JEREMAÏAH 50:19 - Khasi CL Bible (BSI)

¹⁹ Ngan pynphai pat ïa ki paid Israel sha ka ri jong ki. Kin bam ïa ka jingbam kaba mih ha u lum Karmel bad ha ki phang ka Bashan, bad kin bam ïa baroh kaba ki kwah na ki jingthung kiba mih ha ki jaka jong ki Ephraim bad Gilead.

KA BAIBL

¹⁹ Bad ngan wallam pat ïa u Israel sha ka jaka phlang jong u, bad un bam phlang halor u Karmel bad u Bashan, bad yn pynkdang ïa ka mynsiem jong u halor ki lum Ephraim bad ha ka Gilead.

JEREMAÏAH 50:19 ပူးပေါင်းရင်းမြစ်များ

ESRA 2:1

Bun na kiba la shah ringmraw, ki la mihnoh na ka probins jong ka Babilon bad wan phai pat sha Jerusalem bad Judah, uwei pa uwei sha la ka jong ka nongbah. Ki longïing jong ki, ki la shong la sah ha ka jingshah ringmraw ha Babilon naduh ka por ba u Nebukhadnessar u la lah rah ïa ki hangta kum ki koidi.

JINGRWAI SOLOMON 6:5

Pynphai ïa ki khmat jong phi shawei pat na nga; ki pynshohbieit ïa nga. U shñiuh jong phi u shad kum ka kynhun ki blang kiba ïaid sha trai jong ki lum ka Gilead.

ISAÏAH 33:9

Ka ri ka sah shrah bad long ri shyiap. Ki khlaw ka Lebanon ki la tyrkhong, ka them baseisoh ka Sharon ka long kum ka ri shyiap, bad ha Bashan bad ha u lum Karmel ki sla ki hap na ki dieng.

ISAÏAH 35:2

Ka ri shyiap kan rwai bad pyrta da ka jingkmen; kan long kaba itynnat kat ki lumbah ka Lebanon bad kaba seisoh kat ki pyntha ka Karmel bad Sharon. Baroh kin ïohi ïa ka jingitynnat U Trai, kin ïohi ïa ka jingkhraw bad ïa ka bor jong u.

JEREMAÏAH 23:3

Ngan lum ïa kiba sah na ki briew jong nga na ki ri kiba nga la pynsakma ïa ki, bad ngan wallam pat ïa ki sha la ka jong ka ri. Kin ïoh bun ki khun bad kin nang roi ha ka jingbun briew.

JEREMAÏAH 3:18

Ka Israel kan ïasoh bad ka Judah, bad ryngkat lang kin ïawan na ka jingshah ringmraw ha ka ri kaba shatei bad kin wan phai sha ka ri kaba nga la ai ha ki kpa tymmen jong phi kum ka jingdon jingem kaba neh.”

JEREMAÏAH 30:10

“Ko ki briew jong nga, wat ym sheptieng; ko ki paid Israel, wat ym sngewshyrkhei. Ngan pyllait im ïa phi na kata ka ri bajngai, na ka ri ha kaba phi long ki koidi. Phin wan phai pat sha ïing bad im ha ka jingsuk; phin shngain, bad yn ym don mano mano ban pynsheptieng ïa phi.

JEREMAÏAH 30:18

U Trai u ong, “Ngan buh pat ïa ki briew jong nga ha ka ri jong ki bad ngan isynei ïa kawei pa kawei ka longïing; ïa ka Jerusalem yn tei pat, bad ïa ka ïingsyiem jong ka yn pynbha pat.

JEREMAÏAH 30:7

Ka sngi kaba shyrkhei ka wan; ym don kano kano kawei pat ka sngi kaba lah ban nujor bad ka — ka por ka jingnoh mynsiem na ka bynta ki briew jong nga, hynrei kin lait im.”

JEREMAÏAH 31:14

Ngan pyndap ïa ki lyngdoh da ki jingbam kiba bang eh bad pynhun ïa baroh ki jingdonkam jong ki briew jong nga. Ma nga, U Trai, nga la kren.”

JEREMAÏAH 31:25

Ngan pynthymmai bor ïa kito kiba la thait bad pynhun da ka jingbam ïa baroh kiba la tlot na ka jingthngan.

