JEREMAÏAH 5:5 - Khasi CL Bible (BSI)

⁵ Ngan leit sha ki briew kiba ha ka bor; bad ïakren bad ki. Da shisha ki tip kaei ba U Blei u dawa, kaei ba U Trai u kwah ïa ki ban leh.” Hynrei ki baroh ki la kyntait ïa ka iktiar jong U Trai bad ki kyntait ban kohnguh ïa u.

KA BAIBL

⁵ ngan leit sha ki bakhraw batri, bad ngan kren ha ki; naba ki tip ïa ka lynti U Trai, bad ïa ka jingbishar U Blei jong ki.” Hynrei kine, da kawei ka jingmut ki la pynkheiñ ïa ka lyngkor, bad ki la bthat ïa ki jingkhum.

JEREMAÏAH 5:5 ပူးပေါင်းရင်းမြစ်များ

2 KHRONIKL 36:14

Nalor kane, ki nongïalam ka Judah, ki lyngdoh, bad ki briew ki bud ïa ka jingleh bymman jong ki jaitbynriew sawdong jong ki ha kaba mane ïa ki bleithaw, bad kumta ki pyntngit ïa ka Templ, ïa kaba U Trai da lade hi u la pynlong kaba kyntang.

EKSODOS 32:25

U Moses u ïohi ba u Aaron u la pyllait lan ïa kita ki paidbah kat haduh ba ki la pynkhlemrain ïa lade ha khmat ki nongshun jong ki.

ISAÏAH 1:23

Ki nongïalam jong pha ki long ki nongïaleh pyrshah bad ki paralok jong ki nongtuh; ki ju pdiang ïa ki jingai sngewbha bad ïa ki jingai tyngka bymdei. Kim ju ïada ïa ki khunswet ha ka ïingbishar lane shahshkor haba ki riewkynthei ki kren ïa ka kam jong ki.

JEREMAÏAH 2:20

U Trai Nongsynshar u ong, “Ko Israel, la slem bah me la kyntait ïa ka iktiar jong nga; me la kyntait ban kohnguh ïa nga bad mane ïa nga. Ha uwei pa uwei u lum bakynjang bad hapoh uwei pa uwei u dieng bajyrngam me la mane ïa ki blei ka jingkharoi.

JEREMAÏAH 2:31

Ko paid Israel, to shahshkor ïa kaei kaba nga ong. Hato nga la long kum ka ri shyiap ïa phi, kum ka ri kaba dum bad kaba ma? Balei te ba phi ong ba phin leh kat kaba phi sngewbha, ba phin ym wan phai shuh sha nga?

JEREMAÏAH 30:14

Baroh ki nongleh-ieit jong phi ki la klet noh ïa phi; kim salia shuh ïa phi. Nga la tur ïaleh ïa phi kum u nongshun; ka jingshah pynshitom jong phi ka la long kaba eh namar ki pop jong phi ki long kiba bun bad ka jingbymman jong phi ka long kaba khraw.

JEREMAÏAH 6:13

Uwei pa uwei, uba khraw bad uba rit, u pyrshang ban shna pisa da ka jingbymhok; wat ki nongïathuhlypa bad ki lyngdoh ki thok ïa ki briew.

JEREMAÏAH 8:7

Wat ki thring ki tip lano ka dei ka por ban wan phai; ki lyngdkhur, ki lyntait, bad ki throsh ki tip lano ka dei ka por ban leit noh shawei. Hynrei, ko ki briew jong nga, phim shym tip ïa ki aiñ da kiba nga synshar ïa phi.

JEREMAÏAH 9:3

Ki long borabor kiba kloi ban ïathuh lamler; ka jingbymhok ha ka jaka jong ka jingshisha, ka synshar ïa ka ri. U Trai u ong, “Ki briew jong nga ki leh ïa kawei kaba sniew hadien kawei pat bad kim shym pdiang ïa nga kum U Blei jong ki.”

ESEKIEL 11:2

U Blei u la ong ha nga, “Ko khun u briew, kine ki rangbah ki thaw ki jingthmu basniew bad ki ai ïa ka jingai jingmut bym long hapoh kane ka nongbah.

AMOS 4:1

To shahshkor ïa kane, phi ki kynthei ka Samaria, kiba nang sngaid kum ki masi ba la bsa bha jong ka Bashan, kiba lehbeiñ ïa kiba tlot, kiba banbeiñ ïa kiba duk, bad kiba dawa ba ki tnga jong phi kin pynbiang ïa phi da ka kyiad!

AMOS 6:1

Katno kaba sngewshyrkhei kan long ïa phi kiba shongsuk ha Seïon, bad ïa phi kiba sngewshngain ha Samaria — phi ki briew kiba khraw jong kane ka jaitbynriew Israel kaba khraw, phi sha kaba ki briew ki ju leit ban ïoh jingïarap!

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

MALAKHI 2:7

Ka dei ka kamram ki lyngdoh ban hikai ïa ka jingtip bashisha ïa U Blei. Ki briew ki dei ban leit sha ki ban tip ïa ka mon jong nga, namar ki long ki nonglamktien jong U Trai Badonbor Baroh.

LOUKAS 18:24

U Jisu u la ïohi ba u la sngewsih bad u la ong, “Katno ka long kaba eh ïa ki briew bariewspah ban rung shapoh ka Hima U Blei!

LOUKAS 19:14

Mynta, ki para ri jong u ki la isih ïa u, bad kumta ki la phah ïa ki nonglamktien hadien jong u ban ong, ‘Ngim kwah ïa une u briew ban long u syiem jong ngi.’