JEREMAÏAH 50:3 - Khasi CL Bible (BSI)

³ “Ka jaitbynriew na shatei ka la wan ban tur ïaleh ïa ka Babilonia bad yn pynlong ri shyiap ïa ka. Ki briew bad ki mrad kin phet krad noh, bad yn ym don bashong ba sah hangta.”

KA BAIBL

³ “Naba na shatei ka wan kiew ka jaid bynriew ban ïaleh ïa ka, ka ban pynkynjah ïa ka ri jong ka, bad ym don u ban shong ha ka: ki la phet noh, ki la leit noh bad briew bad mrad.

JEREMAÏAH 50:3 ပူးပေါင်းရင်းမြစ်များ

JENESIS 6:7

La pyndap ïa u da ka jingbabe, kat haduh ba u la ong, “Ngan pynduh khoit ïa kine ki briew kiba nga la thaw, bad ruh ïa ki mrad bad ki sim, naba nga la sngewsih ba nga la thaw ïa ki.”

EKSODOS 12:12

“Ha kata ka miet ngan ïaid lyngba ïa ka ri Ijipt, da kaba pynïap ïa u khun nyngkong baroh, la u dei u briew ne u mrad, bad ngan pynshitom ïa ki blei ka ri Ijipt baroh. Nga long U Trai.

ISAÏAH 41:25

“Nga la jied ïa u briew uba shong basah shaphang mihngi; ngan wallam ïa u ban tur ïaleh na shaphang shatei. Un ïuh halor ki nongsynshar la kumba dei ka ktieh, kum u nongthaw khiew uba ïuh ïa ka dewbyrtha.

ISAÏAH 45:1

U Trai u la jied ïa u Syros ban long syiem! U la jied ïa u ban jop ïa ki jaitbynriew; u phah ïa u ban sloit ïa ki syiem na ka bor jong ki; U Trai un plie ïa ki khyrdop jong ki nongbah na ka bynta jong u. Ha u Syros U Trai u ong,

JEREMAÏAH 21:6

Ngan pynïap ïa uwei pa uwei uba shong ha kane ka nongbah; ki briew bad ki mrad kumjuh; kin ïap da ka khlam kaba shyrkhei.

JEREMAÏAH 50:9

Ngan pynkhih ïa ka kynhun ki hima kiba khlaiñ shaphang shatei bad pynlong ïa ki ban tur ïaleh ïa ka Babilonia. Kin ïeng ryntih ban ïaleh thma pyrshah ïa ka ri bad ban jop ïa ka. Ki long ki nongbeh mrad batbit, kiba siat khnam bym ju lait na ka sohpdung.

JEREMAÏAH 51:11

U Trai u la pynkhih ïa ki syiem jong ka Media, namar u thmu ban pynjot ïa ka Babilonia. Dei da kumta un siew kylliang namar ka jingpynjot ïa ka Templ jong u. Ki rangbah ai hukum ban tur ïaleh, ki hukum, “Pynnep ïa ki khnam jong phi! Pynkhreh ïa ki stieh jong phi!

JEREMAÏAH 51:48

Baroh kiei kiei ha ka pyrthei bad ha suiñbneng kin risa da ka jingkmen ynda ka Babilonia kan kyllon ha ki briew kiba wan na shatei ban pynjot ïa ka.

JEREMAÏAH 51:62

Nangta sa duwai, ‘A Trai, me la ong ba men pynjot ïa kane ka jaka, haduh ba yn ym don jingthaw ba im ha ka, u briew lane u mrad, bad ba kan long kum ka ri shyiap junom.’

JEREMAÏAH 7:20

Bad kumta ma nga, U Trai Nongsynshar, ngan theh ïa ka jingbitar shla jong nga halor kane ka Templ. Ngan theh ïa ka halor ki briew bad ki mrad kumjuh, bad wat halor ki dieng bad ki jingthung. Ka jingbitar jong nga kan long kum ka ding kaba ym don mano mano ba lah ban pynlip.

JEREMAÏAH 9:10

Nga la ong, “Ngan ïam sngewsih na ka bynta ki lumbah bad jaw ummat na ka bynta ki jaka pynbamphlang, namar ki la tyrkhong, bad ym don mano mano ba leit jingleit lyngba jong ki. Ïa ka jingsawa ki jingri ym shym ïohsngew shuh; ki sim bad ki mradkhlaw ki la phet bad kim don shuh.”

JEREMAÏAH 9:11

U Trai u ong, “Ngan pynlong ïa ka Jerusalem ka thup ki jingpra, ka jaka ha kaba ki myrsiang ki shong; ki nongbah ka Judah kin kylla ri shyiap, ka jaka ha kaba ym don mano mano bashong ba sah.”

SEPHANAÏAH 1:3

ïa baroh ki briew bad ki mrad, ki sim bad ki dohkha. Ngan wallam ka jingkyllon jong u bymman. Ngan pynjot ïa u bynriew baroh, bad yn ym pynsah ïa uno uno uba lait im. Ma nga, U Trai nga la kren.