JEREMAÏAH 31:6

Ho-oid, ka por kan wan haba ki nongap kin khot ha ki lum ka Ephraim, ‘Ïa ngin ïaleit haduh Seïon, sha U Trai U Blei jong ngi.’ ”

JEREMAÏAH 32:37

Ngan sa lumlang ïa ki briew na baroh ki ri na kiba nga la pynsakma ïa ki ha ka jingbitar bad ka jingbitar shla jong nga, bad ngan wallam pat ïa ki sha kane ka jaka bad shah ïa ki ban shong ban sah hangne ha ka jingshngain.

JEREMAÏAH 46:27

“Ko ki briew jong nga, wat ym sheptieng, ko ki paid Israel, wat ym kyiuh. Ngan pyllait im ïa phi na kata ka ri kaba jngai, na ka ri ha kaba phi la long ki koidi. Phin wan phai pat sha ïing bad im ha ka jingsuk; phin sngewshngain, bad yn ym don u ban pyntieng ïa phi.

JEREMAÏAH 50:6

“Ki briew jong nga ki long kum ki langbrot kiba ki nongap langbrot ki la shah ba kin jah noh ha ki lumbah. Ki la sakma kum ka langbrot na uwei u lum sha uwei pat, bad ki la klet hangno ka ïing jong ki ka don.

ESEKIEL 11:17

“Kumta to ïathuh ha ki ïa kaei kaba ma nga, U Trai Nongsynshar, nga ong. Ngan lumlang ïa ki na ki ri sha kiba nga la pynsakma ïa ki, bad ngan ai pat ïa ka ri Israel ha ki.

ESEKIEL 36:24

Ngan shim noh ïa phi na man la ka jaitbynriew bad ka ri bad ngan wallam pat ïa phi sha la ka ri.

ESEKIEL 36:33

U Trai Nongsynshar u ong, “Ynda haba ngan pynkhuid ïa phi na ki pop jong phi baroh, ngan sa shah ba phin shong biang ha ki nongbah jong phi bad shah ba phin tei pat ïa ki jaka ba la jot.

ESEKIEL 38:8

Hadien bun snem ngan hukum ïa u ba un hiarthma ïa ka ri ha kaba ïa ki briew la wallam biang napdeng shibun ki jaitbynriew bad kiba la im khlem jingsheptieng ïa ka thma. Un hiarthma ïa ki lumbah ka Israel kiba la sah kynjah bad sah shrah la slem bah, hynrei ha kaba mynta ki briew ki shong ha ka jingshngain.

ESEKIEL 47:18

“U pud mihngi u ïaid shaphang shathie na ka bynta kaba hapdeng ka ri jong ka Damaskos bad ka Hauran, bad ka wah Jordan ka pynlong ïa u pud hapdeng ka ri Israel ha ka bynta shaphang sepngi bad ka Gilead shaphang mihngi, haduh Tamar ha ka Duriaw Baïap.

MIKAH 7:14

To long u nongaplangbrot ïa la ki briew, A Trai, ki briew kiba me la jied. Wat la ki shong saphred ha ka ri khlaw, ka don ka jaka baseisoh sawdong jong ki. To ai ba kin leit bad bam na ki jaka phlang bajyrngam jong ka Bashan bad ka Gilead, kumba ki la leh mynshuwa la slem bah.

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

SEKHARAÏAH 10:10

Na Ijipt bad na Assyria ngan wallam ïa ki sha ïing bad ngan pynshongduh ïa ki ha ka ri jong ki hi. Ngan pynshongduh ïa ki ha Gilead bad ha Lebanon kumjuh; ka ri baroh kawei kan dap da ki briew.

JINGKHEIÑ 32:1

Ki jait Reuben bad ki jait Gad ki la don shibun ki jingri. Haba ki la ïohi ba ka ri Jaser bad ka ri Gilead ka long kaba bit eh na ka bynta ki jingri,

JOSHUA 17:15

U Joshua u jubab, “Lada phi ïabun paid haduh katta katta bad ba ka ri lum Ephraim ka rit than ïa phi, te khie leit sha ki khlaw bad prat na ka bynta ïa lade ha ka ri ki Peris bad ki Rephaim.”