JEREMAÏAH 50:17 - Khasi CL Bible (BSI)

¹⁷ U Trai u ong, “Ki paid Israel ki long kum ki langbrot, ba la shah beh bad pynsakma da ki sing. Nyngkong, la tur ïaleh da u patsha ka Assyria, bad nangta u Nebukhadnessar u syiem ka Babilonia u ktha ïa ki shyieng jong ki.

KA BAIBL

¹⁷ “U Israel u long ka langbrot ba la sakma; ki sing ki la beh noh ïa u: nyngkong u syiem ka Assyria u la bam ïa u: bad ka bakhatduh une u Nebukhadressar u syiem ka Babilon u la pynkheiñ ïa ki shyieng jong u.

JEREMAÏAH 50:17 ပူးပေါင်းရင်းမြစ်များ

2 SYIEM 15:19

U Tiglath Pileser, u patsha ka Assyria, u tur ïaleh ïa ka Israel, bad u Menahem u ai ïa u laiphew saw ton ka rupa ban ïoh ïa ka jingkyrshan jong u ban nang pynkhlaiñbor ïa u Menahem halor ka ri.

2 SYIEM 15:29

Ka la jia ba katba u Pekah u long syiem ba u Tiglath Pileser, u patsha ka Assyria, u kurup ïa ki nongbah jong ka Ijon, ka Abel Beth Maakah, ka Janoah, ka Kedesh, bad ka Hasor, bad ki ri jong ka Gilead, ka Galilaïa, bad ka Naphtali, bad u rah koidi ïa ki briew sha Assyria.

2 SYIEM 24:1

Mynba u Jehoïakim u long u syiem, u Nebukhadnessar u syiem Babilonia u la hiarthma ïa ka Judah, bad lai snem la pynbor ïa u Jehoïakim ban pyndem ha ka jingsynshar jong u; nangta u la ïeng ïaleh pyrshah.

2 SYIEM 24:10

Ka dei ha ka por ka jingsynshar jong u ba ka kynhun shipai Babilonia, ha ka hukum ki rangbah pynïaidkam jong u Nebukhadnessar, ki la tur pyrshah ïa ka Jerusalem, bad kerkut ïa ka.

2 SYIEM 25:1

U Sedekaïah u la ïaleh pyrshah ïa u Nebukhadnessar u syiem ka Babilonia, kumta u Nebukhadnessar u la wan lem bad ka kynhun shipai jong u baroh bad tur ïaleh ïa ka Jerusalem ha ka sngi kaba shiphew jong u bnai uba shiphew jong ka snem kaba khyndai ka jingsynshar jong u Sedekaïah. Ki la sher dara shabar jong ka nongbah, ki la tei ki kynroh kerkut sawdong jong ka,

2 KHRONIKL 28:20

U patsha jong ka Assyria, ha ka jaka ban ïarap ïa u Ahas, u la ïaleh pyrshah ïa u bad thaw jingeh ïa u.

2 KHRONIKL 33:11

Kumta U Trai u shah ïa ki rangbah shipai jong ka kynhun shipai Assyria ban tur ïaleh ïa ka Judah. Ki la kem ïa u Manasseh, ki pyndait jingbnoh ha u, ki teh ki kynjri ïa u, bad ïalam ïa u sha Babilon.

ISAÏAH 15:9

Ha ka shnong Dibon ka wah ka saw da ka snam, bad U Blei u don kaei kaei kaba kham sniew ba la buh na ka bynta ki briew hangta. Ho-oid, yn don ka jingpynïap ba lyngkien snam ïa uwei uwei baroh ba la iehnoh ha Moab.

ISAÏAH 47:6

Nga la bitar ïa ki briew jong nga; nga la shim ïa ki kumba kim dei shuh ki jong nga: Nga buh ïa ki ha ka bor jong pha, bad pham pyn-i jinglehisynei ïa ki; wat ïa kiba la tymmen pha leh da kaba tyngeh.

JEREMAÏAH 10:25

Pynphai ïa ka jingbitar jong me halor ki jaitbynriew ki bym mane ïa me bad halor ki briew kiba kyntait ïa me. Ki la pynïap ïa ki briew jong me; ki la pynjot khoit ïa ngi bad iehnoh ïa ka ri jong ngi ha ka jingjot jingpra.

JEREMAÏAH 2:15

Ki la kyrhuh ha u kum u sing, ki la pynkylla ri shyiap ïa ka ri jong u, bad ki shnong jong u ki don ha ka jingjot jingpra, kiba la shah iehnoh khoit.

