JEREMAÏAH 50:14 - Khasi CL Bible (BSI)

¹⁴ “Ko nongsiatkhnam, to ïeng ryntih na ka bynta ka thma pyrshah ïa ka Babilon bad kerkut ïa ka. To siat ïa ki khnam jong phi baroh ïa ka Babilon, namar ka la leh pop pyrshah ïa nga, U Trai.

KA BAIBL

¹⁴ To buh riang ïa lade baroh sawdong ïa ka Babilon, phi baroh kiba wiat ïa ka ryntieh; to siat sha ka, wat bynnud ïa ki khnam: namar ka la leh pop ïa U Trai.

JEREMAÏAH 50:14 ပူးပေါင်းရင်းမြစ်များ

2 SAMUEL 10:9

U Joab u la ïohi ba ka kynhun u nongshun kan tur ïaleh ïa u na sha khmat bad na shadien, kumta u la jied ïa kiba kynsai tam na ki shipai Israel, bad u la buh ïa ki ha ka jaka kaba phai pyrshah ïa ki Syria.

SALM 51:4

Nga la leh pop pyrshah ïa me — pyrshah tang ïa me hi — bad leh ïa kaei kaba me ñiew kaba bymman. Te me la leh kaba dei ha ka jingbishar jong me; me lehhok haba me pynrem ïa nga.

ISAÏAH 13:4

Shahshkor ïa ka jingriew halor jong u lumbah — ka jingsawa jong u paidbah byllien, ka jingsawa jong ki jaitbynriew bad ka jingïalumlang jong ki hima. U Trai jong ki nongïapom u la pynkhreh ïa ki shipai jong u na ka bynta ka thma.

ISAÏAH 5:28

Ki khnam jong ki, ki long kiba nep, bad ki ryntieh jong ki, ki long kiba la pynkhreh ban siat. Ki poh'jat jong ki kulai jong ki, ki eh kum ki mawshamok bad ki shaka jong ki kali ïapom jong ki, ki kylla long kum ka 'erlangthari.

JEREMAÏAH 46:9

Hukum ïa ki kulai ban leit bad ïa ki kali ïapom ban tyllun! To phah noh ïa ki shipai: ki rangbah na Sudan bad Lydia, kiba rah ïa ki stieh bad ki nongsiatkhnam batbit na Lydia.’ ”

JEREMAÏAH 49:14

Nga ong, “Ko Edom, nga la ïohpdiang ïa ka khubor na U Trai. U la phah ïa u nonglamktien ban ïathuh ïa ki jaitbynriew ban ïalumlang ïa ki shipai bad ban pynkhreh ban tur ïaleh ïa pha.

JEREMAÏAH 49:35

U ong, “Ngan pynïap ïa ki nongsiatkhnam kiba la pynlong ïa ka Elam ban long kaba khrawbor.

JEREMAÏAH 50:11

U Trai u ong, “Ko ki paid ka Babilonia, phi la lute ïa ka jaitbynriew jong nga. Phi kmen bad phi sngewbha, phi da leh kum ka masi ba ïaid haba shoh kba ne kum u kulai uba pah,

JEREMAÏAH 50:29

“To ong ïa ki nongsiatkhnam ban tur ïaleh ïa ka Babilon. Phah ïa baroh kiba nang ban pyndonkam ïa ka ryntieh bad ïa u khnam. Kerkut ïa ka nongbah bad wat ai ba yn don ba lait phet. Siew kylliang pat ïa kiei kiei baroh ba ka la leh, bad leh ïa ka kumba ka la leh ïa kiwei, namar ba ka la leh da ka jingsarong pyrshah ïa nga, U Bakhuid ki Israel.

JEREMAÏAH 50:42

Ki la rah ïa la ki ryntieh bad ki waitlam; ki long kiba runar bad ki bymsngewsynei. Ki sawa kum ka duriaw bakyrhuh, katba ki dang ïaid halor ki kulai. Ki long kiba la pynkhreh ïa ka thma pyrshah ïa ka Babilonia.

JEREMAÏAH 50:7

Ki la shah tur ïaleh da baroh kiba ïakynduh ïa ki. Ki nongshun jong ki, ki ong, ‘Ki la leh pop pyrshah ïa U Trai, bad kumta kaei kaba ngi la leh, kam long kaba bakla. Ki khun ki ksiew jong ki, ki la shaniah ha U Trai, bad ma ki hi kiba la dei ban ïailong kiba ïaineh ha u.’

JEREMAÏAH 50:9

Ngan pynkhih ïa ka kynhun ki hima kiba khlaiñ shaphang shatei bad pynlong ïa ki ban tur ïaleh ïa ka Babilonia. Kin ïeng ryntih ban ïaleh thma pyrshah ïa ka ri bad ban jop ïa ka. Ki long ki nongbeh mrad batbit, kiba siat khnam bym ju lait na ka sohpdung.

JEREMAÏAH 51:2

Ngan phah ïa ki nongwei ban pynjot ïa ka Babilonia kum ka lyer kaba pynher noh ïa u phlangïap. Haba kata ka sngi jong ka jingpynjot ka wan, kin tur ïaleh na baroh sawdong bad kin ieh syllen ïa ka ri.

JEREMAÏAH 51:27

“To ai ïa ka dak ban tur ïaleh! Put ïa ka turoi khnang ba ki jaitbynriew kin ïohsngew! Pynkhreh ïa ki jaitbynriew na ka bynta ka thma pyrshah ïa ka Babilonia! Ong ïa ki hima Ararat, Minni, bad Ashkenas ban tur ïaleh. Thung ïa u rangbah pynïaidkam ban ïalam ïa ka jingtur ïaleh. Wallam ïa ki kulai kum ka kynhun ki puit.

JEREMAÏAH 51:3

Wat ai por ïa ki shipai ban siat ïa ki khnam ne kieng ïa ki atiar ïaleh jong ki. Wat pyllait ïa ki samla shynrang! Pynjot ïa ka kynhun shipai baroh kawei!

HABAKKUK 2:17

Phi la pynduh ïa ki khlaw ka Lebanon; mynta yn pyndkut ïa phi. Phi la pynïap ïa ki mrad ha ka; mynta ki mrad kin pyntriem ïa phi. Kane kan jia namar ki kam pynïap ba phi la leh bad namar ki kam leh jubor pyrshah ïa ki briew jong ka pyrthei bad ki nongbah jong ka.

HABAKKUK 2:8

Phi la thombor ïa ki briew jong ki hima kiba bun, hynrei mynta kito kiba la lait im kin thombor ïa phi namar ki kam pynïap briew ba phi la leh bad namar ki jingleh jubor jong phi pyrshah ïa ki briew jong ka pyrthei bad ki nongbah jong ka.

JINGPYNPAW 17:5

Ha ka shyllangmat jong ka, la thoh ïa ka kyrteng kaba don ka jingmut kaba rieh: “Ka Babilon Bakhraw, ka kmie jong ki nuti baroh bad kiba sakma baroh ha ka pyrthei.”

1 SAMUEL 17:20

Ha ka sngi kaba bud, u Dabid u khie dang step phyrngab, u ieh ïa ki langbrot ha uwei pat u nongsharai, u rah ïa kata ka jingbam, bad u leit kumba u Jesse u la bthah ïa u. U poi ha ka jaka sher dara hamar ba ki Israel ki dang leit sha ka madan thma, ki da ïarisa ha ka sur-thma.