JEREMAÏAH 50:24 - Khasi CL Bible (BSI)

²⁴ Ko Babilonia, pha ïaleh pyrshah ïa nga, bad pha la shah riam ha ka jingriam kaba nga la buh ïa pha, wat la pham shym la tip ïa ka.

KA BAIBL

²⁴ Nga la buh ka jingriam ïa pha, bad pha la ngat ruh, ko Babilon, te pham shym la tip: la shem ïa pha, bad pha la ngat ruh, namar ba pha la ïaleh pyrshah ïa U Trai.

JEREMAÏAH 50:24 ပူးပေါင်းရင်းမြစ်များ

Ka Kitab U Job 15:25

Kata ka long ka kupar jong u briew uba pynkhih ïa la ki ksang'ti sha U Blei bad uba beiñ pyrshah ïa U Badonbor Baroh.

Ka Kitab U Job 40:9

Hato me long uba khlaiñ kum ma nga? Hato ka sur jong me ka kyrhuh jam kum ka jong nga?

Ka Kitab U Job 9:4

U Blei u long uba stad bad uba donbor katta katta; ym don u briew uba lah ban ïeng pyrshah ïa u.

EKSODOS 10:3

Kumta u Moses bad u Aaron ki leit sha u Pharaoh, bad ki ong ha u, “U Trai, U Blei jong ki Hebru, u ong, ‘Sa katno te men kyntait ban pyndem ha nga? Pyllait ïa ki briew jong nga ba kin ïoh mane ïa nga.

EKLESIASTIS 9:12

Phim tip da lei lei lano ka por jong phi ka wan. Kum ki sim kiba la ngat kynsan ha ki jingriam, kum ki dohkha kiba la ngat ha ka jar, ngi la shah riam ha ki katto katne ki khep basniew ha kaba ngim shym khmih lynti satia ïa kata.

ISAÏAH 13:11

U Trai u ong, “Ngan wallam ka jingpynjot halor ka pyrthei bad ngan pynshitom ïa ki riewbymman baroh namar ki pop jong ki. Ngan pyndem ïa uno uno uba sarong bad ngan pynshitom ïa uno uno uba sngewmeng bad uba runar.

ISAÏAH 45:9

Hato u khiew khyndew un nud ban ïatainia bad u nongthaw jong u, u khiew uba long kum baroh kiwei pat? Hato ka dewbyrtha kan ong ïa u nongthaw khiew kaei ba u leh? Hato u khiew un mudui ïa la u nongthaw khiew ba um don jingtbit?

JEREMAÏAH 48:43

Ka jingshyrkhei, ki liewlep, bad ki jingriam ki ap ïa ki briew ka Moab. U Trai u la kren.

JEREMAÏAH 48:44

Uno uno uba pyrshang ban lait na ka jingshyrkhei un hap hapoh ki liewlep, bad uno uno uba kiew na ki liewlep un ngat ha ki jingriam, namar U Trai u la buh por na ka bynta ka jingpynjot ïa ka Moab.

JEREMAÏAH 51:57

Ngan pynbuaid ïa ki nongsynshar jong ka — ki rangbah kiba stad, ki nongïalam, bad ki shipai. Kin ïohthiah bad kin ym kyndit shuh. Ma nga u syiem, nga la kren. Nga long U Trai Badonbor Baroh.

JEREMAÏAH 51:8

Ka Babilonia kynsan kynsan ka kyllon bad la pynjot noh! To ïam namar jong ka! Pynïoh dawai na ka bynta ki jingmong jong ka, bad lehse yn lah ban pynkhiah.

2 THESSALONI 2:4

Un pyrshah ïa kaei kaei baroh ba la khot blei, lane ïa kano kano ban mane, bad un buh ïa lade halor jong ki baroh. Wat shapoh un leit rung bad shong hapoh ka Templ U Blei bad kam ba u long U Blei.