JEREMAÏAH 21:7

Hynrei na ka bynta jong phi, ki rangbah synshar jong phi bad ki briew kiba lait im na ka thma, ka khlam bad ka 'nemsniew — ngan ai ïa baroh na phi ban shahjop ha u syiem Nebukhadnessar bad da ki nongshun jong phi, kiba kwah ban pynïap ïa phi. U Nebukhadnessar un phah pynïap ïa phi. Un ym pynsah ïano ïano na phi lane un ym isynei lane sngewlem ïano ïano na phi. Ma nga, U Trai, nga la kren.”

JEREMAÏAH 4:7

Kum u sing uba wan mih na ka jakarieh jong u, u nongpynjot jong ki jaitbynriew u la mihnoh. U wan ban pynjot ïa ka Judah. Ïa ki nongbah jong ka Judah yn ieh ha ki jingjot, bad yn ym don mano mano bashong ba sah ha ki.

JEREMAÏAH 49:19

Kum u sing uba wan mih na ki khlaw barben artet ïa ka Jordan haduh ki jaka phlang bajyrngam, ngan wan bad ban pynlong ïa ki nong Edom ban phet krad kyndit na ka ri jong ki. Nangta u nongïalam uba nga jied un synshar ïa ka hima. Uno uba lah ban ïanujor bad nga? Uno uba nud ban ïakob bad nga? Uei u nongsynshar uba lah ban ïeng pyrshah ïa nga?

JEREMAÏAH 5:17

Kin bam duh ïa ki jingthung bad ïa ki jingbam jong phi; kin pynïap ïa ki khun shynrang bad ki khun kynthei jong phi. Kin pynïap ïa ki kynhun langbrot bad ki kynhun masi jong phi bad pynjot ïa ki dieng sohwaiñ bad diengsoh Dumbur jong phi. Ïa ki nongbah ba la ker kynroh ha kiba phi shaniah yn pynjot da ka kynhun shipai jong ki.

JEREMAÏAH 5:6

Dei kata keiñ balei ba ki sing na khlaw kin pynïap ïa ki, ki suri na ka ri shyiap kin tar lyngkhot ïa ki, bad ki 'labasa kin ïaid apthap lyngba ki shong jong ki. Lada kito ki briew ki mih shabar, yn tar lyngkhot ïa ki namar ki pop jong ki, ki long kiba bun bad na ka por sha ka por ki la phai dien noh na U Blei.

JEREMAÏAH 50:6

“Ki briew jong nga ki long kum ki langbrot kiba ki nongap langbrot ki la shah ba kin jah noh ha ki lumbah. Ki la sakma kum ka langbrot na uwei u lum sha uwei pat, bad ki la klet hangno ka ïing jong ki ka don.

JEREMAÏAH 51:38

Ki nong Babilonia baroh ki kyrhuh kum ki sing bad jlew kum ki khun sing.

JEREMAÏAH 52:1

U Sedekaïah u la don arphew wei snem ka rta mynba u la long u syiem ka Judah, bad u la synshar ha Jerusalem khatwei snem. Ka kyrteng jong ka kmie jong u ka dei ka Hamutal, ka khun jong u Jeremaïah uba sah ha ka nongbah Libnah.

ESEKIEL 34:12

Ha kajuh ka rukom kumba u nongaplangbrot u sumar bha ïa la ki langbrot kiba la sakma bad u wallam lang ïa ki pat. Ngan wallam pat ïa ki na ki jaka sha kiba la pynsakma ïa ki ha kata ka sngi ka jingdum bad jingjot.

DANIEL 6:24

Nangta u syiem u la ai ki hukum ban kem ïa baroh ki rangbah kiba la lah mudui ïa u Daniel, bad la bret ïa ki, lem bad ki tnga jong ki bad ki khun jong ki, shapoh ka thliew kaba dap da ki sing. Ha shuwa ban kin poi sha tbian jong ka thliew, ki sing ki la kynrup ïa ki bad pynkheiñ ïa ki shyieng jong ki baroh.

JOEL 3:2

Ngan lumlang ïa baroh ki jaitbynriew bad wallam ïa ki sha ka Them jong ka Jingbishar. Hangta ngan bishar ïa ki na ka bynta baroh kaba ki la leh ïa ki briew jong nga. Ki la pynsakma ïa ki Israel sha ki ri nongwei bad ki la phiah ïa ka Israel, ka ri jong nga.

1 PETROS 2:25

Phi la ju long kum ki langbrot kiba la jah lynti, hynrei mynta la wallam pat ban bud ïa U Nongaplangbrot bad Nongsharai ïa ki mynsiem jong phi.