JEREMAÏAH 50:34 - Khasi CL Bible (BSI)

³⁴ Hynrei uwei u ban pyllait ïa ki u long uba khlaiñ — ka kyrteng jong u ka long U Trai Badonbor Baroh. Ma u hi da lade un bahkhlieh na ka bynta jong ki bad un wallam ïa ka jingsuk ha ka pyrthei, hynrei ka jingjynjar ïa ki briew jong ka Babilonia.”

KA BAIBL

³⁴ U Nongpynim jong ki u long u bakhlaiñ; ‘U Trai ki paid’ long ka kyrteng jong u: un ïasaid lut ïa ka kam jong ki, ba un pynjahthait ïa ka khyndew, bad ba un pynkhih ïa kiba shong ha Babilon.

JEREMAÏAH 50:34 ပူးပေါင်းရင်းမြစ်များ

2 KHRONIKL 6:39

Na ka ïing jong me ha bneng, to sngew ïa ki bad isynei ïa ki bad map ïa baroh ki pop jong ki briew jong me.

Ka Kitab U Job 19:25

Hynrei nga tip ba don ha bneng u ban wan ha kaba khatduh ban pynksan ïa nga.

SALM 35:1

To ïeng pyrshah ïa kito kiba pyrshah ïa nga, A Trai, bad to ïeng ïaleh ïa kito kiba ïaleh pyrshah ïa nga!

SALM 43:1

A Blei, to pynbna ba nga long uba lui lui, bad ïasaid da ïa nga na ki bymriewblei; pyllait ïa nga na ki briew kiba shukor bad kiba sniew!

EKSODOS 6:6

Kumta ïathuh ïa ki Israel ba nga ong ha ki, ‘Nga long U Trai; ngan pyllait ïa phi bad pyllaitluid ïa phi na ka jinglongmraw jong phi ha ki nong Ijipt. Ngan rah ïa ka ksang'ti badonbor jong nga ban wallam ka jingpynshitom bashyrkhei halor jong ki, bad ngan pynim ïa phi.

PROBERB 22:23

U Trai un ïasaid ïa ka kam jong ki na ka bynta jong ki, bad un byrngem ïa ka jingim jong uno uno uba byrngem ïa ki.

PROBERB 23:11

U Trai u long u nongkyrshan uba donbor jong ki, bad un ïasaid ïa ka kam jong ki pyrshah ïa phi.

ISAÏAH 41:14

U Trai u ong, “Uba rit bad uba tlot kumba me long, ko Israel, wat sheptieng; ngan ïarap ïa me. Nga, U Blei uba khuid ki Israel, nga long uta uba pynim ïa me.

ISAÏAH 43:14

U Blei uba khuid ki Israel, U Trai uba pynim ïa phi u ong, “Ban pynim ïa phi, ngan phah ïa ka kynhun shipai pyrshah ïa ka Babilon; ngan pynpait ïa ki khyrdop ka nongbah, bad ki jingrisa jong ki briew jong ka kin kylla jingïam.

ISAÏAH 44:6

U Trai uba synshar bad uba ïada ïa ki Israel, U Trai Badonbor Baroh, u don ïa kane ban ong: “Nga long uba nyngkong, uba khatduh, tang ma nga hi U Blei; ym don uwei pat U Blei hynrei tang ma nga.

ISAÏAH 47:4

U Blei Bakhuid jong ki Israel u pyllaitluid ïa ngi — ka kyrteng jong u ka long U Trai Badonbor Baroh.

ISAÏAH 49:25

U Trai u jubab, “Kane ka long kata kaei ka ban sa jia. Ïa ki koidi jong u shipai yn ïalam noh, bad ïa ka jinglute jong u nongsynshar leh jubor yn bat noh. Ngan ïaleh pyrshah ïa uta uba ïaleh ïa pha, bad ngan pyllait ïa ki khun jong pha.

ISAÏAH 51:22

U Trai U Blei jong phi u ïada ïa phi bad u ong, “Nga shim noh ïa ka khuri kaba nga la ai ha phi ha ka jingbitar jong nga. Phin ym hap ban dih shuh ïa ka waiñ kaba pynlong ïa phi ban ïaid sheng sheng.

