JEREMAÏAH 50:9 - Khasi CL Bible (BSI)

⁹ Ngan pynkhih ïa ka kynhun ki hima kiba khlaiñ shaphang shatei bad pynlong ïa ki ban tur ïaleh ïa ka Babilonia. Kin ïeng ryntih ban ïaleh thma pyrshah ïa ka ri bad ban jop ïa ka. Ki long ki nongbeh mrad batbit, kiba siat khnam bym ju lait na ka sohpdung.

KA BAIBL

⁹ Naba ha khmih, ngan pynkhie bad ngan ïalam artet ban ïaleh ïa ka Babilon ïa ka jingïalang ki jaid bynriew kiba khraw na ka ri shatei: bad kin buh riang ïa lade ban ïaleh ïa ka; nangta yn sa jop ïa ka: ki khnam jong ki kin long kum ki jong u riewkhlaiñ uba nang; ym don u ban wan phai lehnohei.

JEREMAÏAH 50:9 ပူးပေါင်းရင်းမြစ်များ

2 SAMUEL 1:22

Ka ryntieh u Jonathan ka long kaba shyrkhei Ka waitlam u Saul ka long ka bym don jingisynei, Ka pynkhyllem ïa kiba khlaiñbor, ka da pynïap ïa ki nongshun.

JINGRWAI SOLOMON 3:8

Baroh ki long kiba tbit bha ha ka waitlam; ki la long ki nongïaleh thma ba satar. Ïa uwei pa uwei na ki la pynkieng atiar da ka waitlam, ba la pynkhreh na ka bynta ka jingshah tur ïaleh ha ka por mynmiet.

ISAÏAH 21:2

Nga la ïohi ka jingïohipaw jong ki jingjia ba-ishyrkhei, ka jingïohipaw ïa ka jingshetkylla bad ka jingpynjot. Ko kynhun shipai jong ka Elam, to tur ïaleh! Ko kynhun shipai jong ka Media, to kerkut ïa ki nongbah! U Blei un pynkut ïa ka jingshitom kaba la wanrah da ka Babilon.

ISAÏAH 41:25

“Nga la jied ïa u briew uba shong basah shaphang mihngi; ngan wallam ïa u ban tur ïaleh na shaphang shatei. Un ïuh halor ki nongsynshar la kumba dei ka ktieh, kum u nongthaw khiew uba ïuh ïa ka dewbyrtha.

JEREMAÏAH 15:14

Ngan pynlong ïa ki ban shakri ïa ki nongshun jong ki ha ka ri kaba kim don jingtip ei ei, namar ka jingbitar jong nga ka long kum ka ding, ban kan pluh junom.”

JEREMAÏAH 25:14

Ngan sa siew pat ïa ki Babilonia ïa kaei kaba ki la leh, bad shibun ki ri bad ki syiem kiba khraw kin pynlong mraw ïa ki.’ ”

JEREMAÏAH 50:14

“Ko nongsiatkhnam, to ïeng ryntih na ka bynta ka thma pyrshah ïa ka Babilon bad kerkut ïa ka. To siat ïa ki khnam jong phi baroh ïa ka Babilon, namar ka la leh pop pyrshah ïa nga, U Trai.

JEREMAÏAH 50:21

U Trai u ong, “Tur ïaleh ïa ki briew jong ka Merathaim bad jong ka Pekod. Pynïap bad pynjot ïa ki. Leh ïa kiei kiei baroh ïa kiba nga hukum ïa phi. Ma nga, U Trai, nga la kren.

JEREMAÏAH 50:26

To tur ïaleh ïa ka na ki liang baroh bad pynpra phom ïa ki jaka ha kaba la buh ïa u kew! Kynton ïa ki jinglute kum ki kynton kew! Pynjot ïa ka ri! Wat ieh ei ei ruh!

JEREMAÏAH 50:29

“To ong ïa ki nongsiatkhnam ban tur ïaleh ïa ka Babilon. Phah ïa baroh kiba nang ban pyndonkam ïa ka ryntieh bad ïa u khnam. Kerkut ïa ka nongbah bad wat ai ba yn don ba lait phet. Siew kylliang pat ïa kiei kiei baroh ba ka la leh, bad leh ïa ka kumba ka la leh ïa kiwei, namar ba ka la leh da ka jingsarong pyrshah ïa nga, U Bakhuid ki Israel.

JEREMAÏAH 50:3

“Ka jaitbynriew na shatei ka la wan ban tur ïaleh ïa ka Babilonia bad yn pynlong ri shyiap ïa ka. Ki briew bad ki mrad kin phet krad noh, bad yn ym don bashong ba sah hangta.”

JEREMAÏAH 51:11

U Trai u la pynkhih ïa ki syiem jong ka Media, namar u thmu ban pynjot ïa ka Babilonia. Dei da kumta un siew kylliang namar ka jingpynjot ïa ka Templ jong u. Ki rangbah ai hukum ban tur ïaleh, ki hukum, “Pynnep ïa ki khnam jong phi! Pynkhreh ïa ki stieh jong phi!