JEREMAÏAH 51:20 - Khasi CL Bible (BSI)

²⁰ U Trai u ong, “Ko Babilonia, pha long u tyrnem jong nga, ka atiar jong nga ha ka thma. Nga la pyndonkam ïa pha ban ïuhroit ïa ki jaitbynriew bad ïa ki hima,

KA BAIBL

²⁰ “Pha long u sdie ïapom bad ki atiar ïaleh thma jong nga: bad da pha ngan pynlwet ïa ki jaid bynriew; bad da pha ngan pynjot ïa ki hima;

JEREMAÏAH 51:20 ပူးပေါင်းရင်းမြစ်များ

ISAÏAH 10:15

Hynrei U Trai u ong, “Hato u sdie un kam ba u kham khraw ban ïa uta uba pyndonkam ïa u? Hato ka kurat ka long kaba kham donkam ban ïa uta uba tar da ka? U dieng tangon um rah ïa u briew; u briew u rah ïa u dieng tangon.”

ISAÏAH 10:5

U Trai u ong, “Ko Assyria! Nga pyndonkam ïa ka Assyria kum u dieng tangon ban pynshitom ïa kito kiba nga bitar.

ISAÏAH 13:5

Ki ïawan na ki ri kiba jngai bah ha kiba kut ka pyrthei. Ha ka jingbitar jong u, U Trai u wan ban pynjot ïa ka ri baroh kawei.

ISAÏAH 37:26

“Hato mem pat ju ïohsngew ba nga la thmu ïa kane baroh slem mynshuwa? Bad mynta nga pynurlong ïa ka. Nga ai ha me ka bor ban pynkylla ïa ki nongbah ba la ker kynroh sha ki kynton theh ñiut.

ISAÏAH 45:1

U Trai u la jied ïa u Syros ban long syiem! U la jied ïa u ban jop ïa ki jaitbynriew; u phah ïa u ban sloit ïa ki syiem na ka bor jong ki; U Trai un plie ïa ki khyrdop jong ki nongbah na ka bynta jong u. Ha u Syros U Trai u ong,

ISAÏAH 8:9

To ïalumlang ha ka jingsheptieng, phi ki jaitbynriew! To shahshkor, phi ki bynta ba sha jngai jong ka pyrthei. Pynkhreh ban ïaleh, hynrei to sheptieng! Ho-oid to pynkhreh, hynrei to sheptieng!

JEREMAÏAH 25:11

Ka ri baroh kawei kan sa shah iehnoh ha ka jingjot bad ka jinglong ba sngewkyndit, bad ki jaitbynriew ba-marjan kin shakri ïa u syiem ka Babilonia hynñiewphew snem.

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 50:23

Ka Babilonia ka la tied tyrnem ïa ka pyrthei baroh kawei lyngkhot lyngkhai, bad mynta uta u tyrnem u khynñiuh! Ki jaitbynriew baroh ki kyndit halor kaei kaba la jia ïa kata ka ri.

ESEKIEL 21:11

Ïa ka waitlam la nang pynphyrnai, ba kan long kaba la pynkhreh ban pyndonkam. La pynnep bad pynphyrnai, ban buh ha ki kti u nongpynïap.

ESEKIEL 21:31

Phin mad ïa ka jingbitar jong nga haba nga phai jar jar ha phi kum ka ding baklang. Bad ngan aiti ïa phi ha ki briew bashyrkhei, kiba tbit ha ka ban pynjot.

MIKAH 4:12

Hynrei kine ki jaitbynriew kim tip ïa kaei kaba U Trai u don ha ka jingmut jong u. Kim sngewthuh ba la lumlang ïa ki ban shah pynshitom ha kajuh ka rukom ba wanrah ïa u kew ban shoh.

MIKAH 4:13

U Trai u ong, “Ko ki briew ka Jerusalem, to leit bad pynshitom ïa ki nongshun jong phi! Ngan pynlong ïa phi kiba khlaiñ kum u masi kyrtong uba don ki reng nar bad ki kjat rnong. Phin pynlwet ïa ki jaitbynriew ba bun, bad ïa ka spah kaba ki la ïoh da ka jingleh jubor phin ai sngewbha ïa nga, U Trai jong ka pyrthei baroh kawei.”

NAHUM 2:1

Ko Ninebeh, pha don ha ka jingshah tur ïaleh! Ka bor ka ban kynther ïa pha ka la wan. To buh briew ha ki jingïada! To phira ïa ka lynti bah! To pynkhreh ïa ka thma!

SEKHARAÏAH 10:4

Napdeng jong ki, kin wan ki nongsynshar, ki nongïalam, bad ki rangbah ai hukum ki ban synshar ïa ki briew jong nga.

MATHAÏOS 22:7

U syiem u la bitar tyngeh; kumta u la phah ïa ki shipai jong u, kiba la pynïap ïa kito ki nongpynïap briew bad ki la thang duh ïa ka nongbah jong ki.