JEREMAÏAH 50:5 - Khasi CL Bible (BSI)

⁵ Kin kylli ïa ka lynti sha Seïon bad nangta kin leit ha kata ka phang. Kin pynlong ka jutang baïaineh bad nga bad da lei lei kin ym pynkheiñ ïa ka.

KA BAIBL

⁵ Kin ïakylli shaphang ka Seïon bad la ki khmat shaphang shata, kin ong, ‘Ale phi, bad to pynïasoh ïa lade ha U Trai ha ka jutang kaba junom ïa ka ban ym klet shuh.’

JEREMAÏAH 50:5 ပူးပေါင်းရင်းမြစ်များ

JENESIS 17:7

“Ngan bat ïa la ka kular bad me bad ki khun ki ksiew jong me ha ki pateng ki ban dang wan ba kan long ka jutang kaba ïaineh junom. Ngan long U Blei jong me bad U Blei jong ki khun ki ksiew jong me.

2 SAMUEL 23:5

Bad kata ka long kumno ba U Blei un kyrkhu ïa ki khun ki ksiew jong nga namar u la pynlong bad nga ka jutang ka ban neh junom, ka jingïateh kular ka ban ym lah pynkheiñ ka jingkular ka ban ym kylla. Kata baroh ka dei kaba nga angnud; kata kan long ka jingjop jong nga, bad U Blei da kaba thikna un pynurlong ïa ka.

1 SYIEM 19:10

U jubab, “A Trai, U Blei Badonbor Baroh, nga la shakri ïa me borabor — tang ïa me hi. Hynrei ki paid Israel ki la pynkheiñ ïa ka jutang bad me, ki la pynpra ïa ki duwan jong me bad pynïap ïa baroh ki nongïathuhlypa jong me. Dei tang ma nga uba dang sah — bad ki la pyrshang ban pynïap ïa nga ruh!”

1 SYIEM 19:14

U jubab, “A Trai U Blei Badonbor Baroh, nga la shakri borabor ïa me — tang ïa me hi. Hynrei ki paid Israel ki la pynkheiñ ïa ka jutang bad me, ki la pynpra ïa ki duwan jong me bad pynïap ïa baroh ki nongïathuhlypa jong me. Dei tang ma nga uba dang sah — bad ki la pyrshang ban pynïap ïa nga ruh!”

SALM 84:7

Ki nang kham khlaiñ katba ki nang leit; kin sa ïohi ïa U Blei jong ki blei ha Seïon.

ISAÏAH 35:8

Kan long ka lynti bah hangta, ba la khot “Ka Lynti jong ka Jingkhuid.” Yn ym don nongpop u ban ïaid ha kata ka lynti; ym don ki riewbieit ki ban ïalam bakla ïa kito kiba bud ïa ka.

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

JEREMAÏAH 3:18

Ka Israel kan ïasoh bad ka Judah, bad ryngkat lang kin ïawan na ka jingshah ringmraw ha ka ri kaba shatei bad kin wan phai sha ka ri kaba nga la ai ha ki kpa tymmen jong phi kum ka jingdon jingem kaba neh.”

JEREMAÏAH 31:21

To pynïeng ki jingkdew lynti bad pruid dak ha ka surok; to wad biang ïa ka lynti kaba phi la iehnoh. To wan phai biang, ko phi ki paid Israel, to wan sha la ka ri, sha ki shnong kiba phi la iehnoh.

JEREMAÏAH 31:6

Ho-oid, ka por kan wan haba ki nongap kin khot ha ki lum ka Ephraim, ‘Ïa ngin ïaleit haduh Seïon, sha U Trai U Blei jong ngi.’ ”

JEREMAÏAH 32:40

Ngan pynlong ïa ka jutang bymjukut bad ki. Ngan ym sangeh lano lano ruh ban leh ïa kiei kiei kiba bha na ka bynta jong ki, bad ngan pynlong ïa ki ban tiengburom ïa nga da ka dohnud jong ki baroh, khnang ba kin ym phai dien shuh na nga.

JEREMAÏAH 6:16

U Trai u ong ha ki briew jong u, “To ïeng ha ka jaka ba ïashem ki lad bad to khmih. Kylli shaphang ki lynti ïaid kiba mynbarim bad hangno ka don ka surok babha tam. To ïaid ha ka, bad phin im ha ka jingsuk.” Hynrei ki ong, “Em, ngin ym leh!”

ESEKIEL 16:61

Phan kynmaw kumno pha la leh, bad sngewlehrain ïa ka haba pha ïoh pat ïa ka hynmen bad ka para jong pha. Ngan shah ïa ki ban long kum ki khun kynthei jong pha, wat la kane kam dei ka bynta jong ka jutang jong nga bad pha.

ESEKIEL 37:22

Ngan pyntylli ïa ki kum kawei ka jaitbynriew ha ka ri, halor ki lumbah ka Israel; kin don tang uwei u syiem u ban synshar halor jong ki, bad kin ym long shuh ka jingïaphiah ha ki ar ki jaitbynriew lane ïabynta ha ki ar tylli ki hima.

HOSIA 1:11

Ki briew ka Judah bad ki briew ka Israel kin ïasoh lang kawei sa shisien. Kin sa jied tang uwei u nongïalam na ka bynta jong ki, bad sa shisien pat kin sa manbha bad roi kyrhai ha la ka ri. Ho-oid, ka sngi jong ka Jesreel kan long ka sngi kaba khraw!

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

HOSIA 6:1

Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

ÏOANNIS 7:17

Uno uno uba mon ban leh ïa kaei kaba U Blei u kwah, un tip la kaei kaba nga hikai ka wan na U Blei ne la nga kren ha ka bor jong nga hi.

KI KAM 11:23

Haba u la poi bad u la ïohi kumno U Blei u la kyrkhu ïa ki briew, u la kmen bad u la kyntu ïa ki baroh ban ïaineh bad ban long kiba beit ha U Trai da ka dohnud jong ki baroh.

2 KORINTH 8:5

Ka la long palat ban ïa kaba ngi la khmih lynti! Nyngkong ki la aiti ïa lade ha U Trai; bad nangta, da ka mon U Blei ki la aiti ïa lade ha ngi ruh.