JEREMAÏAH 50:13 - Khasi CL Bible (BSI)

¹³ Namar ka jingbitar jong nga, yn ym don u ban shong ban sah ha Babilon; kan sah ha ka jingjot, bad baroh kiba ïaid nangta kin kyndit bad lyngngoh.

KA BAIBL

¹³ Namar ka jingbitar U Trai yn ym shong briew ha ka, hynrei, kan long kaba kynjah phar: uwei uwei baroh uba ïaid hajan ka Babilon un sngewlyngngoh, bad un kynshi ha ki jingshitom jong ka baroh.

JEREMAÏAH 50:13 ပူးပေါင်းရင်းမြစ်များ

Ka Kitab U Job 27:23

Ka lyer ka kyrhuh ha ki katba ki dang ïaphet, da kaba pynsheptieng ïa ki da ka bor pynjot.

JEREMAÏAH 18:16

Ki la pynlong ïa kane ka ri ka bynta ka jingtriem, ban ñiewbeiñ junom. Baroh kiba la ïaid lyngba kin kyndit ha kaei kaba ki ïohi; kin kyrngah ïa la ki khlieh ha ka jinglyngngoh.

JEREMAÏAH 19:8

Ngan wallam ïa ka jingpynjot kaba shyrkhei kum kane ha kane ka nongbah ha kaba uwei pa uwei uba ïaid lyngba un kyndit bad lyngngoh.

JEREMAÏAH 25:12

Hadien kata ngan sa pynshitom ïa ka Babilonia bad ïa u syiem jong ka namar ka pop jong ki. Ngan pynjot ïa kata ka ri bad ngan iehnoh ha ka jingjot jingpra junom.

JEREMAÏAH 34:22

Ngan ai ka hukum, bad kin wan biang sha kane ka nongbah. Kin tur ïaleh ïa ka, kin kurup ïa ka, bad thang duh ïa ka. Ngan pynlong ïa ki shnong ka Judah ba kin long kum ka ri shyiap ha kaba yn ym don mano mano ban shong ban sah ha ka. Ma nga, U Trai, nga la kren.”

JEREMAÏAH 49:17

U Trai u ong, “Ka jingpynjot ka ban wan hap ha ka Edom kan long kaba da shyrkhei haduh ba kiba ïaid nangta kin kyndit bad sheptieng.

JEREMAÏAH 50:3

“Ka jaitbynriew na shatei ka la wan ban tur ïaleh ïa ka Babilonia bad yn pynlong ri shyiap ïa ka. Ki briew bad ki mrad kin phet krad noh, bad yn ym don bashong ba sah hangta.”

JEREMAÏAH 51:26

Yn ym don ki maw na ki jingjot jong pha ba yn pyndonkam pat na ka bynta ki jingtei. Phan long kum ka ri shyiap junom. Ma nga, U Trai, nga la kren.

JEREMAÏAH 51:29

Ka khyndew ka kyiuh bad ka khynñiuh namar ba U Trai u pyndep ïa ka jingthmu jong u ban pynlong ïa ka Babilonia ka ri shyiap, ha kaba yn ym don mano mano ban shong ban sah.

JEREMAÏAH 51:37

Kata ka ri kan long kum ka kynton ñiut ha kaba ki mradkhlaw ki im. Kan long kaba shyrkhei ban peit; yn ym don mano mano ban sah hangta, bad baroh kiba ïohi ïa ka kin sngewshyrkhei.

JEREMAÏAH 51:62

Nangta sa duwai, ‘A Trai, me la ong ba men pynjot ïa kane ka jaka, haduh ba yn ym don jingthaw ba im ha ka, u briew lane u mrad, bad ba kan long kum ka ri shyiap junom.’

ESEKIEL 27:36

Pha la jah noh, la jah noh junom, bad ki nongkhaïi na baroh kawei ka pyrthei ki la sngewtriem, ki la sheptieng ba ki ruh kin mad ïa ka kupar jong pha.”

SEPHANAÏAH 2:15

Kata ka long kaei ka ban jia ïa ka nongbah kaba sarong katta katta ïa la ka bor bad kaba pyrkhat ba ka don ha ka jingshngain. Ki briew jong ka ki pyrkhat ba ka nongbah jong ki ka long kaba khraw tam ha ka pyrthei. Katno kan long ka jaka kaba kynjah, ka jaka ha kaba ki mradkhlaw kin pynjahthait! Uwei uwei baroh uba ïaid lyngba jong ka un kynran dien ha ka jingsheptieng.

SEKHARAÏAH 1:15

bad nga bitar shikatdei eh ïa ki jaitbynriew kiba sngewkmen ïa ka jingjar jar bad ka jingsuk. Namar katba nga dang bat ïa ka jingbitar jong nga pyrshah ïa ki briew jong nga, kito ki jaitbynriew ki la kham pynsniew ïa ki jingshitom jong ki briew jong nga.

DEUTERONOMI 29:22

“Ha ki pateng ki ban wan, ki khun ki ksiew jong phi bad ki nongwei na ki ri kiba jngai kin ïohi ïa ki jingpynjot bad ki jingshah shitom ba U Trai u la pynngat ha ka ri jong phi.