHARAÏAH 14:2

U Trai un wallam lang ïa baroh ki jaitbynriew ban ïaleh thma ïa ka Jerusalem. Ïa ka nongbah yn sa shim noh, ïa ki ïing la lute, bad ïa ki kynthei la batbor. Shiteng na ki briew kin leit sha ka jingshah ringmraw, hynrei ïa kiba sah na ki yn ym shim noh na ka nongbah.

NONGBISHAR 6:5

Ki wan lem bad la ki jingri bad ki dara kumba rben ki kynhun puit. Ma ki lem bad ki ut jong ki, ki bun haduh katta katta ba ym lah ñiew shuh ïa ki. Ki wan bad pynjot thiaw ïa ka ri,