ISAÏAH 54:5

U Nongthaw jong pha un long kum u tnga ïa pha — U Trai Badonbor Baroh long ka kyrteng jong u. U Blei bakhuid jong ki Israel un pynim ïa pha — u long u nongsynshar jong ka pyrthei baroh.

JEREMAÏAH 10:16

U Blei jong u Jakob um long kum ma ki; u long uta uba thaw ïa kiei kiei baroh, bad u la jied ïa ki Israel ban long ki briew jong u hi. U Trai Badonbor Baroh long ka kyrteng jong u.

JEREMAÏAH 15:21

Ngan pyllait ïa me na ka bor jong ki rangbah bymman bad kiba leh jubor. Ma nga, U Trai, nga la kren.”

JEREMAÏAH 30:20

Ngan pynïoh pat ïa ka bor mynbarim jong ka jaitbynriew bad pynskhem biang ïa ka; ngan pynshitom ïa baroh kiba banbeiñ ïa ki.

JEREMAÏAH 31:11

Nga la pyllaitluid ïa ki paid Israel bad pynim ïa ki na ka hima bakhrawbor.

JEREMAÏAH 31:35

U Trai u pynbiang ïa ka sngi ban pynshai mynsngi, ïa u bnai bad ki khlur ban pynshai mynmiet. U pynkhih ïa ka duriaw bad pynlong ïa ka ban kyrhuh; ka kyrteng jong u ka long U Trai Badonbor Baroh.

JEREMAÏAH 32:18

Me la pyn-i ïa ka jingieit baneh sha ki hajar, hynrei me pynshitom ruh ïa ki briew na ka bynta ki pop ki kmie ki kpa jong ki. Me long U Blei bakhraw bad badonbor; me long U Trai Badonbor Baroh.

JEREMAÏAH 48:15

Ïa ka Moab bad ïa ki nongbah jong ka la pynjot, ïa ki samla shynrang bakynsai tam la pynïap. Nga long u syiem, U Trai Badonbor Baroh, bad nga la kren.

JEREMAÏAH 51:19

U Blei u Jakob um long kum ma ki; dei tang ma u uba la thaw ïa kiei kiei baroh, bad u la jied ïa ki Israel ban long ki briew jong u hi. U Trai Badonbor Baroh long ka kyrteng jong u.

JEREMAÏAH 51:36

Bad U Trai u la ong ïa ki briew ka Jerusalem, “Ngan shimti na ka bynta jong phi bad ngan pynlong ïa ki nongshun jong phi ba kin hap siew ïa kaei kaba ki la leh ïa phi. Ngan pynrngad ïa ki tyllong um jong ka Babilonia bad ngan pynlong ïa ki wah jong ka ban tyrkhong.

SNGEWSYNEI 3:58

“Me la wan ban pyllait ïa nga, A Trai, bad me la pyllait im ïa ka jingim jong nga.

JOEL 2:11

U Trai u kyrhuh ïa ki hukum sha ka kynhun shipai jong u. Ki shipai kiba kohnguh ïa u ki long shibun bad kiba khlaiñbor. Haduh katno ka long kaba shyrkhei ka sngi jong U Trai! Uei u ban lait im na ka?

MIKAH 4:10

To phai bad to ud, ko ki briew ka Jerusalem, kum ka briew ka ban sa kha khun, naba mynta phin sa hap ban ieh ïa ka nongbah bad ban im ha rudnong. Phi dei ban leit sha Babilon, hynrei hangta U Trai un pyllait ïa phi na ki nongshun jong phi.

MIKAH 7:9

Ngi la leh pop pyrshah ïa U Trai, te mynta ngi dei ban ïaishah ïa ka jingbitar jong u shipor. Hynrei ha kaba kut un ïada ïa ngi bad un pynbeit ïa ka bymdei kaba la leh ha ngi. Un wallam ïa ngi shabar sha ka jingshai; ngin im ban ïohi ba u pyllait im ïa ngi.

JINGPYNPAW 18:8

Namar kane, ha ka shi sngi yn sa shoh ïa ka da ki khlam — ka jingpang, ka jingsngewsih bad ka 'nemsniew. Bad yn thang ïa ka da ka ding, namar ba U Trai uba U Blei, uba bishar ïa ka, u long uba khlaiñbor.”