JEREMAÏAH 51:11 - Khasi CL Bible (BSI)

¹¹ U Trai u la pynkhih ïa ki syiem jong ka Media, namar u thmu ban pynjot ïa ka Babilonia. Dei da kumta un siew kylliang namar ka jingpynjot ïa ka Templ jong u. Ki rangbah ai hukum ban tur ïaleh, ki hukum, “Pynnep ïa ki khnam jong phi! Pynkhreh ïa ki stieh jong phi!

KA BAIBL

¹¹ “ ‘To pynnep ïa ki khnam; bat skhem ïa ki stieh:’ “U Trai u la pynkhih ïa ka mynsiem jong ki syiem ki Mid; namar ka jingthmu jong u ka long ban ïaleh ïa ka Babilon, ban pynjot ïa ka: namar ka long ka jingpynhiar kput jong U Trai, ka jingpynhiar kput ka templ jong u keiñ.

JEREMAÏAH 51:11 ပူးပေါင်းရင်းမြစ်များ

1 SYIEM 11:14

Kumta U Trai u la pynjia ba u Hadad, na ka longïing syiem jong u Edom, ban phai pyrshah ïa u Solomon.

1 SYIEM 11:23

U Blei u pynjia ruh ïa u Reson u khun jong u Eliada ban ïaleh pyrshah ïa u Solomon. U Reson, u la phet ïap na la u kynrad, u Hadadeser u syiem ka Sobah, bad u la long u nongïalam ïa kawei ka kynhun ki riewrunar.

1 KHRONIKL 5:26

Kumta U Blei u la pynlong ïa u Pul, u patsha ka Assyria (ïa uba la tip kum u Tiglath Pileser) ki la wan hiarthma ïa ka ri jong ki. U la pynryngkang par ïa ki jait Reuben, Gad, bad Manasseh ba sha Mihngi bad u la pynshongduh ïa ki junom ha Halah, Habor bad hajan ka Wah Gosan.

2 KHRONIKL 36:22

Ha ka snem kaba nyngkong ba u Syros ka ri Persia u long u patsha. U Trai u pynlong ïa kaei kaba u la ong lyngba u nongïathuhlypa Jeremaïah ban urlong shisha. U pynsngew ha u Syros ban pynmih ïa ka hukum harum bad ban phah ha ka jingthoh ïa ka ban pule jam ha kylleng ka hima jong u:

ESRA 1:1

Ha snem kaba nyngkong ba u Syros u long u patsha jong ka Persia, U Trai u la pynlong ïa kaei kaba u la ong lyngba u nongïathuhlypa Jeremaïah ba kan long shisha. U la pynkhih ïa u Syros ban pynmih ïa kane ka hukum bad phah ïa ka ha ka jingthoh ban pule jam ha baroh sawdong ka hima jong u:

ISAÏAH 10:26

Ma nga, U Trai Badonbor baroh, ngan sympat ïa ki da u shabuk jong nga kumba nga la sympat ïa ki briew jong ka Midian ha u Mawsiang Oreb. Ngan pynshitom ïa ka Assyria kumba nga la pynshitom ïa ka Ijipt.

ISAÏAH 21:2

Nga la ïohi ka jingïohipaw jong ki jingjia ba-ishyrkhei, ka jingïohipaw ïa ka jingshetkylla bad ka jingpynjot. Ko kynhun shipai jong ka Elam, to tur ïaleh! Ko kynhun shipai jong ka Media, to kerkut ïa ki nongbah! U Blei un pynkut ïa ka jingshitom kaba la wanrah da ka Babilon.

ISAÏAH 21:5

Ha ka jingïohipaw la dep khreh ïa ka jingkhawai; ïa ki jaiñ rben la siang na ka bynta kiba shah khot sngewbha ba kin shong. Ki da ïabam bad ïadih. Kynsan la sawa ka hukum: “Ko rangbah shipai! Pynkhreh ïa ki stieh jong phi!”

ISAÏAH 41:25

“Nga la jied ïa u briew uba shong basah shaphang mihngi; ngan wallam ïa u ban tur ïaleh na shaphang shatei. Un ïuh halor ki nongsynshar la kumba dei ka ktieh, kum u nongthaw khiew uba ïuh ïa ka dewbyrtha.

ISAÏAH 45:1

U Trai u la jied ïa u Syros ban long syiem! U la jied ïa u ban jop ïa ki jaitbynriew; u phah ïa u ban sloit ïa ki syiem na ka bor jong ki; U Trai un plie ïa ki khyrdop jong ki nongbah na ka bynta jong u. Ha u Syros U Trai u ong,

ISAÏAH 45:5

“Nga long U Trai; ym don uwei pat U Blei, ngan ai ïa me ka jingkhlaiñ ba me donkam, wat la mem shym la ithuh ïa nga.

ISAÏAH 46:11

Nga khot ïa u briew ban wan na sha mihngi; un suh wia sha tbian kum u kbeit bad pyndep ïa kaei kaba nga la thmu. Nga la kren, bad ngan leh ïa ka.

JEREMAÏAH 46:3

“Ki rangbah shipai ka Ijipt ki pyrta, ‘Pynkhreh ïa ki stieh jong phi bad tur sha ka thma!

