JEREMAÏAH 50:21 - Khasi CL Bible (BSI)

²¹ U Trai u ong, “Tur ïaleh ïa ki briew jong ka Merathaim bad jong ka Pekod. Pynïap bad pynjot ïa ki. Leh ïa kiei kiei baroh ïa kiba nga hukum ïa phi. Ma nga, U Trai, nga la kren.

KA BAIBL

²¹ “Khie leit kiew ban ïaleh ïa ka ri Merathaim, ban ïaleh ïa ka keiñ, bad ban ïaleh ïa kiba shong ha Pekod: to pynïap bad to pynjot hadien jong ki,” ong U Trai, “bad to leh baroh kat kumba nga la hukum ïa me.

JEREMAÏAH 50:21 ပူးပေါင်းရင်းမြစ်များ

2 SAMUEL 16:11

Bad u Dabid u ong ha u Abishai bad ha ki rangbah synshar jong u baroh, “U khun jong nga hi u pyrshang ban pynïap ïa nga, te balei phin lyngngoh ïa une u nong Benjamin? U Trai u la ong ïa u ban tim; kumta wat pynwit ïa u, ai un leh ïa ka.

2 SYIEM 18:25

Hato phi pyrkhat ba nga la tur ïaleh ïa ka ri jong phi bad ban pynjot ïa ka khlem ka jingïarap jong U Trai? U Trai da lade hi u ong ha nga ban tur ïaleh bad ban pynjot ïa ka.”

2 KHRONIKL 36:23

“Kane ka dei ka hukum jong u Syros, u Patsha ka ri Persia. U Trai, U Blei ka Bneng, u la pynlong ïa nga u nongsynshar halor ka pyrthei baroh kawei bad u la ai ha nga ka jingkitkhlieh ban tei ïa ka templ na ka bynta jong u ha Jerusalem kaba ha Judah. Mynta, ma phi baroh kiba long ki briew jong U Blei, khie leit shata, bad to ai ba U Trai U Blei jong phi un long lem bad phi.”

ISAÏAH 10:6

Nga la phah ïa ka Assyria ban tur ïaleh ïa ka jaitbynriew bym don blei, ki briew kiba la pynbitar ïa nga. Nga la phah ïa ki ban lute, ban tuh bad ban ïuhroit ïa ki briew kum ïa u pui pui ha ki lynti.”

ISAÏAH 44:28

Nga ong ha u Syros, ‘Me long uta u ban synshar na ka bynta jong nga; men leh ïa kaei kaba nga kwah ïa phi ban leh; men hukum ïa ka Jerusalem ban tei biang bad ïa ki nongrim jong ka Templ ban seng pat.’ ”

ISAÏAH 48:14

“To ïalumlang bad to shahshkor, ma phi baroh! Ym don na ki blei kiba lah ban ïathuh lypa ba u briew uba nga la jied un tur ïaleh ïa ka Babilon; un leh ïa kaei kaba nga ong ïa u ban leh.

ISAÏAH 48:15

Dei ma nga uba la kren bad ba la khot ïa u; nga la ïalam ïa u shabar bad la ai ha u ïa ka jingjop.

JEREMAÏAH 34:22

Ngan ai ka hukum, bad kin wan biang sha kane ka nongbah. Kin tur ïaleh ïa ka, kin kurup ïa ka, bad thang duh ïa ka. Ngan pynlong ïa ki shnong ka Judah ba kin long kum ka ri shyiap ha kaba yn ym don mano mano ban shong ban sah ha ka. Ma nga, U Trai, nga la kren.”

JEREMAÏAH 48:10

(Long ba la tim ïa u briew u bym leh ïa ka kam U Trai da ka dohnud jong u baroh! Long ba la tim ïa uno uno u bym pom bad pynïap!)

JEREMAÏAH 50:15

Pynjam ïa ka jingkyang thma baroh sawdong ka nongbah! Mynta ka Babilon ka la wan pyndem. Ki kynroh jong ka ki la pei lyngba bad la pyntwa. Nga siew kylliang ïa ki nong Babilonia. Te to siew kylliang ïa ki, bad leh ïa ki kumba ki la leh ïa kiwei.

JEREMAÏAH 50:3

“Ka jaitbynriew na shatei ka la wan ban tur ïaleh ïa ka Babilonia bad yn pynlong ri shyiap ïa ka. Ki briew bad ki mrad kin phet krad noh, bad yn ym don bashong ba sah hangta.”

JEREMAÏAH 50:9

Ngan pynkhih ïa ka kynhun ki hima kiba khlaiñ shaphang shatei bad pynlong ïa ki ban tur ïaleh ïa ka Babilonia. Kin ïeng ryntih ban ïaleh thma pyrshah ïa ka ri bad ban jop ïa ka. Ki long ki nongbeh mrad batbit, kiba siat khnam bym ju lait na ka sohpdung.

ESEKIEL 23:23

Ngan wallam ïa ki nong Babilonia bad ki nong Khaldi baroh, ki rangbah na Pekod, Shoa, bad Koa, bad ïa ki nong Assyria baroh. Ngan lumlang ïa kito ki rangsamla ba-bhabriew bad ki rangbah shipai, baroh kito ki rangbah pynïaidkam bapaw bad ki rangbah shipai ba-halor.

DEUTERONOMI 33:27

U Blei u ïailong ka jingïada jong phi; Ki ksang'ti uba na bymjukut ki kyrshan ïa phi. U beh ïa ki nongshun jong phi katba phi nang ïaid sha khmat, Bad u ong ïa phi ban pynjot thiaw ïa ki baroh.

1 SAMUEL 15:3

Khie leit bad tur ïaleh ïa ki Amalek, bad pynjot lut khoit kat kaba ki don. Wat pynsah ei ei ruh; pynïap lut ïa ki rangbah, ki kynthei, ki khynnah bad ki khunlung; ki masi bad ki langbrot, ki ut bad ki kada baroh.”