JEREMAÏAH 50:32 - Khasi CL Bible (BSI)

³² Ka hima basarong jong pha kan jynthut bad kyllon, bad yn ym don ban ïarap ban khyllie ïa pha. Ngan thang ïa ki nongbah da ka ding, bad kiei kiei baroh sawdong yn pynjot.”

KA BAIBL

³² Bad uta uba sarong un jynthut bad un kyllon, bad ym don u ban pynïeng ïa u: bad ngan pynmeh ding ha ki shnong jong u, bad kan bam duh ïa baroh kiba baroh sawdong ïa u.”

JEREMAÏAH 50:32 ပူးပေါင်းရင်းမြစ်များ

SALM 119:78

Ai ba kiba sarong kin lehrain, namar ki mudui lamler ïa nga; hynrei ma nga, ngan puson ïa ki jingbthah jong me.

PROBERB 16:18

Ka jingsarong ka ïalam sha ka jingjot, bad ka jingsngewmeng sha ka jingkyllon noh.

PROBERB 18:12

Ym don uno uno uba ïoh burom lymda u long uba sngewrit; ki briew kiba meng ki don ha ka lynti sha ka jingjot.

JEREMAÏAH 21:14

Hynrei ngan pynshitom ïa pha ïa kaei kaba pha la leh. Ngan thang ïa ka ïingsyiem jong pha da ka ding, bad kan bam duh ïa baroh kat kaba don sawdong jong ka. Ma nga, U Trai, nga la kren.”

JEREMAÏAH 49:27

Ngan pynpluh ïa ki kynroh jong ka Damaskos da ka ding bad yn thang khoit ïa ki ïingsyiem jong u syiem Benhadad. Ma nga, U Trai Badonbor Baroh, nga la kren.”

JEREMAÏAH 51:26

Yn ym don ki maw na ki jingjot jong pha ba yn pyndonkam pat na ka bynta ki jingtei. Phan long kum ka ri shyiap junom. Ma nga, U Trai, nga la kren.

JEREMAÏAH 51:64

‘Kane ka long kaei ka ban jia ïa ka Babilonia — kan ngam bad kan ym lah khie shuh, namar ka jingpynjot ba U Trai un wallam ha ka.’ ” Ki ktien jong u Jeremaïah ki kut hangne.

DANIEL 5:20

Hynrei namar ba u la long uba sarong, uba eh ryndang, bad uba runar, la weng noh ïa u na ka khet syiem bad u la duh noh ïa ka jaka badonburom jong u.

AMOS 1:10

Kumta ngan phah ka ding ha ki kynroh nongbah ka Tyros, bad kan thang duh ïa ki kut jong ka.”

AMOS 1:12

Kumta ngan phah ka ding ha nongbah Teman, bad kan thang duh ïa ki kut ka Bosrah.”

AMOS 1:14

Kumta ngan phah ka ding ha ki kynroh ka nongbah Rabbah, bad kan thang duh ïa ki kut jong ka. Te kan don ki jingkhynwin ha ka sngi ïaleh thma, bad ka jingïaleh kaba jur kum ka 'erlangthari.

AMOS 1:4

Kumta ngan phah ka ding ha ka ïingsyiem ba la tei da u syiem Hasael, bad ngan thang duh ïa ki kut jong u syiem Benhadad.

AMOS 1:7

Kumta ngan phah ka ding ha ki kynroh nongbah ka Gasa, bad kan thang duh ïa ki kut jong ka.

AMOS 2:2

Ngan phah ka ding ha ka ri Moab bad kan thang duh ïa ki kut ka Kerioth. Ki briew ka Moab kin ïap hapdeng ka jingkhynwin jong ka thma katba ki shipai ki dang khynwin bad ki turoi ki dang sawa.

AMOS 2:5

Kumta ngan phah ka ding ha Judah bad kan thang duh ïa ki kut ka Jerusalem.”

AMOS 5:2

Ka theisotti Israel ka la kyllon; Kan ym khie pat lano lano! Ka shah iehnoh ha ka khyndew Bad ym don uwei ruh u ban khyllie ïa ka.

DEUTERONOMI 32:22

Ka jingbitar jong nga kan meh lep kum ka ding, bad kan thang duh katba don ha sla pyrthei. Kan pur de shaduh ñiamra, bad kan thang ïa ki tynrai jong ki lumbah.

JINGPYNPAW 18:8

Namar kane, ha ka shi sngi yn sa shoh ïa ka da ki khlam — ka jingpang, ka jingsngewsih bad ka 'nemsniew. Bad yn thang ïa ka da ka ding, namar ba U Trai uba U Blei, uba bishar ïa ka, u long uba khlaiñbor.”