JEREMAÏAH 50:18 - Khasi CL Bible (BSI)

¹⁸ Namar kane, ma nga U Trai Badonbor Baroh, U Blei ki Israel, ngan pynshitom ïa u syiem Nebukhadnessar bad ïa ka ri jong u, kumba nga la pynshitom ïa u patsha ka Assyria.

KA BAIBL

¹⁸ Namar kata, kumne u ong U Trai ki paid, U Blei ki Israel: ‘Ha khmih, ngan pynshitom ïa u syiem ka Babilon bad ïa ka ri jong u, kumba nga la pynshitom ïa u syiem ka Assyria.

JEREMAÏAH 50:18 ပူးပေါင်းရင်းမြစ်များ

ISAÏAH 10:12

Hynrei U Trai u ong, “Haba nga pyndep ïa kaei kaba nga leh halor u lum Seïon, ngan pynshitom ïa u patsha jong ka Assyria namar ki jingkob bad ki jingsarong jong u baroh.”

JEREMAÏAH 27:7

Baroh ki jaitbynriew kin shakri ïa u, bad kin shakri ïa u khun bad u khun ksiew jong u tad haduh ba ka por kan wan ïa ka hima jong u hi ban kyllon. Te ka jaitbynriew jong u kan shakri ïa ki jaitbynriew badonbor bad ïa ki syiem bakhraw.

JEREMAÏAH 46:10

Kane ka long ka sngi jong U Trai Nongsynshar Badonbor Baroh: ha kane ka sngi un pynhiarkput; ha kane ka sngi un pynshitom ïa ki nongshun jong u. Ka waitlam jong u kan bam ïa ki haduh ban da kdang, bad dih ïa ka snam jong ki haduh ban da sngewhun. Ha kane ka sngi u Badonbor Baroh u kñia ïa kiba la shah pynmong ha ka phang bashatei, hajan ka Ïuphratis.

NAHUM 3:18

Ko Patsha ka Assyria, ki lat jong me ki la ïap, bad ki rangbah donburom jong me ki ïohthiah junom! Ïa ki briew jong me la pynsakma halor ki lumbah, bad ym don shuh mano mano ban wallam pat ïa ki sha ïing.

NAHUM 3:7

Baroh kiba ïohi ïa pha kin kynran dien. Kin ong, ‘Ka Ninebeh ka don ha ki jingjot! Mano ba don kano kano ka jingisynei ïa ka? Mano ba kwah ban pyntngen ïa ka?’ ”

HABAKKUK 2:8

Phi la thombor ïa ki briew jong ki hima kiba bun, hynrei mynta kito kiba la lait im kin thombor ïa phi namar ki kam pynïap briew ba phi la leh bad namar ki jingleh jubor jong phi pyrshah ïa ki briew jong ka pyrthei bad ki nongbah jong ka.

DEUTERONOMI 32:41

ba ngan shut pynnep ïa ka waitlam kaba phalang jong nga, bad ai ïa ka jingbishar bahok, ngan pynhiarkput ïa ki nongshun jong nga bad pynshitom ïa kito kiba isih ïa nga.