JEREMAÏAH 50:11 - Khasi CL Bible (BSI)

¹¹ U Trai u ong, “Ko ki paid ka Babilonia, phi la lute ïa ka jaitbynriew jong nga. Phi kmen bad phi sngewbha, phi da leh kum ka masi ba ïaid haba shoh kba ne kum u kulai uba pah,

KA BAIBL

¹¹ “Namar ba phi kmen, namar ba phi shadkmen, ko phi kiba lute ïa ka jingïoh kynti jong nga, namar ba phi leh lyngkar kum ka masi lud kaba ïuh Kew, bad phi pah kum ki kulai bakhlaiñ;

JEREMAÏAH 50:11 ပူးပေါင်းရင်းမြစ်များ

SALM 22:12

Shibun ki nongshun ki kerkut ïa nga kum ki masi kyrtong; ki don baroh sawdong jong nga, kum ki masi kyrtong ba-itieng na ka ri Bashan.

PROBERB 17:5

Lada phi rkhiebeiñ ïa ki briew kiba duk, phi ñiewbeiñ ïa U Blei uba la thaw ïa ki. Phin shah pynshitom lada phi leh sngewbha ha ka apot jongno jongno.

ISAÏAH 47:6

Nga la bitar ïa ki briew jong nga; nga la shim ïa ki kumba kim dei shuh ki jong nga: Nga buh ïa ki ha ka bor jong pha, bad pham pyn-i jinglehisynei ïa ki; wat ïa kiba la tymmen pha leh da kaba tyngeh.

ISAÏAH 47:8

“To sngap ïa kane, pha kaba ieit ïa ka jinglehsngewbha, pha kaba pyrkhat ba pha shongshngain bad sngewskhem. Pha kam ba pha long kaba khraw kum U Blei — ba ym don mano mano pat kum ma pha. Pha pyrkhat ba da lei lei phan ym long ka riewkynthei lane mad ïa ka jingduh noh ïa la ki khun.

JEREMAÏAH 12:14

U Trai u ong, “Nga don ei ei ban ong shaphang ki paramarjan jong ka Israel kiba la pynjot ïa ka ri kaba nga la ai ha ki briew jong nga ki Israel. Ngan shim noh ïa kito ki briew bymman na ki ri jong ki kum ïa u jingthung ba la rat, bad ngan pyllait im ïa ka Judah na ki.

JEREMAÏAH 46:20

Ka Ijipt ka long kum ka masi baphylla, ba la tur ïaleh da u skain ba kynthah na shatei.

JEREMAÏAH 46:21

Wat ki shipai ba shu wai jong ka ki long khlem bor kum ki khun masi. Kim shym ïeng ban ïaleh; baroh na ki, ki phai bad phet noh. Ka sngi jong ka jingshahjop ka la poi, ka por jong ka jingpynjot ïa ki.

JEREMAÏAH 5:28

balei ba ki sngaid bad ba la ïoh jingbsa bha. Ym don pud satia ïa ki kam sniew jong ki. Kim ju ai ïa ki hok jong ki khunswet lane pyn-i ka jingbishar hok ïa kiba la shah banbeiñ.

JEREMAÏAH 5:8

Ki la long kum ki kulai ba la bsa bha, ki bym lah synshar ha ki jingkwah, uwei pa uwei u da kwah brai ïa ka tnga jong u paramarjan jong u.

JEREMAÏAH 50:17

U Trai u ong, “Ki paid Israel ki long kum ki langbrot, ba la shah beh bad pynsakma da ki sing. Nyngkong, la tur ïaleh da u patsha ka Assyria, bad nangta u Nebukhadnessar u syiem ka Babilonia u ktha ïa ki shyieng jong ki.

JEREMAÏAH 50:27

Pynïap ïa ki shipai jong ki baroh! Mait ïa ki! Ki briew ka Babilonia ki la kordit! Ka por ka la poi ïa ki ban shah pynshitom!”

SNGEWSYNEI 1:21

“To shahshkor ïa ki jingud jong nga; ym don mano mano ban pyntngen ïa nga. Ki nongshun jong nga ki kmen ba me la wallam ka jingjot halor jong nga. To wallam ïa ka sngi kaba me la kular; to pynlong ïa ki nongshun jong nga ban shahshitom kum ma nga.

ESEKIEL 35:15

kumba me shadkmen ha ka jingpynjot ïa ka Israel, ka nongkynti jong nga. Ki lumbah ka Seir, ho-oid, baroh ka ri Edom kin sah kynjah. Te baroh kin sa tip ba nga long U Trai.”

ESEKIEL 36:5

“Ma nga, U Trai Nongsynshar, nga la kren ha ka jingbitar lep jong nga pyrshah ïa ki jaitbynriew kiba don sawdong bad khamtam pyrshah ïa ka Edom. Da kaba shadkmen bad da kaba leh ibeiñ, ki kurup ïa ka ri jong nga bad shim kynti ïa ki jaka phlang jong ka.

HOSIA 10:11

“Ka Israel ka la long shisien kum ka masi lud kaba la ïoh jinghikai bha, kaba la kloi bad mon ban shoh kew. Hynrei nga la rai ban buh ïa ka lyngkor ha ka ryndang ba-itynnat jong ka bad ban pyndait lyngkor ïa ka na ka bynta ka kam kaba kham eh. Ngan pynlong ïa u Judah ba un lur, bad u Israel un pynlwet khyndew.

AMOS 4:1

To shahshkor ïa kane, phi ki kynthei ka Samaria, kiba nang sngaid kum ki masi ba la bsa bha jong ka Bashan, kiba lehbeiñ ïa kiba tlot, kiba banbeiñ ïa kiba duk, bad kiba dawa ba ki tnga jong phi kin pynbiang ïa phi da ka kyiad!

OBADAÏAH 1:12

Pha la dei ban ym risa beiñ halor ka jingshem jynjar jong ki hynmen ki para jong pha ha Judah. Pha la dei ban ym lehkmen ha ka sngi ka jingpynjot ïa ki. Pha la dei ban ym rkhie ïa ki ha ka jingjynjar jong ki.

HABAKKUK 1:15

Ki nong Babilonia ki kem ïa ki briew da ki khwai, la kumba ki dei ki dohkha. Ki ring ïa ki na ki jar bad ki risa da ka jingkmen ïa ka jingïoh jong ki!

SEKHARAÏAH 14:12

U Trai un wallam ka jingpang bashyrkhei halor ki jaitbynriew baroh kiba ïaleh thma ïa ka Jerusalem. Ka doh jong ki kan pyut noh katba ki dang im; ki khmat bad ki thylliej jong ki kin pyut noh.

DEUTERONOMI 32:15

“Ki briew U Trai ki la riewspah, hynrei kiba ïaleh pyrshah; ki la sngaid bad ki la dap bha da ka jingbam. Te ki la iehnoh ïa U Blei uba la thaw ïa ki, bad ki la kyntait ïa u nongpynim bakhrawbor jong ki.