JEREMAÏAH 50:12 - Khasi CL Bible (BSI)

¹² hynrei ïa ka nongbah bakhraw kaba dei ka jong phi yn pynpoh bad pynjahburom. Ka Babilonia kan long ka hima kaba poh tam na baroh; kan long kaba ryngkhiang bad ka ri shyiap bym don um satia.

KA BAIBL

¹² ka kmie jong phi kan lehrain sat; kata kaba la kha ïa phi kan lyngngoh: ha khmih, kan long ka bakhatduh eh na ki jaid bynriew, ka khlaw, ka ri ryngkhiang, bad ka ri shyiap.

JEREMAÏAH 50:12 ပူးပေါင်းရင်းမြစ်များ

ISAÏAH 14:22

U Trai Badonbor Baroh u ong, “Ngan tur ïaleh ïa ka Babilon bad wallam ïa ka sha ka jingjot jingpra. Ngan ym pynsah ei ei — yn ym don khynnah, yn ym don mano mano ba lait im. Nga, U Trai nga la kren.

ISAÏAH 23:13

(Ki dei ki nong Babilonia, ym ki nong Assyria, kiba la pynlong ba ki mradkhlaw kin tur ïa ka Tyros. Dei ki nong Babilonia kiba la tei ïa ki mot-kerkut, kiba la pyntwa ïa ki jingtei-kut ka Tyros bad ki la iehnoh ïa ka nongbah ha ka jingjot.)

JEREMAÏAH 12:14

U Trai u ong, “Nga don ei ei ban ong shaphang ki paramarjan jong ka Israel kiba la pynjot ïa ka ri kaba nga la ai ha ki briew jong nga ki Israel. Ngan shim noh ïa kito ki briew bymman na ki ri jong ki kum ïa u jingthung ba la rat, bad ngan pyllait im ïa ka Judah na ki.

JEREMAÏAH 15:9

Ka kmie kaba la duh noh ïa ki hynñiew ngut ki khun jong ka, ka la ïapler, ka da thrang ïa ka jingring mynsiem. Ka jingshai jong ka sngi jong ka, ka la kylla sha ka jingdum; la pynjahburom ïa ka bad ka pang ka dohnud. Ngan shah ïa ki nongshun jong phi ban pynïap ïa kito na phi kiba dang im. Ma nga, U Trai, nga la kren.”

JEREMAÏAH 22:6

“Ha nga, ka ïingsyiem Judah ka long kaba itynnat kum ka ri Gilead, bad kum ki lumbah Lebanon; hynrei ngan pynlong ïa ka, ka jaka kynjah ha kaba yn ym don bashong basah.

JEREMAÏAH 25:12

Hadien kata ngan sa pynshitom ïa ka Babilonia bad ïa u syiem jong ka namar ka pop jong ki. Ngan pynjot ïa kata ka ri bad ngan iehnoh ha ka jingjot jingpra junom.

JEREMAÏAH 49:2

Hynrei ka por ka poi haba ngan pynlong ïa ki briew jong ka nongbah Rabbah ban ïohsngew ïa ka jingsawa jong ka thma, bad yn ieh ïa ka ha ka jingjot bad ïa ki nongrit jong ka ban thang haduh khyndew. Nangta ki Israel kin shim pat ïa la ka jaka na kito kiba la shim ïa ka na ki.

JEREMAÏAH 51:43

Ki shnong ki la long kiba ishyrkhei ban peit bad ki long kum ka ri shyiap bym don um, ha kaba ym don ba sah lane wat ban ïaid nangta.

JEREMAÏAH 51:47

Bad ka por ka poi haba ngan leh ïa ki bleithaw jong ka Babilonia. Ïa ka ri baroh kawei yn buh ha ka jinglehrain, bad ïa ki briew jong ka baroh yn pynïap.

GALATIA 4:26

Hynrei ka Jerusalem ba kynja bneng ka long kaba laitluid, bad ka dei ka kmie jong ngi keiñ.

JINGPYNPAW 17:5

Ha ka shyllangmat jong ka, la thoh ïa ka kyrteng kaba don ka jingmut kaba rieh: “Ka Babilon Bakhraw, ka kmie jong ki nuti baroh bad kiba sakma baroh ha ka pyrthei.”