JEREMAÏAH 5:6 - Khasi CL Bible (BSI)

⁶ Dei kata keiñ balei ba ki sing na khlaw kin pynïap ïa ki, ki suri na ka ri shyiap kin tar lyngkhot ïa ki, bad ki 'labasa kin ïaid apthap lyngba ki shong jong ki. Lada kito ki briew ki mih shabar, yn tar lyngkhot ïa ki namar ki pop jong ki, ki long kiba bun bad na ka por sha ka por ki la phai dien noh na U Blei.

KA BAIBL

⁶ Namar kata, u sing na khlaw un pynïap ïa ki, u suri ki por miet un lute ïa ki, u 'labasa un ap ïa ki shnong jong ki, ïa uwei uwei baroh uba leit mih noh nangta yn patar lyngkhot lyngkhai; namar ki ryngkang jong ki, ki la bun, bad ki jingphaidien jong ki, ki la nang roi.

JEREMAÏAH 5:6 ပူးပေါင်းရင်းမြစ်များ

2 KHRONIKL 36:14

Nalor kane, ki nongïalam ka Judah, ki lyngdoh, bad ki briew ki bud ïa ka jingleh bymman jong ki jaitbynriew sawdong jong ki ha kaba mane ïa ki bleithaw, bad kumta ki pyntngit ïa ka Templ, ïa kaba U Trai da lade hi u la pynlong kaba kyntang.

ESRA 10:10

U Esra u lyngdoh u la ïeng bad kren ha ki. U ong, “Phim shym la neh ha ka jingngeit bad phi la wanrah ïa ka jingpynrem halor ka Israel da kaba shongkurim ïa ki kynthei nongwei.

ESRA 9:6

Nga ong, “A Blei, nga sngewlehrain haduh katta katta ban rah ïa la ka khlieh ha ka jingdon jong me. Ki pop jong ngi ki la kynton palat ïa ki khlieh jong ngi; ki la poi shaduh sha bneng.

Ka Kitab U Job 10:16

Lada nga ïoh ïa kano kano ka jingjop, me beh kthong ïa nga kum u sing; ban pynmynsaw ïa nga me leh wat da ki kambah.

SALM 104:20

Me la thaw ïa ka miet, bad ha ka jingdum baroh ki mradkhlaw ki mih shabar.

SALM 80:13

Ki sniang khlaw ki ïuh ïa u, bad ki mradkhlaw ki bam ïa u.

ISAÏAH 1:23

Ki nongïalam jong pha ki long ki nongïaleh pyrshah bad ki paralok jong ki nongtuh; ki ju pdiang ïa ki jingai sngewbha bad ïa ki jingai tyngka bymdei. Kim ju ïada ïa ki khunswet ha ka ïingbishar lane shahshkor haba ki riewkynthei ki kren ïa ka kam jong ki.

ISAÏAH 59:12

“A Trai, ki kam runar jong ngi pyrshah ïa me ki long kiba bun. Ki pop jong ngi hi ki pynrem ïa ngi. Ngi tip bha ïa kine kiei kiei baroh.

JEREMAÏAH 14:7

Ki briew jong nga ki kyang jam sha nga, ‘Wat la ki pop jong ngi ki pynrem ïa ngi, to ïarap ïa ngi, A Trai, kumba me la kular. Ngi la phai dien noh na me bun bunsien; ngi la leh pop pyrshah ïa me.

JEREMAÏAH 2:15

Ki la kyrhuh ha u kum u sing, ki la pynkylla ri shyiap ïa ka ri jong u, bad ki shnong jong u ki don ha ka jingjot jingpra, kiba la shah iehnoh khoit.

JEREMAÏAH 2:17

Ko Israel me la wallam ïa kane halor jong me! Me la iehnoh ïa nga, U Trai U Blei jong me, katba nga dang ïalam ïa me ha ka lynti.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JEREMAÏAH 2:31

Ko paid Israel, to shahshkor ïa kaei kaba nga ong. Hato nga la long kum ka ri shyiap ïa phi, kum ka ri kaba dum bad kaba ma? Balei te ba phi ong ba phin leh kat kaba phi sngewbha, ba phin ym wan phai shuh sha nga?

JEREMAÏAH 25:38

U Trai u la iehnoh ïa la ki briew kum u sing uba iehnoh ïa la ka krem. Ki jingshyrkhei ka thma bad ka jingbitar shla U Trai ki la pynkylla ïa ka ri sha ka ri shyiap.

JEREMAÏAH 30:14

Baroh ki nongleh-ieit jong phi ki la klet noh ïa phi; kim salia shuh ïa phi. Nga la tur ïaleh ïa phi kum u nongshun; ka jingshah pynshitom jong phi ka la long kaba eh namar ki pop jong phi ki long kiba bun bad ka jingbymman jong phi ka long kaba khraw.

