JEREMAÏAH 51:10 - Khasi CL Bible (BSI)

¹⁰ U Trai u ong, “Ki briew jong nga ki pyrta, ‘U Trai u la pyn-i ba ngi la leh ïa kaba dei. Ïa ngin ïaleit bad ïathuh ïa ki briew jong ka Jerusalem ïa kaei kaba U Trai U Blei jong ngi u la leh.’ ”

KA BAIBL

¹⁰ ‘U Trai u la pynmih noh ïa ka hok jong ngi: ale, to ngin ïa-pynbna ha Seïon ïa ka kam U Trai U Blei jong ngi.’

JEREMAÏAH 51:10 ပူးပေါင်းရင်းမြစ်များ

SALM 118:17

Ngan ym ïap; hynrei ngan im bad ngan pynbna ïa kaei kaba U Trai u la leh.

SALM 37:6

Un pynlong ïa ka hok jong phi ban tyngshaiñ kum ka sngi ha ka por shiteng sngi.

SALM 64:9

Ki baroh kin sheptieng; kin pyrkhat shaphang kaei kaba U Blei u la leh, bad kin ïathuh shaphang ki kam jong u.

SALM 66:16

To wan bad to shahshkor, phi baroh kiba pyndonburom ïa U Blei, bad ngan ïathuh ïa phi ïa kaei kaba u la leh namar jong nga.

SALM 9:14

ba nga lah ban ïeng ha khmat ki briew ka Jerusalem bad ïathuh ha ki ïa kiei kiei baroh kaba na ka bynta jong ki nga ïaroh ïa me. Ngan shadkmen namar me la pynim ïa nga.

ISAÏAH 24:14

Kito kiba lait im kin rwai da ka jingkmen. Kito kiba don ha sepngi kin ïathuh katno ba U Trai u long uba khraw,

ISAÏAH 40:2

To pynshlur ïa ki briew ka Jerusalem. To ïathuh ha ki ba ki la jynjar slem bha bad ïa ki pop jong ki la map mynta. Nga la pynshitom ïa ki la biang bha na ka bynta ki pop jong ki baroh.”

ISAÏAH 51:11

Kito kiba me la pyllait im kin ïoh poi ha Jerusalem da ka jingkmen, da kaba rwai bad risa da ka jingkmen. Kin long kiba kmen junom, junom kiba laitluid na ka jingsngewsih bad jingkthang mynsiem.

JEREMAÏAH 50:28

(Ki nongphetwir ki la lait phet na Babilonia bad wan sha Jerusalem, bad ki ïathuh kumno U Trai U Blei jong ngi u siew kylliang na ka bynta kaei kaba ki nong Babilonia ki la leh ïa ka Templ jong u.)

JEREMAÏAH 50:45

Kumta to shahshkor ïa ka jingthmu kaba nga la don pyrshah ïa ka nongbah Babilon bad ïa kaei kaba nga thmu ban leh ïa ki briew jong ka. Wat ïa ki khynnah yn paring ïa ki, bad baroh kin sngewtriem.