JEREMAÏAH 5:7 - Khasi CL Bible (BSI)

⁷ U Trai u kylli, “Balei ngan map ïa ki pop jong ki briew jong nga? Ki la iehnoh ïa nga, bad ki la mane ïa ki blei ki bymshisha. Nga la bsa ïa ki briew jong nga haduh ba kin da kdang, hynrei ki la leh awria, bad ki la pynlut ïa ka por jong ki bad ki nuti.

KA BAIBL

⁷ “Kumno ngan map ïa pha? Ki khun jong pha ki la lyndet ïa nga, bad ki la smai da kita ki bymlong ki blei: mynba nga la lah bsa kdang ïa ki, ki la klim, bad ki la ïalang kynhun ha ki ïing ki nuti.

JEREMAÏAH 5:7 ပူးပေါင်းရင်းမြစ်များ

2 KHRONIKL 13:9

Phi beh noh shabar ïa ki lyngdoh ki jong U Trai, ki khun ki ksiew jong u Aaron, bad phi beh noh ïa ki Lebi. Ha ka jaka jong ki phi la thung ïa ki lyngdoh ha kajuh ka rukom ba kiwei ki jaitbynriew ki leh. Uno uno uba wanrah lang bad u masi ne hynñiew tylli ki langbrot u lah ban ïoh pynkyntang kum u lyngdoh jong kito kiba shu khot ki blei jong phi.

Ka Kitab U Job 31:12

Kan long kum ka jingpynjot, ka ding bashyrkhei, ka ban bam duh ïa kiei kiei baroh kiba nga don.

SALM 50:18

Phi long u paralok jong uwei pa uwei u nongtuh ba phi ïohi bad phi ïadon bynta bad kiba klim.

JEREMAÏAH 12:16

Lada kin pdiang da ka dohnud jong ki baroh ïa ka niam jong ki briew jong nga bad kin smai, ‘Kumba U Trai u im’ — kumba shisien ki la hikai ïa ki briew jong nga ban smai da u Baal — nangta ki ruh kin long ka bynta jong ki briew jong nga ban kin manbha.

JEREMAÏAH 13:27

U la ïohi ba pha leh ïa kiei kiei kiba u isih. U la ïohi ba pha bud ïa ki blei thala halor ki lum bad ki lyngkha, kum u briew uba threw jakhlia ïa ka tnga u paramarjan jong u lane kum u kulai ïa ka kulai. Ko ki briew jong ka Jerusalem, phi long kiba la tim! Lano phin ïoh long kiba khuid?

JEREMAÏAH 16:11

Nangta ïathuh ïa ki ba U Trai u la ong, ‘Ki kpa tymmen jong phi ki la phai dien noh na nga bad ki la mane bad shakri ïa kiwei pat ki blei. Ki la iehnoh ïa nga bad kim shym kohnguh ïa ki jinghikai jong nga.

JEREMAÏAH 16:20

Hato u briew u lah ban shna ïa ki blei jong u? Em, lada u leh kumta, kin ym long shisha ki blei.”

JEREMAÏAH 2:11

Ym don kano kano kawei pat ka jaitbynriew kaba kylla ïa la ki blei, wat la kim dei kiba shisha. Hynrei ki briew jong nga ki la bujli ïa nga, U Blei uba la wanrah ha ki ka jingpyndonburom, da ki blei ki bym lah ban leh ei ei ïa ki.

JEREMAÏAH 2:31

Ko paid Israel, to shahshkor ïa kaei kaba nga ong. Hato nga la long kum ka ri shyiap ïa phi, kum ka ri kaba dum bad kaba ma? Balei te ba phi ong ba phin leh kat kaba phi sngewbha, ba phin ym wan phai shuh sha nga?

JEREMAÏAH 23:10

Ka ri ka jyllei da ki briew ki bymïaineh ha U Trai; ki im ka jingim bymman bad pyndonkam bakla ïa la ka bor. Namar ka jingtim U Trai, ka ri ka ïamkthang, bad ki jaka phlang ki tyrkhong.

JEREMAÏAH 3:19

U Trai u ong, “Ko Israel, nga la kwah ban pdiang ïa pha kum u khun jong nga bad ai ha pha ïa ka ri kaba pynkmen, ka ri kaba itynnat tam ha ka pyrthei baroh kawei. Nga la kwah ïa pha ban khot pa ïa nga bad ban ym phai shuh da lei lei na nga.

JEREMAÏAH 3:8

Ka Judah ka la ïohi ba nga la pyllait tnga ïa ka Israel bad phah noh ïa ka namar ba ka la phai noh na nga bad ka la kylla long ka nuti. Hynrei ka Judah, ka para bymïaineh jong ka Israel, kam shym sheptieng. Ma ka ruh ka la kylla long ka nuti

JEREMAÏAH 7:9

Phi tuh, pynïap briew, klim, ïathuh lamler hapoh ka jingsmai, ai jingainguh ha u Baal, bad mane ïa ki blei kiba phim pat ju tip mynshuwa.

JEREMAÏAH 9:1

Nga kyrmen ba ka khlieh jong nga ka long ka pukri um, bad ba ki khmat jong nga ka umpohliew ki ummat, khnang ba nga lah ban ïam mynsngi bad mynmiet na ka bynta ki briew jong nga kiba la shah pynïap.

