JEREMAÏAH 51:2 - Khasi CL Bible (BSI)

² Ngan phah ïa ki nongwei ban pynjot ïa ka Babilonia kum ka lyer kaba pynher noh ïa u phlangïap. Haba kata ka sngi jong ka jingpynjot ka wan, kin tur ïaleh na baroh sawdong bad kin ieh syllen ïa ka ri.

KA BAIBL

² Bad ngan phah ïa ki nongwei sha Babilon, ki ban peh ïa ka; bad kin pynsuda ïa ka ri jong ka: naba ha ka sngi ka jingjynjar kin long pyrshah ïa ka baroh sawdong.

JEREMAÏAH 51:2 ပူးပေါင်းရင်းမြစ်များ

ISAÏAH 41:16

Men kynting ïa ki ha ka lyer; ka lyer kaba jur kan kit lut ïa ki, bad yn pynsaphriang ïa ki da ka 'erïong. Te men sa kmen namar nga long U Blei jong me; men ïaroh ïa nga, U Blei bakhuid ki Israel.

ISAÏAH 43:14

U Blei uba khuid ki Israel, U Trai uba pynim ïa phi u ong, “Ban pynim ïa phi, ngan phah ïa ka kynhun shipai pyrshah ïa ka Babilon; ngan pynpait ïa ki khyrdop ka nongbah, bad ki jingrisa jong ki briew jong ka kin kylla jingïam.

JEREMAÏAH 15:7

Ha kawei pa kawei ka shnong ha ka ri nga la kynting ïa phi sha ka lyer kum ïa u phlangïap. Nga la pynjot ïa phi, ki briew jong nga, nga la pynïap ïa ki khun jong phi namar phim shym sangeh ïa ki rukom basniew jong phi.

JEREMAÏAH 50:29

“To ong ïa ki nongsiatkhnam ban tur ïaleh ïa ka Babilon. Phah ïa baroh kiba nang ban pyndonkam ïa ka ryntieh bad ïa u khnam. Kerkut ïa ka nongbah bad wat ai ba yn don ba lait phet. Siew kylliang pat ïa kiei kiei baroh ba ka la leh, bad leh ïa ka kumba ka la leh ïa kiwei, namar ba ka la leh da ka jingsarong pyrshah ïa nga, U Bakhuid ki Israel.

JEREMAÏAH 50:32

Ka hima basarong jong pha kan jynthut bad kyllon, bad yn ym don ban ïarap ban khyllie ïa pha. Ngan thang ïa ki nongbah da ka ding, bad kiei kiei baroh sawdong yn pynjot.”

ESEKIEL 5:12

Shi bynta na ka lai bynta jong ki briew jong pha kin ïap na ka jingpang bad jingthngan ha ka nongbah; shi bynta pat kin ïap da ka waitlam shabar ka nongbah; bad ïa ka shi bynta kaba dang sah ngan pynsakma sha ki sawlyer, bad ngan beh ïa ki nadien da ka waitlam.

MATHAÏOS 3:12

U don la ka byrsha pynher stait ban shoh ïa u kew baroh. Un lumlang ïa u kew ha ka thiar jong u, hynrei un thang ïa u stait ha ka ding ka bym ju lip.”