JEREMAÏAH 50:39 - Khasi CL Bible (BSI)

³⁹ “Bad kumta ka Babilon kan long kaba shongksuid bad ba don ki mynsiem bymman, bad ki sim bymkhuid. Ki briew kin ym shong shuh hangta lano lano ruh, lymne ha ki por baroh ki ban wan.

KA BAIBL

³⁹ “Namar kata, ki mrad khlaw ka ri shyiap lem bad ki suri kin shong hangta, bad ki ostrits kin shong ha ka; bad yn ym shong briew shuh ha ka ha la ka rta; lymne yn ym don ba shong shuh ha ka pateng la pateng bynriew.

JEREMAÏAH 50:39 ပူးပေါင်းရင်းမြစ်များ

ISAÏAH 14:23

Ngan pynkylla ïa ka Babilon sha ka ahor ktieh, bad ki dkhoh kin shong hangta. Ngan sar ïa ka Babilon da u synsar u ban sar lut khoit ïa kaei kaei baroh. Nga, U Trai Badonbor Baroh, nga la kren.”

JEREMAÏAH 25:12

Hadien kata ngan sa pynshitom ïa ka Babilonia bad ïa u syiem jong ka namar ka pop jong ki. Ngan pynjot ïa kata ka ri bad ngan iehnoh ha ka jingjot jingpra junom.

JEREMAÏAH 50:3

“Ka jaitbynriew na shatei ka la wan ban tur ïaleh ïa ka Babilonia bad yn pynlong ri shyiap ïa ka. Ki briew bad ki mrad kin phet krad noh, bad yn ym don bashong ba sah hangta.”

JEREMAÏAH 51:26

Yn ym don ki maw na ki jingjot jong pha ba yn pyndonkam pat na ka bynta ki jingtei. Phan long kum ka ri shyiap junom. Ma nga, U Trai, nga la kren.

JEREMAÏAH 51:43

Ki shnong ki la long kiba ishyrkhei ban peit bad ki long kum ka ri shyiap bym don um, ha kaba ym don ba sah lane wat ban ïaid nangta.

JINGPYNPAW 18:2

U la pyrta ha ka sur kaba jam: “Ka la kyllon! Ka Babilon Bakhraw ka la kyllon! Mynta ka la long ka jaka shong ki ksuid bad ki mynsiem bymkhuid; baroh ki jait sim kiba jakhlia bad kiba isaitmet ki shong ha ka.