JEREMAÏAH 50:6 - Khasi CL Bible (BSI)

⁶ “Ki briew jong nga ki long kum ki langbrot kiba ki nongap langbrot ki la shah ba kin jah noh ha ki lumbah. Ki la sakma kum ka langbrot na uwei u lum sha uwei pat, bad ki la klet hangno ka ïing jong ki ka don.

KA BAIBL

⁶ “Ki briew jong nga ki la long ki langbrot ba la jah noh: ki nongaplangbrot jong ki, ki la pynsakma ïa ki, ki la pyllait lyngkar ïa ki ha ki lum: ki la leit na u lum bah sha u lum rit, ki la klet ïa la ka jaka dem.

JEREMAÏAH 50:6 ပူးပေါင်းရင်းမြစ်များ

SALM 116:7

To sngewskhem, ko mynsiem jong nga, namar U Trai u la lehbha ïa nga.

SALM 119:176

Nga ïaid sakma kum ka langbrot kaba la jah noh, kumta to wan bad wad ïa nga, u shakri jong me, namar ngam shym leh klet ïa ki aiñ jong me.

SALM 23:2

U shah ba ngan shong jahthait ha ki madan phlang bajyrngam bad u ïalam ïa nga sha ki pung-um basngur kiba jai jai.

SALM 32:7

Me long ka jakarieh jong nga; men pyllait im ïa nga na ka jingjynjar; nga rwai jam ïa ka jingpynim jong me, namar ba me ïada ïa nga.

SALM 90:1

A Trai, me la ju long ka jaka shong jong ngi.

SALM 91:1

Uno uno uba leit sha U Trai ban ïoh jingïada, uno uno uba ïaisah hapoh ka jingkah jong U Badonbor Baroh,

ISAÏAH 1:3

Ki jingri ki tip mano ba long trai ïa ki, bad ki kada ki tip hangno u kynrad jong ki u bsa ïa ki. Hynrei kata ka kham bun ban ïa kaba ki briew jong nga ki Israel ki tip. Kim shemphang ei ei.”

ISAÏAH 30:15

U Trai Nongsynshar, U Blei Bakhuid ki Israel, u ong ha ki briew, “Phai noh bad to shaniah jar jar ha nga. Te phin long khlaiñ bad skhem.” Hynrei phi kyntait ban leh ïa kata!

ISAÏAH 32:2

Uwei pa uwei na ki un long kum ka jingkah na ka lyer bad ka jaka ban rieh na ki 'erïong. Kin long kum ki wahduid kiba tuid ha ka ri shyiap, kum ka jingkah syrngiew u mawsiang bah ha ka ri shrah.

ISAÏAH 53:6

Ngi baroh ngi la long kum ki langbrot ba la sakma, uwei pa uwei na ngi u leit ha la ka jong ka lynti. Hynrei U Trai u la pynlong ba ka jingpynshitom kan hap halor jong u, ka jingpynshitom kaba baroh ngi dei hok ban ïoh.

JEREMAÏAH 10:21

Nga la jubab, “Ki nongïalam jong ngi ki long kiba mutlop; kim shym kyrpad ïa U Trai ban ïoh jingïalam. Dei kane keiñ balei ba ki shahjop, bad ki briew jong ngi ki la shah pynsakma.

JEREMAÏAH 13:16

To pyndonburom ïa U Trai, U Blei jong phi, ha shuwa ba un wallam ïa ka jingdum, bad ba phi jynthut halor ki lumbah; ha shuwa ba un pynkylla sha ka jingdum synñia ïa ka jingshai kaba phi la kyrmen.

JEREMAÏAH 2:20

U Trai Nongsynshar u ong, “Ko Israel, la slem bah me la kyntait ïa ka iktiar jong nga; me la kyntait ban kohnguh ïa nga bad mane ïa nga. Ha uwei pa uwei u lum bakynjang bad hapoh uwei pa uwei u dieng bajyrngam me la mane ïa ki blei ka jingkharoi.

JEREMAÏAH 2:32

Hato ka samla kan klet ïa ki jingdeng jong ka, lane ka nongleitkurim ïa ka jaiñ kyntiew kurim jong ka? Hynrei ki briew jong nga ki la klet ïa nga bun bun sngi ban ïa kaba lah ban ñiew.