JEREMAÏAH 9:2

Nga thrang ban don ka jaka ban sah ha ka ri shyiap ha kaba nga lah ban lait na ki briew jong nga. Ma ki baroh ki long ki bymïaineh, ki paidbhur ki nongshetkylla.

SNGEWSYNEI 3:42

“Ngi la leh pop bad ïeng ïaleh pyrshah, bad ma me A Trai, mem pat shym map ïa ngi.

ESEKIEL 22:11

Don kiba klim, bad kiwei ki pynbieit ïa la ki pyrsa kurim ne ïa la ki bakha kynthei.

HOSIA 11:8

“Kumno nga lah ban ieh ïa phi, ko Israel? Kumno nga lah ban iehnoh ïa phi? Hato ngan pynjot junom ïa phi kumba nga leh ïa ka Admah, lane ngan leh ïa phi kumba nga leh ïa ka Seboiim? Ka dohnud jong nga kan ym shah ïa nga ban leh ïa kata! Ka jingieit jong nga ïa phi ka long khlaiñ haduh katta katta.

HOSIA 13:6

Hynrei haba phi la rung sha ka ri kaba bha, phi la kdang bad sngewhun, bad nangta phi la sngewsarong bad klet noh ïa nga.

HOSIA 4:2

Ki ïateh kular bad ki pynkheiñ ïa ki, ki lamler, ki pynïap briew, ki tuh, bad ki klim. Ki kam sniew ki nang jyllei, bad ka don ka jingïa-pynïap briew kawei hadien kawei pat.

HOSIA 7:4

Baroh ki long kiba shetkylla bad ki bym lah shaniah. Ka jingisih jong ki, ka ing suki kum ka ding ha ka tyndur, ka bym shym la pynkhih da u nongshet kpu haduh ba u 'purew u lah long ban shet.

LEBITIKOS 20:10

“Lada u briew u klim bad ka tnga jong u para Israel, ma u bad kata ka kynthei kin shah pynïap.

AMOS 8:14

Kito kiba smai ha ki bleithaw jong ka Samaria, kiba ong, ‘Da u blei jong ki Dan,’ lane, ‘Da u blei jong ki Beersheba,’ — kito ki briew kin kyllon, bad kin ym khie pat.”

SEPHANAÏAH 1:5

Ngan pynjot ïa uno uno uba leit kiew sha tnum ïing bad mane ïa ka sngi, u bnai, bad ïa ki khlur. Nga pynjot ruh ïa kito kiba mane ïa nga bad kiba smai ban ïaineh ha nga, hynrei pynban ki shim smai ha ka kyrteng jong u blei Molekh.

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

1 KORINTH 6:9

Shisha phi tip ba ki bymman kin ym ïohkynti ïa ka Hima U Blei. To wat shukor ïa lade; ki briew kiba awria lane kiba mane ïa ki bleithaw lane kiba klim lane kiba leh khyllah para shynrang

1 KORINTH 8:4

Kumta te, shaphang kaba bam ïa ka jingbam kaba la kñia sha ki bleithaw: Ngi tip ba ka bleithaw ka ïeng na ka bynta kano kano ka bym don ei ei shisha; ngi tip ba don tang uwei U Blei.

GALATIA 4:8

Ha ka por ba la leit phim shym la ithuh ïa U Blei, kumta phi long ki mraw jong ki jingthaw ki bym dei ki blei.

DEUTERONOMI 32:15

“Ki briew U Trai ki la riewspah, hynrei kiba ïaleh pyrshah; ki la sngaid bad ki la dap bha da ka jingbam. Te ki la iehnoh ïa U Blei uba la thaw ïa ki, bad ki la kyntait ïa u nongpynim bakhrawbor jong ki.

DEUTERONOMI 32:21

Da la ki bleithaw ïa nga ki pynbitar, ïa ki blei jong ki, ki bym dei shisha ki blei, ngam lah shah. Kumta ngan pyndonkam da kito ki bym dei ka jaitbynriew ban pynbitar ïa ki, ngan kynshoit ruh ïa ki da ka jaitbynriew kaba bieit katba kin ym lah shah.

HEBRU 13:4

Ïa ka jingshongkurim dei ban ri burom da baroh, bad kiba long shi tnga ki dei ban shaniah iwei ïa iwei pat. U Blei un sa bishar ïa kito kiba awria bad ïa kito kiba klim.

JAKOB 4:4

Ko phi ki briew bym lah shaniah! Hato phim tip ba ka jingïalang lok bad ka pyrthei ka long ka nongshun jong U Blei? Uno uno uba kwah ban pynlong lok bad ka pyrthei u pynlong ïa lade u nongshun jong U Blei.

JOSHUA 23:7

Wat klet ïa kano kano ka bynta jong ka, bad nangta phin ym ïakhleh bad kine ki briew kiba dang sah hapdeng jong phi lane ïakren ïa ki kyrteng jong ki blei jong ki lane pyndonkam ïa kito ki kyrteng ha kaba shim smai lane mane ïa kito ki blei lane nguh dem ïa ki.