JEREMAÏAH 50:20 - Khasi CL Bible (BSI)

²⁰ Haba kata ka por ka wan, yn ym shem ïa ka pop ha Israel bad ïa ka jingbymman ha Judah, namar ngan map ïa kito ki briew kiba nga la pynsah ïa ka jingim jong ki. Ma nga, U Trai, nga la kren.”

KA BAIBL

²⁰ Ha kita ki sngi, bad ha kata ka por,’ ” ong U Trai, “yn wad noh ïa ka jingbymhok jong ki Israel, te kan ym don shuh; bad ïa ki pop ki Judah, te yn ym shem ïa ki: naba ngan map noh ïa kita kiba ngan iehnoh kum i bynta ba sah.

JEREMAÏAH 50:20 ပူးပေါင်းရင်းမြစ်များ

SALM 103:12

Kumba ka jngai ka mihngi na ka sepngi, kumta ruh u weng noh ïa ki pop jong ngi na ngi.

SALM 17:3

Me tip ïa ka dohnud jong nga. Me la wan ha nga ha ka por miet; Me la ïitbniah ïa nga nadong shadong bad men shym la shem kano kano ka jingkwah basniew hapoh jong nga.

SALM 85:3

Me la sangeh ban bitar ïa ki, bad me la phai noh na ka jingbitar shla jong me.

ISAÏAH 1:9

Lada U Trai Badonbor Baroh um shym ailad ïa ki katto katne ki briew ban lait im, yn jin da la pynjot hi thiaw ïa ka Jerusalem, kumba long ïa ka Sodom bad Gomorrah.

ISAÏAH 10:21

Khyndiat ngut ki paid Israel kin wan phai sha U Blei bakhlaiñbor jong ki.

ISAÏAH 33:24

Yn ym don uba shong ba sah ha ka ri jong ngi, u ban dang ud pang, bad ïa ki pop baroh yn map.

ISAÏAH 43:25

Bad pynban, nga long U Blei uba map ïa ki pop jong phi, bad nga leh ïa kane namar uei ba nga long. Ngan ym bat ïa ki pop jong phi pyrshah ïa phi.

ISAÏAH 44:22

Nga la weng noh ïa ki pop jong phi kum ïa u lyoh. To wan phai pat sha nga; nga long uta uba la pynim ïa phi.”

JEREMAÏAH 31:34

Yn ym don uwei ruh na ki u ban hap hikai ïa la u para ri ban tip ïa U Trai, namar baroh kin tip ïa nga, naduh uba rit tam haduh uba khraw tam. Ngan map ïa ki pop jong ki bad ngan ym kynmaw shuh ïa ki jingbakla jong ki. Ma nga, U Trai, nga la kren.”

JEREMAÏAH 33:15

Ha kata ka por ngan jied kum u syiem ïa u nonghiarpateng uba hok na u Dabid. Uta u syiem un leh ïa kaei kaba dei bad kaba hok ha ka ri baroh kawei.

JEREMAÏAH 33:8

Ngan pynkhuid ïa ki na ki pop kiba ki la leh pyrshah ïa nga, bad ngan map ïa ki pop jong ki bad ka jingïaleh pyrshah jong ki.

JEREMAÏAH 44:14

Yn ym don na ki briew jong ka Judah kiba la iehnoh shadien bad kiba la wan sha Ijipt ban shong ban sah kin lait phet ne lait ïap. Yn ym don uwei ruh na ki u ban leit phai sha Judah, sha kaba ki sliang ban shong ban sah sa shisien pat. Yn ym don ba ïoh wan phai lait noh katto katne ki nongphetwir.”

JEREMAÏAH 50:4

U Trai u ong, “Haba ka por ka poi, ki paid Israel bad Judah kin wan ïa-ïam, kin wad ïa nga, U Blei jong ki.

SNGEWSYNEI 4:22

Ka Seïon ka la siew na ka bynta ka pop jong ka; U Trai un ym buh shuh ïa ngi ha ka jingshah ringmraw. Hynrei ko Edom, U Trai un pynshitom ïa pha; un pynpaw ïa ki kam bymman jong pha.

ESEKIEL 18:22

Ïa ki pop jong u baroh yn map, bad un im, namar u la leh ïa kaei kaba dei.

MIKAH 7:19

Men long uba leh-isynei sa shisien pat. Men ïuh ha ki kjat ïa ki pop jong ngi bad ñiat ïa ki sha trai jong ka duriaw!

SEPHANAÏAH 3:12

Ngan ieh hangta ïa ki briew kiba sngewrit bad kiba duk, ki ban wan sha nga na ka bynta ka jingïarap.

SEKHARAÏAH 3:9

Nga buh ha khmat jong u Joshua ïa uwei u maw uba don hynñiew tylli ki dong. Ngan shniah ka jingthoh halor jong u bad ha ka shi sngi ngan shim noh ïa ka pop jong kane ka ri.

JINGKHEIÑ 23:21

Nga ïohi lypa ïa ka lawei jong ki Israel, Kan ym don ka jingkordit ne jinglanot ïa ki. U Trai U Blei jong ki u don ryngkat bad ki, Ki pynbna ba ma u, u long u syiem jong ki.

KI KAM 3:19

Te, to kylla-kaba-mut, bad to phai sha U Blei, khnang ba un map ïa ki pop jong phi.

KI KAM 3:26

Bad kumta U Blei u la jied ïa la u Shakri bad u la phah ïa u nyngkong ha phi, ban kyrkhu ïa phi da kaba pynlong ïa uwei pa uwei na phi ban phai noh na ki lynti bymman jong u.”

Ka Shithi U Paul Sha Ki Nong Rom 11:6

Ïa ka jingjied jong u la pynshong nongrim ha ka jingaiei jong u, ym ha kaei kaba ki la leh. Namar lada ïa ka jingjied U Blei la pynshong nongrim ha kaei kaba ki briew ki leh, te ka jingaiei jong u kan ym long ka jingaiei bashisha.

Ka Shithi U Paul Sha Ki Nong Rom 5:16

Bad ka don ka jingïapher hapdeng ka jingai sngewbha U Blei bad ka pop jong uwei u briew. Hadien jong kata kawei ka pop, la wan ka jingbishar ïa “Kiba pop;” hynrei hadien ki pop kiba bun bah, ka wan ka jingai sngewbha kaba ngim don hok, ka jong “Uba khlem pop!”

Ka Shithi U Paul Sha Ki Nong Rom 6:13

Lymne ba phi dei ban pyndem ïa kano kano ka bynta jong phi sha ka pop ha ka jingpyndonkam na ka bynta ki jingthmu bymman. Pynban, phi dei ban ai ïa lade sha U Blei, kum kito ïa kiba la wallam pat na ka jingïap sha ka jingim, bad ban pyndem ha u ïa la ka jingim baroh kawei, ban pyndonkam na ka bynta ki jingthmu bahok.

2 PETROS 3:15

To khmih ïa ka jingïaishah slem U Trai jong ngi kum ka lad ba u ai ha phi ban ïoh im, kumba u Paul u para ba-ieit jong ngi u la thoh ha phi, da kaba pyndonkam ïa ka jingstad kaba U Blei u la ai ha u.