JEREMAÏAH 50:31 - Khasi CL Bible (BSI)

³¹ “Ko Babilonia, pha la dap da ka jingsarong, te ma nga, U Trai Nongsynshar Badonbor Baroh, nga long pyrshah ïa pha! Ka por ka la poi ïa nga ban pynshitom ïa pha.

KA BAIBL

³¹ “Ha khmih, nga long pyrshah ïa pha, ko pha kaba sarong,” ong U Trai U Blei ki paid: “naba ka sngi jong pha ka la wan, ka por kaba ngan wan-i ïa pha.

JEREMAÏAH 50:31 ပူးပေါင်းရင်းမြစ်များ

ISAÏAH 2:12

Ha kata ka sngi U Trai Badonbor Baroh un pynpoh ïa uwei pa uwei uba khrawbor, ïa uwei pa uwei uba sarong bad uba sngewmeng.

JEREMAÏAH 21:13

Pha ko Jerusalem, pha kaba shong shajrong eh na ki ri them, kum u mawsiang uba ïeng shajrong na ka madan. Hynrei ngan ïaleh pyrshah ïa pha. Pha ong ba ym don ba lah ban tur ïaleh ïa pha ne ban pynpra ïa ki jingker jong pha.

JEREMAÏAH 48:29

Ka Moab ka sarong palat! Nga la ïohsngew katno ka jingsarong, ka jingsngewbiang ki briew ki long, katno ki pyrkhat shaphang ïa lade.

JEREMAÏAH 49:16

Ka jingsarong jong pha ka la shukor ïa pha. Ym don ba sheptieng ïa pha katta kumba pha pyrkhat ba ki long kumta. Pha shong ha ki synrang maw, ha kliar ki lumbah; hynrei wat la pha shong hajrong tam kum u pukni, U Trai un wallam ïa pha sha tbian. U Trai u la kren.”

JEREMAÏAH 50:29

“To ong ïa ki nongsiatkhnam ban tur ïaleh ïa ka Babilon. Phah ïa baroh kiba nang ban pyndonkam ïa ka ryntieh bad ïa u khnam. Kerkut ïa ka nongbah bad wat ai ba yn don ba lait phet. Siew kylliang pat ïa kiei kiei baroh ba ka la leh, bad leh ïa ka kumba ka la leh ïa kiwei, namar ba ka la leh da ka jingsarong pyrshah ïa nga, U Bakhuid ki Israel.

JEREMAÏAH 50:32

Ka hima basarong jong pha kan jynthut bad kyllon, bad yn ym don ban ïarap ban khyllie ïa pha. Ngan thang ïa ki nongbah da ka ding, bad kiei kiei baroh sawdong yn pynjot.”

JEREMAÏAH 51:25

Ko Babilonia pha long kum u lumbah uba pynjot ïa ka pyrthei baroh kawei, hynrei ma nga, U Trai, nga long u nongshun jong pha. Ngan shim noh ïa pha, pynmadan ïa pha ha ka khyndew, bad ieh ïa pha ha u dpei.

ESEKIEL 29:3

To ong ba kane ka long kaei kaba U Trai Nongsynshar u ïathuh ïa u syiem ka Ijipt: Nga long u nongshun jong me, ma me u kuratia bakynsha, uba dem ha ka wah. Me ong ba ka wah Nile ka long ka jong me bad ba me la pynlong ïa ka.

ESEKIEL 38:3

To kren pyrshah ïa u, bad ïathuh ha u ba ma nga, U Trai Nongsynshar, nga long u nongshun jong u.

ESEKIEL 39:1

U Trai Nongsynshar u ong: “Ko khun u briew, to kren pyrshah ïa u Gog, u nongsynshar rangbah jong ki jaitbynriew ka Meshekh bad ka Tubal bad ïathuh ïa u ba nga long u nongshun jong u.

ESEKIEL 5:8

Bad kumta ma nga, U Trai Nongsynshar, nga la ïathuh ïa pha ba nga long u nongshun jong pha, nga ai ka jingbishar ïa pha ha kaba baroh ki jaitbynriew kin ïohi ïa kata.

NAHUM 2:13

“Nga long u nongshun jong pha!” ong U Trai Badonbor Baroh. “Ngan thang ïa ki kali ïapom jong pha. Ïa ki shipai jong pha yn pynïap ha ka thma, bad ngan shim lut ïa kiei kiei baroh kiba pha la shim na kiwei. Ïa ka jingdawa jong ki nongsynran jong pha yn ym ïohsngew shuh.”

NAHUM 3:5

U Trai Badonbor Baroh u ong, “Ngan pynshitom ïa pha, ko Ninebeh! ngan sloit lyngkhuit ïa pha bad ngan shah ïa ki jaitbynriew ban ïohi ïa pha, ban ïohi ïa pha ha ka jinglehrain jong pha baroh.

JAKOB 4:6

Hynrei ka jingaiei kaba U Blei u ai ka long kaba kham khlaiñ shuh shuh. Kumba ka Jingthoh Bakhuid ka ong, “U Blei u pyrshah ïa kiba sarong, hynrei u ai ïa ka jingaiei ha kiba sngewrit.”

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”

JINGPYNPAW 18:8

Namar kane, ha ka shi sngi yn sa shoh ïa ka da ki khlam — ka jingpang, ka jingsngewsih bad ka 'nemsniew. Bad yn thang ïa ka da ka ding, namar ba U Trai uba U Blei, uba bishar ïa ka, u long uba khlaiñbor.”