JEREMAÏAH 46:4

Teh jin ha ki kulai jong phi bad shong halor jong ki! Ïeng ryntih bad phong ïa ki jingda khlieh jong phi! Pynnep ïa ki sum jong phi! Kieng ïa ka atiar jong phi!’

JEREMAÏAH 46:9

Hukum ïa ki kulai ban leit bad ïa ki kali ïapom ban tyllun! To phah noh ïa ki shipai: ki rangbah na Sudan bad Lydia, kiba rah ïa ki stieh bad ki nongsiatkhnam batbit na Lydia.’ ”

JEREMAÏAH 50:25

Nga la plie ïa ka jaka ha kaba la buh ïa ki atiar jong nga, bad ha ka jingbitar nga la shim noh ïa ki, namar ma nga, U Trai Nongsynshar Badonbor Baroh, nga don ka kam ban leh ha Babilonia.

JEREMAÏAH 50:3

“Ka jaitbynriew na shatei ka la wan ban tur ïaleh ïa ka Babilonia bad yn pynlong ri shyiap ïa ka. Ki briew bad ki mrad kin phet krad noh, bad yn ym don bashong ba sah hangta.”

JEREMAÏAH 50:45

Kumta to shahshkor ïa ka jingthmu kaba nga la don pyrshah ïa ka nongbah Babilon bad ïa kaei kaba nga thmu ban leh ïa ki briew jong ka. Wat ïa ki khynnah yn paring ïa ki, bad baroh kin sngewtriem.

JEREMAÏAH 50:9

Ngan pynkhih ïa ka kynhun ki hima kiba khlaiñ shaphang shatei bad pynlong ïa ki ban tur ïaleh ïa ka Babilonia. Kin ïeng ryntih ban ïaleh thma pyrshah ïa ka ri bad ban jop ïa ka. Ki long ki nongbeh mrad batbit, kiba siat khnam bym ju lait na ka sohpdung.

JEREMAÏAH 51:12

Ai ïa ka dak ban tur ïaleh ïa ki kynroh jong ka Babilon. Pynkhlaiñ ïa ki nongap! Buh ïa ki nongap phira! Buh ïa ki rangbah ban apthap!” U Trai u la leh ïa kaei kaba u la ong ban un leh ïa ki briew jong ka Babilonia.

JEREMAÏAH 51:24

U Trai u ong, “Phin ïohi ïa nga ba nga siew kylliang ïa ka Babilonia bad ïa ki briew jong ka na ka bynta ka jingsniew baroh kaba ki la leh ïa ka Jerusalem.

JEREMAÏAH 51:35

To ai ba ki briew ka Seïon kin ong, “To ai ba ka Babilonia kan kitkhlieh na ka bynta ka jinglehbor halor jong ngi!” To ai ba ki briew ka Jerusalem kin ong, “To ai ba ka Babilonia kan kitkhlieh na ka bynta kaei kaba ngi la shahshitom!”

JEREMAÏAH 51:36

Bad U Trai u la ong ïa ki briew ka Jerusalem, “Ngan shimti na ka bynta jong phi bad ngan pynlong ïa ki nongshun jong phi ba kin hap siew ïa kaei kaba ki la leh ïa phi. Ngan pynrngad ïa ki tyllong um jong ka Babilonia bad ngan pynlong ïa ki wah jong ka ban tyrkhong.

DANIEL 5:30

Ha kata kajuh ka miet ïa u Belshassar, u syiem ka Babilonia, la pynïap;

JOEL 3:10

Shoh tyrnem ïa kiba nep jong ki lyngkor jong phi ban pynlong waitlam bad ïa ki wait ngor tnat dieng ban pynlong sum. Wat kiba tlot ki dei ban ïaleh thma.

JOEL 3:9

“Pynlong ïa kane ka jingpynbna hapdeng ki jaitbynriew: ‘To Pynkhreh na ka bynta ka thma; khot ïa ki nongïaleh thma; ïalumlang ïa ki shipai bad tur shaphrang!

LEBITIKOS 26:25

Ngan pynkhie da ka thma ban pynshitom ïa phi namar ka jingpynkheiñ jutang jong phi, bad lada phi wad jingïada da kaba ïalumlang ha la ki shnong, ngan phah ïa ki jingpang bym lah pynkhiah hapdeng jong phi bad phin hap pyndem ha ki nongshun jong phi.

SEKHARAÏAH 14:12

U Trai un wallam ka jingpang bashyrkhei halor ki jaitbynriew baroh kiba ïaleh thma ïa ka Jerusalem. Ka doh jong ki kan pyut noh katba ki dang im; ki khmat bad ki thylliej jong ki kin pyut noh.

SEKHARAÏAH 14:2

U Trai un wallam lang ïa baroh ki jaitbynriew ban ïaleh thma ïa ka Jerusalem. Ïa ka nongbah yn sa shim noh, ïa ki ïing la lute, bad ïa ki kynthei la batbor. Shiteng na ki briew kin leit sha ka jingshah ringmraw, hynrei ïa kiba sah na ki yn ym shim noh na ka nongbah.