JEREMAÏAH 51:12 - Khasi CL Bible (BSI)

¹² Ai ïa ka dak ban tur ïaleh ïa ki kynroh jong ka Babilon. Pynkhlaiñ ïa ki nongap! Buh ïa ki nongap phira! Buh ïa ki rangbah ban apthap!” U Trai u la leh ïa kaei kaba u la ong ban un leh ïa ki briew jong ka Babilonia.

KA BAIBL

¹² “ ‘To pynïeng ïa ka lama pyrshah ïa ki kynroh ka Babilon, pynkhlaiñ ïa ka jingap, buh ïa ki nongap, to khreh ïa ki ban ker kdong: naba U Trai u la thmu, u la leh ruh ïa kaba u la kren shaphang kiba shong ha Babilon.’

JEREMAÏAH 51:12 ပူးပေါင်းရင်းမြစ်များ

PROBERB 21:30

Ka jingstad briew, ka jingproh jabieng, ka jingsngewthuh — kim lah ïarap ei ei lada U Trai u long pyrshah ïa phi.

ISAÏAH 11:12

U Trai un kyntiew ïa ka lama ai dak ban pyn-i ïa ki jaitbynriew ba u lumlang sa shisien ïa ki briew jong ka Israel bad Judah kiba la shah pynsaphriang bad u wallam pat ïa ki na ki sawdong jong ka pyrthei.

ISAÏAH 13:2

Halor u lum uba syllen to pynïeng ïa ka lama thma! To pyrta ïa ki shipai bad rah ïa ka kti jong me kum ka dak ïa ki ban tur ïaleh ïa ki khyrdop jong ka nongbah kaba sarong.

JEREMAÏAH 23:20

bad kan ym kut haduh ba un da leh ïa baroh kaba U thmu ban leh. Ha ki sngi ki ban wan ki briew jong U kin sa sngewthuh shai ïa kane.”

JEREMAÏAH 4:28

Ka pyrthei kan ïam sngewsih; ka sahit bneng kan sdang dum. U Trai u la kren bad un ym kylla ïa ka jingmut jong u. U la pynlong ïa ka jingrai jong u bad un ym kylla dien.

JEREMAÏAH 50:2

“Ïathuh ïa ka khubor sha ki jaitbynriew! Pynbna ïa ka! Ai ka dak bad pynbna ïa ka khubor! Wat buhrieh ïa ka! Ka Babilon ka la kyllon! U Marduk u blei jong ka u la khynñiuh! Ïa ki bleithaw jong Babilon la buh ha ka jinglehrain, ïa ki dur ba-ijli jong ka la pynlwet!

JEREMAÏAH 50:25

Nga la plie ïa ka jaka ha kaba la buh ïa ki atiar jong nga, bad ha ka jingbitar nga la shim noh ïa ki, namar ma nga, U Trai Nongsynshar Badonbor Baroh, nga don ka kam ban leh ha Babilonia.

JEREMAÏAH 51:11

U Trai u la pynkhih ïa ki syiem jong ka Media, namar u thmu ban pynjot ïa ka Babilonia. Dei da kumta un siew kylliang namar ka jingpynjot ïa ka Templ jong u. Ki rangbah ai hukum ban tur ïaleh, ki hukum, “Pynnep ïa ki khnam jong phi! Pynkhreh ïa ki stieh jong phi!

JEREMAÏAH 51:27

“To ai ïa ka dak ban tur ïaleh! Put ïa ka turoi khnang ba ki jaitbynriew kin ïohsngew! Pynkhreh ïa ki jaitbynriew na ka bynta ka thma pyrshah ïa ka Babilonia! Ong ïa ki hima Ararat, Minni, bad Ashkenas ban tur ïaleh. Thung ïa u rangbah pynïaidkam ban ïalam ïa ka jingtur ïaleh. Wallam ïa ki kulai kum ka kynhun ki puit.

JEREMAÏAH 51:29

Ka khyndew ka kyiuh bad ka khynñiuh namar ba U Trai u pyndep ïa ka jingthmu jong u ban pynlong ïa ka Babilonia ka ri shyiap, ha kaba yn ym don mano mano ban shong ban sah.

SNGEWSYNEI 2:17

U Trai u la pyndep khoit ïa kaei kaba u la byrngem ban leh: U la pynjot ïa ngi khlem jingisynei, kumba u la maham ïa ngi la slem bah. U la ai ka jingjop ha ki nongshun jong ngi, u la ai ha ki ka jingkmen ha ka jingkyllon jong ngi.

JOEL 3:2

Ngan lumlang ïa baroh ki jaitbynriew bad wallam ïa ki sha ka Them jong ka Jingbishar. Hangta ngan bishar ïa ki na ka bynta baroh kaba ki la leh ïa ki briew jong nga. Ki la pynsakma ïa ki Israel sha ki ri nongwei bad ki la phiah ïa ka Israel, ka ri jong nga.

NAHUM 2:1

Ko Ninebeh, pha don ha ka jingshah tur ïaleh! Ka bor ka ban kynther ïa pha ka la wan. To buh briew ha ki jingïada! To phira ïa ka lynti bah! To pynkhreh ïa ka thma!

JOSHUA 8:14

Haba u syiem jong ka Ai u ïohi ïa ki rangbah jong u Joshua, u pynstet ban leit ïaleh. Ma u bad ki rangbah jong u baroh ki la mih sha ka phang ka Them Jordan ban ïaleh ïa ki Israel ha kajuh ka jaka kum mynshuwa, khlem da tip ba un shah tur ïaleh na shadien.