JEREMAÏAH 23:1

Katno ka long kaba shyrkhei ka jingbishar U Trai ïa kita ki nongsynshar kiba pynjot bad pynsakma ïa ki briew jong u!

JEREMAÏAH 3:23

Ngim shym la ïoh jingïarap ei ei da ka jingmane jong ngi ka bym dei ïa me halor ki kliar lum. Ka jingïarap ïa ki Israel ka wan tang na U Trai U Blei jong ngi.

JEREMAÏAH 3:6

Mynba u Josaïah u long syiem, U Trai u la ong ha nga, “Hato me la ïohi ïa kaei ba ka Israel, kata ka kynthei bymïaineh, ka la leh? Ka la phai lyndet noh na nga, bad halor uwei pa uwei u lum bajrong bad hapoh uwei pa uwei u dieng bajyrngam, ka la leh kum ka nuti.

JEREMAÏAH 33:12

U Trai Badonbor Baroh u la ong, “Ha kane ka ri kaba long kum ka ri shyiap bad ha kaba ym don ki briew ne ki mrad kiba im hangta, yn sa don biang ki jaka phlang ha kiba ki nongaplangbrot kin wallam ïa ki langbrot jong ki.

JEREMAÏAH 50:17

U Trai u ong, “Ki paid Israel ki long kum ki langbrot, ba la shah beh bad pynsakma da ki sing. Nyngkong, la tur ïaleh da u patsha ka Assyria, bad nangta u Nebukhadnessar u syiem ka Babilonia u ktha ïa ki shyieng jong ki.

JEREMAÏAH 50:19

Ngan pynphai pat ïa ki paid Israel sha ka ri jong ki. Kin bam ïa ka jingbam kaba mih ha u lum Karmel bad ha ki phang ka Bashan, bad kin bam ïa baroh kaba ki kwah na ki jingthung kiba mih ha ki jaka jong ki Ephraim bad Gilead.

ESEKIEL 13:10

“Ki nongïathuhlypa ki ïalam bakla ïa ki briew jong nga da kaba ong ba baroh ka bit ka biang. Baroh kam long shisha kaba bit babiang! Ki briew jong nga ki la pynïeng ka kynroh ki maw bym skhem, bad nangta ki nongïathuhlypa ki la wan bad ki tap ïa ka da ka jingpushara lieh.

ESEKIEL 34:14

Ngan pynlong ïa ki ba kin bam phlang da ka jingsngewshngain ha ki jaka phlang u lumbah bad ki them bad ha ki jaka phlang bajyrngam jong ka ri Israel.

ESEKIEL 34:15

Nga hi da lade ngan long u nongaplangbrot ïa ki langbrot jong nga, bad ngan wad ka jaka shongthait ïa ki. Ma nga, U Trai Nongsynshar, nga la kren.

ESEKIEL 34:16

“Ngan wad ïa kito kiba la jah, ngan wallam pat ïa kito kiba la sakma, ngan sop spaiñ ïa kito kiba la mong, bad ngan pynkhiah ïa kito kiba pang, hynrei ïa kito kiba sngaid bad kiba khlaiñ ngan sa pynjot, namar nga long u nongaplangbrot uba leh ïa kaei kaba dei.

MATHAÏOS 10:6

Pynban, phi dei ban leit sha ki langbrot kiba la jah noh jong ki paid Israel.

MATHAÏOS 15:24

Nangta U Jisu u la jubab, “Ïa nga la phah tang sha ki langbrot ba la jah noh jong ki paid Israel.”

MATHAÏOS 9:36

Haba u la ïohi ïa ki paidbah, la pyndap ïa ka dohnud jong u da ka jingsngewsynei na ka bynta jong ki, namar ki la khuslai bad kim lah ban leh ei ei, kum ki langbrot khlem u nongsharai.

1 PETROS 2:25

Phi la ju long kum ki langbrot kiba la jah lynti, hynrei mynta la wallam pat ban bud ïa U Nongaplangbrot bad Nongsharai ïa ki mynsiem jong phi.