JEREMAÏAH 30:15

Wat ujor shuh shaphang ki jingmynsaw jong phi; ym don kano kano ka jingpynkoit ïa phi. Nga la pynshitom ïa phi kumne namar ki pop jong phi ki long kiba bun bad ka jingbymman jong phi ka long kaba khraw.

JEREMAÏAH 4:7

Kum u sing uba wan mih na ka jakarieh jong u, u nongpynjot jong ki jaitbynriew u la mihnoh. U wan ban pynjot ïa ka Judah. Ïa ki nongbah jong ka Judah yn ieh ha ki jingjot, bad yn ym don mano mano bashong ba sah ha ki.

JEREMAÏAH 49:19

Kum u sing uba wan mih na ki khlaw barben artet ïa ka Jordan haduh ki jaka phlang bajyrngam, ngan wan bad ban pynlong ïa ki nong Edom ban phet krad kyndit na ka ri jong ki. Nangta u nongïalam uba nga jied un synshar ïa ka hima. Uno uba lah ban ïanujor bad nga? Uno uba nud ban ïakob bad nga? Uei u nongsynshar uba lah ban ïeng pyrshah ïa nga?

JEREMAÏAH 8:5

Balei te, ko ki briew jong nga, ba phi phai lyndet noh na nga khlem da wan phai shuh? Phi snoh ha la ki bleithaw bad phi kyntait ban wan phai sha nga.

JEREMAÏAH 8:7

Wat ki thring ki tip lano ka dei ka por ban wan phai; ki lyngdkhur, ki lyntait, bad ki throsh ki tip lano ka dei ka por ban leit noh shawei. Hynrei, ko ki briew jong nga, phim shym tip ïa ki aiñ da kiba nga synshar ïa phi.

SNGEWSYNEI 1:5

Ki nongshun jong ka ki la jop; ki la bat ïa ka ha ka bor jong ki. U Trai u la pynlong ïa ka ban shahshitom na ka bynta ki pop kiba bun jong ka baroh. Ïa ki khun jong ka la kem bad la shah rah noh.

ESEKIEL 16:25

Pha pynbyrsieh ïa la ka jingbhabriew ha ka ktieh, pha ai ïa lade ha uwei pa uwei uba wan najan, bad pha la kham long kum ka nuti man la ka sngi.

ESEKIEL 22:27

Ki rangbah sorkar ki long kum ki suri kiba patar lyngkhot ïa ki mrad ba ki la pynïap. Ki pynïap briew ba kin ïoh riewspah.

ESEKIEL 23:19

Ka la nang kham long ka nuti ban ïa kaba ka ju long, ka la leh kumba ka la ju leh haba ka dang khynraw, mynba ka la long ka nuti ha Ijipt.

DANIEL 7:4

Uba nyngkong u syriem kum u sing, hynrei u don ki thapniang kum u pukni. Katba nga dang khmih la pynkdiah ïa ki thapniang. Ïa u mradkhlaw la rah shajrong bad la pynlong ïa u ban ïeng kum u briew. Bad nangta la ai ha u ka jingmut jingpyrkhat kum u briew.

DANIEL 7:6

Mynba nga dang ap khmih, sa uwei pat u mradkhlaw u la mihpaw. U syriem kum u 'labasa, hynrei ha ka met jong u la don saw tylli ki thapniang, kum ki thapniang jong ka sim, bad u don saw tylli ki khlieh. U don ka dur kum uba don ka bor.

HOSIA 5:14

Ngan tur ïaleh ïa ki paid Israel bad Judah kum u sing. Ma nga hi da lade ngan patar lyngkhot ïa ki, bad nangta ngan iehnoh ïa ki. Haba nga patan tyngeh ïa ki, yn ym don uba lah ban pyllait ïa ki.

HABAKKUK 1:8

“Ki kulai jong ki, ki kham stet ban ïa ki 'labasa, kham shyrkhei ban ïa ki suri bathngan. Ki nongshong kulai jong ki, ki wan tur na ki jaka ba sha jngai; ki kulai jong ki, ki trud ïa ka khyndew. Ki wan suh wia kum ki pukni kiba tur ha ka jingbam.

SEPHANAÏAH 3:3

Ki rangbah pynïaidkam jong ka ki long kum ki sing bakyrhuh; ki nongbishar jong ka ki long kum ki suri bathngan, kiba lalot eh kat ban pynsah sa tang ka shyieng haduh mynstep.

JINGKHEIÑ 32:14

Bad mynta phi la shim ïa ka jaka jong ki kpa tymmen jong phi, ka pateng bynriew bathymmai jong ki riewbymman kaba kloi ban pynwan biang ïa ka jingbitar kaba shyrkhei jong U Trai halor ki Israel sa shisien pat!

JINGPYNPAW 13:2

Uta u mradkhlaw u ïasyriem ïa u 'labasa, bad ki kjat kum ki kjat dngiem bad ka shyntur u kum ka shyntur sing. U Ïakjakor u la ai ha u mradkhlaw ïa ka bor jong u hi, ïa ka khet jong u, bad ïa ka bor synshar baïar jong u.